Tibb Universiteti ilə Giresun Universiteti arasında müqavilə imzalandı
Tarix: 23.09.2013 | Saat: 22:12:00 | E-mail | Çapa göndər


Azərbaycan Tibb Universitetində (ATU) Türkiyənin Giresun Universitetinin nümayəndə heyəti ilə görüş baş tutub. Bu barədə ATU-dan bildirilib. Görüş zamanı Giresun Universitetinin rektoru, professor Aygün Attar və ATU rektoru, akademik Əhliman Əmiraslanov arasında əməkdaşlıq haqqında müqavilə imzalanıb.
Görüşün əvvəlində akademik Əhliman Əmiraslanov qonaqlara ATU haqqında ətraflı məlumat verib. Onun sözlərinə görə, ölkənin ən nüfuzlu ali təhsil ocaqlarından biri olan Tibb Universiteti Azərbaycanın səhiyyə sahəsini peşəkar kadrlarla təmin edir: "Hazırda universitetdə yüksək səviyyəli təhsil və tədris üçün hər cür şərait yaradılıb. Artıq ATU nəzdində 4 klinika fəaliyyət göstərir. Bu klinikalar ən son texnoloji avadanlıqlarla təchiz olunub. Burada dünya səviyyəsində gənc mütəxəssis hazırlığını həyata keçirmək üçün laboratoriyalar qurulub". Rektor ATU-da tələbələrin, rezidentlərin və doktorantların təhsili və biliklərini artırmaları üçün mühazirə zalı, müxtəlif sahələrə aid bacarıq laboratoriyalarının yaradıldığını da bildirdi.
Professor Aygün Attar da öz növbəsində Giresun Universiteti ilə bağlı bilgiləri açıqlayıb. Rektor qeyd edib ki, Giresun Universiteti yeni olmasına baxmayaraq, sürətlə böyüyən və inkişaf edən bir ali təhsil məktəbidir: "Artıq universitetimizdə region ölkələrindən - Azərbaycan, Ukrayna, Gürcüstan və Rusiyadan tələbələr var. Biz Türkiyə-Azərbaycan münasibətlərinin daha da yaxşılaşması üçün təhsil sahəsində də əlimizdən gələni edəcəyik".
Görüşün sonunda iki universitet arasında akademik və elmi iş birliyi haqqında müqavilənin təkmilləşdirilmiş variantı imzalanıb. Bu saziş iki universitet arasında əməkdaşlıq, qarşılıqlı rezidentura imkanlarının, ortaq elmi araşdırmaların reallaşdırılmasını nəzərdə tutur. Protokola görə, Giresun Universitetinin nəzdində yeni yaradılan və səhiyyə sahəsində çalışacaq kadrlar yetişdirən Sağlıq Xidmətləri Peşə Məktəbi ilə qarşılıqlı təhsil-tədris iş birliyi də həyata keçiriləcək.
Sonda professor Aygün Attar və millət vəkili Əhliman Əmiraslanov bir-birilərinə xatirə olaraq plaketlər və hədiyyə paketləri təqdim etdilər.
Qeyd edək ki, Giresun Universitetinin 20 nəfərdən ibarət nümayəndə heyəti arasında rektor köməkçisi professor Ahmet Ergin, kommunikasiya fakültəsinin dekanı prof. Jale Sarmaşık, baş katib Bünyamin Kaya və digərləri iştirak ediblər.
Qorqud




 
Bölməyə aid digər xəbərlər
18.09.2018
Nəqliyyat, rabitə və yüksək texnologiyalar naziri Qazaxda vətəndaşlarla görüşəcək
18.09.2018
“Ailə münaqişələrinə qarşı mübarizə mövzusunda tədbirlərin təşkili”
18.09.2018
Ağcabədi rayonunun Bilağan kəndinə təbii qaz verilib
17.09.2018
Baş prokuror Qubada vətəndaşları qəbul edəcək
17.09.2018
Heydər Əliyev Fondu tərəfindən inşa olunan yeni məktəb binası istifadəyə verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info