YAP Binəqədi rayon təşkilatı Milli Oftalmologiya Mərkəzində görüş keçirdi
Tarix: 25.09.2013 | Saat: 22:39:00 | E-mail | Çapa göndər


YAP Binəqədi rayon təşkilatının akademik Zərifə Əliyeva adına Milli Oftalmologiya Mərkəzində görüşü baş tutdu. Görüşdə YAP Binəqədi rayon təşkilatının sədri Ramiz Göyüşov, akademik Zərifə Əliyeva adına Milli Oftalmologiya Mərkəzinin direktoru Elmar Qasımov, mərkəzin əməkdaşları iştirak etdilər.
Tədbiri giriş sözü ilə açıq elan edən Milli Oftalmologiya Mərkəzinin direktoru Elmar Qasımov bildirdi ki, görüşün keçirilməsi əlamətdar haldır: “Bildiyiniz kimi ölkəmiz məsuliyyətli bir hadisənin ərəfəsindədir. 9 oktyabrda prezident seçkiləri keçiriləcək. Akademik Zərifə Əliyeva adına Milli Oftalmologiya Mərkəzinin əməkdaşları olaraq bizim hər birimizin borcudur ki, bu seçkilərdə iştirak edək”. Ölkədə tibb sahəsində mövcud inkişafdan danışan Elmar Qasımov qeyd etdi ki, hazırda tibb sahəsində böyük bir inkişaf gedir. Respublikanın müxtəlif bölgələrində yeni diaqnostika müəssisələri açılır. O qeyd etdi ki, akademik Zərifə Əliyeva adına Milli Oftalmologiya Mərkəzində də böyük inkişaf var: “Əməkdaşlarımız xarici dövlətlərin tibb müəssisələrində ən müxtəlif kurslarda olurlar. Bu gün müşahidə etdiyimiz inkişaf və uğurlar Prezidentimiz İlham Əliyevin, Yeni Azərbaycan Partiyasının adı ilə bağlıdır”. Sonra o hər kəsi seçkidə iştirak etməyə səsələdi və bildirdi ki, qarşıdan gələn prezident seçkilərində bütün kollektiv İlham Əliyevi dəstəkləyəcək və ona səs verəcək. Tədbirdə YAP Binəqədi rayon təşkilatının sədri Ramiz Göyüşov çıxış edərək akademik Zərifə Əliyeva adına Milli Oftalmologiya Mərkəzində görüşün baş tutmasının təqdirəlayiq hal olduğunu bildirdi. O ölkədə səhiyyənin inkişafında mərkəzin xidmətlərinin olduğunu qeyd etdi. Ramiz Göyüşov bildirdi ki, bu gün səhiyyənin inkişafı dövlətin qarşısında duran prioritet istiqamətlərdəndir. Ölkənin hər yerində ən müasir standartlara cavab verən diaqnostika müəssisələrinin açıldığını, səhiyyə obyektlərinin əsaslı şəkildə təmir edildiyini qeyd edən sədr bildirdi ki, bütün bunlar aparılan məqsədyönlü siyasətin nəticələridir. Qarşıdan gələn prezident seçkilərinə toxunan Ramiz Göyüşov bildirdi ki, seçkilərdə Yeni Azərbaycan Partiyasının namizədi İlham Əliyevdir və hazırda seçki prosesində təbliğat-təşviqat kampaniyası davam edir. Bu kampaniya çərçivəsində Binəqədi rayon seçiciləri ilə ən müxtəlif görüşlər keçirilir. Ramiz Göyüşov son 10 ildə ictimai həyatın bütün sahələrinin Prezidentin diqqət mərkəzində olduğunu bildirdi və qeyd etdi ki, son 10 ildə Azərbaycan regionun liderinə çevirib, nəhəng enerji layihələri reallaşıb. Mürəkkəb geosiyasi mövqeyə malik olan ölkəmiz uğurlu siyasət nəticəsində inkişaf edir. Seçki prosesindən və təbliğat-təşviqat kampaniyasından danışan YAP Binəqədi rayon təşkilatının sədri çıxışının sonunda hər kəsi prezident seçkilərində aktiv olmağa və cənab İlham Əliyevə səs verməyə səslədi. Sonra Milli Oftalmologiya Mərkəzinin əməkdaşları olan Nübar Həşimova, Aytən Sultanova, Saləddin Məmmədov və Pərixanım Məmmədova çıxış edərək ölkədə davam edən sosial-iqtisadi inkişafdan danışdılar və hər kəsi seçkilərdə cənab İlham Əliyevə səs verməyə çağırdılar.




 
Bölməyə aid digər xəbərlər
24.03.2019
Sabah bəzi bölgələrdə hava yağıntılı olacaq
24.03.2019
Qardaşlaşmış Xırdalan və Cocuq Mərcanlı məktəblərinin Novruz görüşü
23.03.2019
Bakıda güclü külək, rayonlarda qar gözlənilir
23.03.2019
Ölkə ərazisində sabaha olan hava proqnozu açıqlanıb
23.03.2019
Gəncə-Bakı reysinə dəyişiklik: əlavə sərnişin qatarı ayrılır

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info