Cəmil Həsənli canlı efirdə özünə nəzarəti itirdi
Tarix: 19.09.2013 | Saat: 23:58:00 | E-mail | Çapa göndər


O, qeyri-etik ifadələr işlətməklə həm də tamaşaçıları təhqir etmiş oldu

Ayın 19-da axşam İctimai Televiziyada oktyabrın 9-da keçiriləcək prezident seçkilərində namizəd olan şəxslərin debatı keçirilib. Debat zamanı namizədlər arasında insident baş verib. Belə ki, Müasir Müsavat Partiyasının sədri, prezidentliyə namizəd Hafiz Hacıyevin atmacalarına “milli şura”nın namizədi Cəmil Həsənli adekvat tərzdə cavab verib.
C.Həsənli əslində efir vaxtından istifadə etməklə efirə aid olmayan, qeyri-etik leksikon və söyüşlərdən istifadə edib.

O, aparıcını da aşağılamağa çalışaraq, yenidən efir vaxtı tələb edib və guya ona ayrılmış vaxtı Hafiz Hacıyevlə deyişməyə sərf etdiyini iddia edib. Aparıcı dəfələrlə hər iki tərəfi sakitləşdirməyə çalışsa da, tərəflər bir-birilərinə qarşı hədyanlar yağdırıblar və bu zaman küçə leksikonundan yararlanıblar. Belə olduqda, aparıcı onların hər ikisinin zaldan çıxarılmasını istəyib. Hafiz Hacıyev debatdan uzaqlaşdırılsa da, C.Həsənli durub getmək istəməyib və vaxtının qaldığını iddia edib. Bu zaman o, yenidən aparıcıya sərt sözlərlə müraciət edib. C.Həsənli həm də Yeni Azərbaycan Partiyası namizədinin səlahiyyətli nümayəndəsinə və bütövlükdə hakimiyyətə qarşı nalayiq sözlərdən istifadə edib. O, özünə nəzarəti itirərək, prezidentliyə namizədə yaraşmayan ifadələrlə və hirslə hərəkət edib. Həmçinin digər namizədlərin çıxışlarına maneə yaradıb. Bir xeyli yenidən efir vaxtı tələb etsə də, sonda deyinə-deyinə debatı tərk edib.
Qeyd edək ki, debat vaxtı C.Həsənlinin işlətdiyi fikir və ifadələr, hakimiyyətə qarşı ittihamlardan görünür ki, bu fikirlər onun özünə məxsus deyil. Həsənli sanki kimdənsə təlimat alıbmış kimi çıxış edib və bu zaman tez-tez əlindəki kağız parçalarına göz gəzdirib. Eyni zamanda onun işlətdiyi nalayiq sözlər açıq ortaya qoyub ki, “milli şura”nın namizədi ziyalıya, etikaya uyğun olmadan davranıb. Onun canlı efir vaxtı hərəkətləri namizədlik səviyyəsinə, alimə, ziyalıya tamamilə uyğunsuz olub. Bütün bunlar isə Azərbaycan cəmiyyəti tərəfindən canlı efir vasitəsilə açıq-aşkar izlənilib.
İlkin AĞAYEV




 
Bölməyə aid digər xəbərlər
17.07.2019
Zaqatala və Balakəndə yeni yem emalı və toxum təmizləmə məntəqəsi inşa edilib
17.07.2019
Silahlı Qüvvələr sıralarından ehtiyata buraxılan gənclərlə Lerikdə görüş keçirilib
17.07.2019
“Bakcell” sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir
17.07.2019
Paytaxtda 3 tam orta məktəbin köhnə korpusları sökülərək yenidən tikiləcək
17.07.2019
Azərbaycanda qoruqlarla bağlı yeni qaydalar təsdiqlənib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10830

1 Rostovun tarixinə düşən azərbaycanlı qız
2 “4-cü qrupa hazırlaşan hər bir abituriyentin arzusu həkim olmaqdır”
3 Mehriban Əliyeva Yalçın Rzazadə ilə bağlı tapşırıq verdi
4 Nə “Qurani-Kərim“, nə “İncil“, nə də “Tövrat“ insanları savaşa çağırır
5 Dünya brendi olmağı hədəfləyən azərbaycanlı gənc


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info