Qabil Hüseynli: “Hazırkı siyasi xəttin davam etdirilməsinə səs verəcəm”
Tarix: 27.09.2013 | Saat: 17:14:00 | E-mail | Çapa göndər


Prezident seçkilərinə sayılı günlər qaldıqca müxalifət partiyalarından olan, xüsusilə də komanda şəklində seçkilərə qatılan “milli şura”nın namizədinin seçki platforması haqqında danışmaması onların seçkilərə hazır olmamalarından xəbər verir. Siyasilərin bu durumuna münasibət bildirən sabiq dövlət müşaviri, Müsavat başqanının keçmiş müavini, politoloq Qabil Hüseynli prezident seçkilərində iştirak edən namizədləri təbliğat-təşviqat kampaniyalarında seçki konsepsiyalarının ortaya qoymamalarını təbii hal sayır. O, “Palitra”ya verdiyi açıqlamada
namizədlərin potensialına uyğun addım atdıqlarını bildirdi: “Qane edir desəm, sözlərimdə səmimi olmaram. Bu cür namizədlərin bu cür də çıxışları olacaqdı. Vəziyyətin belə olması təbii kimi görünür. Yalnız bir nəfərin çıxışları özünün peşəkarlığı ilə seçilir ki, o da Yeni Azərbaycan Partiyası tərəfindən namizədliyi irəli sürülmüş Prezident İlham Əliyevin səlahiyyətli nümayəndəsi Əli Əhmədovdur. Yəni, yerdə qalan namizədlərin və ya onların səlahiyyətli nümayəndələrinin çıxışlarında nala-mıxa döymə amilləri aydın nəzərə çarpır. Təəssüf ki, “milli şura”nın namizədinin çıxışları yalnız tənqid üzərində qurulub. Bəzi tənqidlər də faktoloji materiala söykənmədən edildiyindən dinləyicidə bu namizədə qarşı ciddi şübhələr doğurur. Müəyyən tənqidlərin siyasətçilərin debatlarında olması təbiidir. Amma bu tənqid obyektində göstərilən çatışmazlıqları necə aradan qaldıracaqsan, bunun üçün hansı konsepsiyanı təklif edirsən? Bütövlükdə isə hakimiyyətə iddialı olan adam bu debatlarda hakimiyyətə gələcəyi təqdirdə ölkənin bütün sahələrinin inkişafına dair konsepsiyaya malik olduğunu qısa formada da olsa anlatmağı bacarmalıdır. Amma bu görünmür”.
Qabil Hüseynli deyir ki, namizədlər ictimaiyyətin daha çox gözlədiyi məsələlərə toxunmurlar: “Əlbəttə, əgər məsələyə sırf vətənpərvərlik və Azərbaycan dövlətçiliyinin taleyi nöqteyi-nəzərindən yanaşsaq, məncə namizədlərin debatdakı çıxışlarında gündəmdə duran əsas məsələ Dağlıq Qarabağ problemi, Azərbaycana qarşı olan təzyiq və təhdidlər, bundan xilas olmağın yolları milli həmrəylik kimi məsələlər öndə gəlməlidir. Ondan sonra sosial məsələlər öz yerini tuta bilər. Yəni, əhalinin maddi rifah halının qaldırılması, ölkədə olan korrupsiya və digər neqativ halların aradan qaldırılması yollarına dair konseptual baxışlar öz yerini tutmalıdır. Amma mənim zənnimcə, bu gün Azərbaycanın bir nömrəli problemi ərazi bütövlüyü məsələsidir”.
Qabil Hüseynli bu seçkilərdə kimə səs verəcəyini də söylədi: “Status-kvonun davam etdirilməsinin tərəfdarıyam və Azərbaycanda olacaq hər hansı bir dəyişiklik və silkələnmə ölkədə xaosa da gətirə bilər və bizə dişini qıcamış bəzi dövlətlərin ölkənin iç işlərinə müdaxiləsinə də səbəb ola bilər. Ona görə də hələ ki, Azərbaycanda indiki status-kvonun saxlanması ölkənin milli maraqlarına xidmət edən amildir. Bu amili nəzərə alıb deyə bilərəm ki, dediyim məsələni əsas meyar tutan namizədə səs verəcəm. Qısası, ölkədəki indiki ictimai-siyasi vəziyyətin yaradılması məni qane etdiyinə görə yəqin ki, bu siyasi xəttin davam etdirilməsinə səs verəcəm”.
Tural Tağıyev




 
Bölməyə aid digər xəbərlər
25.09.2018
Bakıda Səudiyyə Ərəbistanının milli bayramı qeyd edilib
25.09.2018
Azərbaycanın XİN rəhbəri GUAM-Yaponiya Nazirlər görüşündə iştirak edib
24.09.2018
XİN yayılan məlumatı araşdırır
24.09.2018
Azərbaycan ilə Monteneqro arasında hərbi əməkdaşlıq məsələləri müzakirə edilib
24.09.2018
Baş nazir Novruz Məmmədovun sədrliyi ilə Nazirlər Kabinetinin iclası keçirilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info