Tempus MUMEENA layihəsinin təmsilçiləri universitetdə
Tarix: 18.09.2013 | Saat: 18:40:00 | E-mail | Çapa göndər


MUMEENA - Avropa Şurasının Şərqi Avropada Tibb Təhsilinin Müasirləşdirilməsi layihəsinin əməkdaşları Naxçıvan Dövlət Universitetində olmuşlar. Universitetin rektoru, biologiya elmləri doktoru, professor Saleh Məhərrəmov qonaqları qəbul edərək müasir dövrdə Avropa təhsil sisteminə inteqrasiya və ümumavropa ali təhsil məkanının formalaşdırılması məqsədilə Naxçıvan Dövlət Universitetində görülən işlərdən danışdı. Rektor bildirdi ki, bu ali məktəb dünyanın tanınmış universitetləri ilə beynəlxalq əlaqələrə malik olmaqla yanaşı Tempus proqramı çərçivəsində həyata keçirilən 5 layihənin də iştirakçısıdır. Tərəfdaş ölkələrin təhsil müəssisələrinin Avropadakı universitetlərlə əməkdaşlığını nəzərdə tutan Tempus proqramının layihələrinə qoşulmaq təhsildə Avropa standartlarına dair təcrübənin bölüşməsi, tədrisin səviyyəsinin artırılması, tələbələrin xaricdə təhsil alması, universitetlərdə idarəetmənin təkmilləşdirilməsi, yeni informasiya texnologiyalarının tətbiqi məqsədi daşıyır. Rektor qeyd etdi ki, bu layihələrdən tibb fakültəsini əhatə edən, artıq yekunlaşmaqda olan MUMEENA - Avropa Şurasının Şərqi Avropada Tibb Təhsilinin Müasirləşdirilməsi layihəsi tibb sahəsində təcrübəli mütəxəssislərin hazırlanması baxımından əhəmiyyətli olmuşdur. Layihənin koordinatoru, Boyuk Britaniyanın Leeds Universitetinin direktoru, professor Trudie Robertsin, layihənin digər əməkdaşları Anne Maria Reid, Riçard Fuller və Elania Brockun iştirakı ilə növbəti müştərək layihələrin həyata keçirilməsi, muxtar respublikada tibb təhsilinin inkişafı, Avropa tibb təhsilində qazanılan qabaqcıl təcrübənin tətbiqi kimi tərəfdaşlıq məsələləri müzakirə olundu. Sonra tələbələrlə görüş keçirildi. Görüşdə Böyük Britaniyanın Leeds Universitetinin direktoru, professor Trudie Roberts, Naxçıvan Dövlət Universitetinin Pediatriya kafedrasının baş müəllimi, tibb elmləri üzrə fəlsəfə doktoru, layihənin yerli koordinatoru Elmar Rzayev çıxış edərək layihə haqqında tələbələrə ətraflı məlumat verdilər. Qeyd olundu ki, Naxçıvan Dövlət Universitetinin qoşulduğu MUMEENA layihəsi Avropada Tibb təhsilinin modelini təqdim edir. Layihədə İngiltərə, Niderland, İspaniya və İtaliyadan olan nümayəndələr təmsil olunur. Universitetin Tibb fakültəsi 2012-ci ildən bu proqrama qoşulub. Tibb fakültəsinin əməkdaşları layihə çərçivəsində Avropanın müxtəlif universitetlərində; Niderlandın Utrech, İngiltərənin Leeds, İspaniyanın Granada, Gürcüstanın Tbilisi Dövlət Tibb Universitetində və Ukraynanın Milli Tibb Universitetində keçirilən treninqlərdə iştirak ediblər. Gorüşdə dünya səhiyyəsində baş verən yeniliklər, Avropada Tibb Təhsilinin əsas müddəaları və modeli, magistr, bakalavr səviyyələrində tələbələrin hazırlanması üçün tibbi kurrikilum haqda ətraflı məlumat verildi, tibb sahəsində tələbə və təcrübə mübadiləsi ilə bağlı məsələlərdən bəhs olundu. Səfər zamanı qonaqlar Tibb fakültəsində tədrisin vəziyyəti, buradakı maddi-texniki baza, tələbələrin nəzəri və təcrübi bilik səviyyələri ilə tanış oldular.

Mehriban SULTAN
NDU-nun Mətbuat şöbəsinin müdiri




 
Bölməyə aid digər xəbərlər
15.02.2019
Ədliyyə naziri Xaçmazda vətəndaşları qəbul edib
15.02.2019
Алексей Ретеюм: “Дизайн Баку поражает. Москве есть чему поучиться“
15.02.2019
Masallıda təqdimat: “Bizim tanıdığımız Elmira...”
15.02.2019
Masallıda “Xocalı faciəsi qan yaddaşımızdır” mövzusunda inşa müsabiqəsi keçirilib
15.02.2019
Səfir: “Azərbaycanda tolerantlığın yüksək səviyyədə olmasını bütün dünya etiraf edir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 Qabaqcıl texnologiyalar dövründə ənənəvi və internet medianın inkişafı
5 Bakıda yeni otel istifadəyə verilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info