Con Kerri: “Kimyəvi hücuma görə məsuliyyət Əsədin üzərinə düşür”
Tarix: 18.09.2013 | Saat: 23:24:00 | E-mail | Çapa göndər


Vitali Çurkin: “Kimyəvi hücum xarici müdaxilənin baş verməsi
məqsədilə həyata keçirilib”


ABŞ-ın dövlət katibi Con Kerri jurnalistlərlə söhbətində bildirib ki, BMT inspektorlarının məruzəsinə əsasən bu il avqustun 21-də Dəməşq yaxınlığında törədilmiş kimyəvi hücumun məsuliyyəti məhz Suriya prezidenti Bəşər Əsədin üzərinə düşür. Amerika diplomatiyasının rəhbəri senatın Xarici işlər komitəsinin üzvləri ilə görüşdən əvvəl deyib:

“Bu məruzənin təfsilatı - istifadə edilmiş döyüş sursatlarının tipi, zəhərləyici qazın növü, raketlərin tipi və onların uçuş trayektoriyası son dərəcə əhəmiyyətli faktlardır. Onlar göstərir ki, bu hücumu məhz Əsəd rejimi törədib”. Kerri bildirib ki, o, keçən həftənin sonunda Cenevrədə Suriyanın kimyəvi silahına dair əldə edilmiş çərçivə sazişi barədə qanunvericilərə məlumat verməyə hazırlaşır. Dövlət katibinin sözlərinə görə bu razılaşma çox vacibdir, çünki, o, Suriyanın bütün kimyəvi silahlarını məhv etməyə imkan verəcək. Kerri bir daha vurğulayıb ki, əgər ABŞ tərəfindən Suriyaya qarşı güc tətbiq edilməsi qorxusu olmasaydı, bu sazişə nail olmaq mümkün olmazdı. Dövlət katibi qeyd edib ki, sazişin şərtlərinin Əsəd rejimi tərəfindən yerinə yetirilməsinə təminat vermək üçün Birləşmiş Ştatlar hərbi qüvvədən istifadə etmək hədəsinə son qoymamalıdır. Qeyd edək ki, Suriya hökuməti Dəməşq ətrafındakı kimyəvi hücumlar barədə materialları rusiyalı diplomatlara təqdim edib. “İTAR TASS”ın xəbərinə görə, hazırda Dəməşqdə olan Rusiya xarici işlər nazirinin müavini Sergey Ryabkov bildirib ki, Suriya hökuməti bu materialları kimyəvi hücumların silahlı müxalifət tərəfindən həyata keçirilməsinin göstəricisi kimi qiymətləndirir. Rusiya XİN sözügedən materialların tədqiq olunmasına başlayıb. Rusiyalı diplomatlara hansı növ informasiyaların verildiyi və onların analizi üçün nə qədər vaxt lazım olacağı açıqlanmır. Rusiyanın BMT-dəki daimi nümayəndəsi Vitali Çurkin BMT Baş Assambleyasının 68-ci sessiyasının açılışında çıxış edərkən deyib ki, Qutada həyata keçirilən kimyəvi hücum Suriya münaqişəsinə xarici müdaxilənin baş verməsi məqsədilə həyata keçirilib. Bu arada ABŞ, Böyük Britaniya və Fransa BMT-yə Suriyanın kimyəvi silahının beynəlxalq nəzarətə verilməsini dəstəkləyən qətnamə layihəsi təqdim ediblər.
Anar




 
Bölməyə aid digər xəbərlər
19.01.2019
Fransada “Sarı jiletlər”in növbəti aksiyası keçirilir
19.01.2019
Türkiyə hərbçiləri Suriyada “YPG“ terrorçularına layiqli cavab veriblər
18.01.2019
Berlin: Moskva “Şimal axını-2” layihəsinin tikintisini müstəqil şəkildə başa çatdırmağa qadirdir
18.01.2019
İtaliya Suriyada yenidən səfirliyini aça bilər
18.01.2019
İran ABŞ-dan Press TV-nin jurnalistini təcili azadlığa buraxmağı tələb edir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info