Emin Məmmədov Rusiya Rəssamlıq Akademiyasının fəxri üzvü seçilib
Tarix: 29.02.2020 | Saat: 16:14:00 | E-mail | Çapa göndər



Bu günlərdə Rusiya Rəssamlıq Akademiyası Rəyasət Heyətinin iclası keçirilib. İclasda qalereyaçı, Heydər Əliyev Fondunun mədəniyyət və incəsənət məsələləri üzrə müşaviri, Azərbaycanın Əməkdar elm xadimi Emin Məmmədova Akademiyanın fəxri üzvünün reqaliyaları təqdim olunub.

AZƏRTAC “Vestnik Kavkaza” agentliyinə istinadla xəbər verir ki, Emin Məmmədova fəxri üzv mantiyasını Rusiya Rəssamlıq Akademiyasının prezidenti, tanınmış heykəltəraş Zurab Sereteli şəxsən təqdim edib.
Emin Məmmədov yaradıcı sülalənin nümayəndəsidir. Onun atası Səlhəb Məmmədov tanınmış heykəltəraş, Azərbaycanın Xalq rəssamı, professor, Rusiya Rəssamlıq Akademiyasının fəxri üzvüdür.

E.Məmmədov “Vestnik Kavkaza”ya müsahibəsində yaradıcılıq qabiliyyətinin ona atasından keçdiyini deyib: “Mənim uşaqlığım emalatxanada keçib. Ora rəssamlar gəlirdi və mən daim bu yaradıcılıq ab-havasında olmuşam, atamla birlikdə onun dostlarının emalatxanalarına getmişəm. Mən hətta özümü incəsənət aləmindən kənar təsəvvür belə etmirdim. Pionerlər evinə rəsm dərnəyinə gedirdim. Sonra rəssam German Jeqlovla tanış oldum. 13-14 yaşlarında müntəzəm olaraq onun emalatxanasına gedirdim, 15 yaşında isə Əzim Əzimzadə adına Rəssamlıq Məktəbinə daxil oldum. Mənim yaradıcılıq həyatım beləcə başladı. Rəssamlıq Məktəbini bitirdikdən sonra Azərbaycan Dövlət İncəsənət İnstitutunun (hazırda Azərbaycan Dövlət Mədəniyyət və İncəsənət Universiteti) qrafika kafedrasına daxil oldum və altı il də orada oxudum”.
Rusiya Rəssamlıq Akademiyasının fəxri üzvü mantiyasını almasından danışan Emin Məmmədov deyib: “Bu, çox xoş idi. Mənim üçün yeni qapılar, yeni tanışlıqlar açılır. Mən orada Surikov Məktəbinin rektoru və prorektoru ilə tanış oldum. Söhbətimiz tutdu və biz Azərbaycan Rəssamlıq Akademiyası ilə Surikov Rəssamlıq Məktəbinin tələbələri arasında birgə tədris proqramlarını götür-qoy etdik. Bu, yeni mədəni dialoqdur, gəncləri birləşdirəcək yeni birgə layihələrə təkandır”.




 
Bölməyə aid digər xəbərlər
09.04.2020
Bu gün Xalq artisti Sidqi Ruhullanın doğum günüdür
08.04.2020
Azərbaycan poeziyası Venesuela mətbuatında
08.04.2020
Qələbənin 75 illiyinə həsr olunmuş mahnı müsabiqəsi elan olunub
08.04.2020
Gənc rəssamların çəkdiyi rəsmlərin pulları koronavirusla mübarizəyə sərf ediləcək
08.04.2020
“İçərişəhər” DTMQ İdarəsinin yeni incəsənət-xeyriyyə layihəsi

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11498

1 “300 minə yaxın işçinin əməkhaqqısının 50 faizə qədərinin dövlət tərəfindən dəstəklənməsi nəzərdə tutulur”
2 “Dövlət tərəfindən iqtisadiyyatın sabitləşməsi üçün bütün lazımi addımlar atılır”
3 Prezident Bakı-Sumqayıt yolunda görülən işlərlə tanış olub YENİLƏNİB
4 Azərbaycana gələn əcnəbilərin sayı artıb
5 Samir Abbasov: “Xaricdə olan Azərbaycan vətəndaşlarının ölkəyə qaytarılması istiqamətində operativ addımlarla böyük nailiyyət əldə edilib”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info