“Müğənnilər və aktyorlar qədər dili korlayan yoxdur”
Tarix: 11.09.2013 | Saat: 23:00:00 | E-mail | Çapa göndər


AMEA Dilçilik İnstitutunun strukturunun təkmilləşdirilməsi və maddi-texniki bazasının müasirləşdirilməsinin təmin edilməsi məqsədilə institutun yeni strukturu qurulub.
Bu barədə AMEA Dilçilik İnstitutunun direktor əvəzi Fəxrəddin Veysəlov “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı”nın icrası ilə bağlı yaradılmış işçi qrupunun iclasında məlumat verib. O bildirib ki, aparılan struktur dəyişikliklərinə əsasən, institutun bəzi şöbələri birləşdirilib, bəzi şöbələr iki hissəyə bölünüb, bəzi şöbələr isə yeni yaranıb. F.Veysəllinin sözlərinə görə, aparılan struktur dəyişiklikləri nəticəsində 10 şöbə formalaşıb: “Bunlara “Müasir Azərbaycan dili”, “Dil tarixi və dialektologiya”, “Sosial-linqvistika və dil siyasəti”, “Qədim dillər və mədəniyyətlər”, “Nəzəri dilçilik”, “Tətbiqi dilçilik”, “Hind-Avropa dilləri”, “Monitorinq”, “Türk dilləri” və yeni dövrlə ayaqlaşan “Kompüter” şöbələri daxildir. Bu yeni şöbələrin siyahısı AMEA Rəyasət Heyətinə təqdim olunacaq və qəbul edildiyi təqdirdə yeni struktur formasında fəaliyyət göstərəcək”.

Dövlət Proqramının icrası ilə bağlı yaradılmış işçi qrupunun rəhbəri Kamal Abdulla Dilçilik İnstitutunun yeni strukturunun yaradılmasının çox zəruri və lazımlı addım olduğunu deyib. O bildirib ki, bu məsələ Prezidentin sərəncamında da öz əksini tapıb, proqramın bəzi bəndlərinin icrası Dilçilik İnstitutunun yeni yaradılan şöbələrində icra ediləcək. K.Abdulla qeyd edib ki, AMEA Dilçilik İnstitutunda “Qaynar xətt” xidməti yaradılacaq. Onun sözlərinə görə, hansı şəhərdə yaşamağından asılı olmayaraq, hər bir Azərbaycan vətəndaşı zəng edərək küçələrdə olan yazılarda dil qaydalarının pozulması ilə bağlı öz fikir və narazılıqlarını bildirəcəklər: “Onları yoxlamaq və yerindəcə düzəltdirmək İcra Hakimiyyətindən asılıdır. Dilçilik İnstitutu isə onun həlli yolları ilə bağlı reseptlərini verəcək”. Kamal Abdulla deyib ki, televiziyalarda bədii şuraların yaradılmasının vaxtı çoxdan çatıb. Hər hansı formada televiziyalarda bu işlər görülməli və dil qaydalarının qorunması həll olunmalıdır. O bildirib ki, dövlət proqramının icrası ilə əlaqədar radio və televiziyalarda mütəmadi monitorinqlər aparılacaq. K.Abdullanın sözlərinə görə, monitorinq qrupunu Bədii Şura da hesab etmək olar: “Kimə desəm ki, televiziyalar üçün Bədii Şura yaradılır, hamı bunu alqışlayacaq. Çünki bunun vaxtı çoxdan çatıb”.
K.Abdulla Azərbaycanda dili korlayanların kimliyini də açıqlayıb: “Müğənnilər və aktyorlar qədər dili korlayan yoxdur. Biz bəzən diktorları və aparıcıları qınayırıq. Amma dili ən çox korlayan müğənni və aktyorlardır”. İşçi qrupunun sədr müavini Həbib Zərbəliyev də televiziya və radiolarda aparılan monitorinqlər nəticəsində təşkil olunacaq treninq kursları barədə məlumat verib. Onun sözlərinə görə, dil pozuntularına yol verən aparıcılar üçün treninq kurslar təşkil ediləcək. Bu kurslara ölkənin ən peşəkar diktorlarının, aparıcılarının cəlb edilməsi nəzərdə tutulur: “Hazırda televiziya və radiolarda Azərbaycan dilinin normalarına riayət edilməsi ilə bağlı monitorinqlər aparılır. Bu monitorinqlərin yaxın zamanlarda yekunlaşması nəzərdə tutulur. Onun nəticələri əsasında dil pozuntularına yol verən aparıcı və diktorlar üçün treninq kursları təşkil ediləcək. Bununla əlaqədar olaraq Milli Televiziya və Radio Şurasına da müraciət edilib və onlarla birgə iş görülür. Birgə təşkil olunacaq treninqlərə də Milli Televiziya və Radio Şurasının təqdimatı ilə ölkənin ən peşəkar diktorlarının, aparıcılarının cəlb edilməsi nəzərdə tutulur”.
Nigar




 
Bölməyə aid digər xəbərlər
18.11.2018
Bakı Şəhər Baş Polis İdarəsinin məlumatı
18.11.2018
Əli Həsənov: Polis üçün əsas siyasi mənsubiyyət məsələsi deyil, ictimai asayişin təmin edilməsidir
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info