“Ezo gəlin” şorbası
Tarix: 13.12.2019 | Saat: 13:53:00 | E-mail | Çapa göndər


“Türkiyə mətbəxi” silsiləsindən bu gün biz sizə Anadolu ətri verən ”Ezo gəlin" şorbasını təqdim edirik.

Şorbanın yeri Türkiyə mətbəxində xüsusidir. Mövsümündən asılı olaraq şorbalar da müxtəlif və biri digərindən dadlı olur. Zəngin, kasıb, şəhərli və kəndli fərqləri olmadan şorbanı cəmiyyətin hər zümrəsinin nümayəndəsi sevə-sevə yeyir-içir.
Müxtəlif mədəniyyətlərdə əsasən günorta və ya axşam yeyilən şorba üçün Türkiyə mətbəxində xüsusi bir zaman anlayışı yoxdur. Səhər qəhvəaltısında şorba içərək günə başlamaq türklərin çöl bölgələri və ya kənd yerlərində bir yemək vərdişidir.

“Türkiyə mətbəxi” silsiləsindən bu gün biz sizə Anadolu ətri verən ”Ezo gəlin" şorbasını təqdim edirik.

Rəvayətə görə, bu yemək öz adını bir zamanlar Türkiyənin cənub-şərqindəki Qaziantep rayonunda yaşamış Ezo gəlin adlı qadından alıb. Beləliklə, gözəl rəngi, ətri və dadı ilə süfrələr bəzəyi olan, cana faydalı “Ezo gəlin" şorbasının tərifinə keçək.

“Ezo gəlin” şorbasını bişirmək üçün nələr lazımdır, əvvəlcə onları sadalayırıq:

Bir stəkan yarım qırmızı mərci,
3 yemək qaşığı düyü,
2 yemək qaşığı yarma (bulqur),
1 ədəd ağ soğan,
1 çay qaşığı pomidor tomatı (salça),
1 yemək qaşığı kərə yağı,
6 stəkan su,
1 çay qaşığı nanə,
1 çay qaşığı duz,
1-2 ədəd limonun suyu,
1 çay qaşığı istiot.
Sıra gəldi "Ezo gəlin" şorbasını bişirməyə.

Əvvəlcə mərcini bol suda yaxşıca yuyun.
Bu arada suyu geniş bir qazanda qaynadın. Yuyub suyunu süzdüyünüz qırmızı mərcini qazana tökün. Üzərinə 3 yemək qaşığı düyü, 2 yemək qaşığı yarma və 1 çay qaşığı duz əlavə edin. Təxminən 35 dəqiqə bişirin.
Qırmızı mərcilər yumşalana qədər qaynayınca ayrı bir tavada 1 yemək qaşığı kərə yağını əridin. Doğranmış ağ soğanı tavaya tökün və qovurmağa başlayın. Bir az pörtən kimi soğanların üzərinə 1 çay qaşığı doğranmış pomidor və ya tomatı, sonra isə 1 çay qaşığı nanəni əlavə edin. Hamısını birlikdə 2 dəqiqə qovurun, sonra qarışığı götürüb mərcini qaynatdığınız qazana tökün. Bundan sonra şorba daha 10 dəqiqə bişsin. Qazın üzərindən götürəndən sonra üstünə limon suyu və qırmızı bibər əlavə edərək isti-isti süfrəyə gətirin və yeyin. Nuş olsun!




 
Bölməyə aid digər xəbərlər
18.01.2020
Türkiyə mətbəxindən “ Arnavut plovu“ -VIDEO
15.01.2020
Qaraciyər paşteti
15.01.2020
“Zərdə” şirniyyatı necə hazırlanır?
08.01.2020
Kartoflu tost
03.01.2020
Rulet salatı

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11435

1 Görkəmli neftçi-alim və geoloq, akademik Xoşbəxt Yusifzadənin 90 illik yubileyi münasibətilə mərasim keçirilib
2 Azərbaycanın turizm sektoru nümayəndələrinin etik kodeksi hazırlanıb
3 “Tufandağ“ yerli əhali ilə yanaşı, xarici turistlərin də sevimli istirahət məkanına çevrilib
4 Rusiya Ermənistanı sıxır: qazın qiyməti artırıla bilər
5 Azərbaycandakı bütün turizm bələdçiləri qeydiyyata alınacaq


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info