Millət vəkili vətəndaşları karantindən qorxmamağa çağırıb
Tarix: 16.03.2020 | Saat: 22:28:00 | E-mail | Çapa göndər


“Vətəndaşlarımızı karantindən qorxmamağa çağırıram”.
Bunu APA-ya açıqlamasında Milli Məclisin Səhiyyə komitəsinin üzvü, millət vəkili Qənirə Paşayeva deyib.
Q.Paşayeva bildirib ki, dünya ölkələri çox ağır vəziyyətlə üzləşiblər:
“Hətta bəzi ölkələr fövqəladə vəziyyət rejimi elan ediblər. Amma Azərbaycanda dövlətin, hökumətin gördüyü qabaqlayıcı tədbirlər nəticəsində bu virus geniş yayılmayıb. Hazırda ölkəmizdə bütün mümkün qabaqlayıcı və operativ tədbirlər həyata keçirilir. Bu baxımdan biz hətta bir çox ölkələri qabaqlayırıq. Dünyada, ayrı-ayrı ölkələrdə də fövqalədə tədbirlər həyata keçirilir, o cümlədən Avropa ölkələrinin bir çoxu hava uçuşlarını dayandırıb, sərhədləri bağlayıb. Azərbaycan da artıq bir çox ölkələrlə sərhədləri bağlayıb. Həmin ölkələrdə olan vətəndaşlarımızın gətirilməsi üçün tədbirlər davam etdirilir. Ölkəyə gələn vətəndaşlarımızın karantina alınması prosesi də uğurla aparılır. Belə qabaqlayıcı tədbirlər nəticəsində ölkəmizdə bu virusa yoluxanların sayı cəmi 25 nəfərdir. Onlardan artıq 7-si evə buraxılıb, digərlərinin də vəziyyəti ağır deyil”.



Millət vəkili qeyd edib ki, karantin məsələsinə çox ciddi nəzarət olunur: “Bu məsələ birbaşa ölkə başçısının nəzarəti altındadır. Yəni dövlət vətəndaşlarımız üçün bütün tədbirləri görür. Amma vətəndaşlarımız da bu məsələdə diqqətli olmalı, dövlət tərəfindən həyata keçirilən tədbirlərə dəstək verməlidirlər. Birincisi, dezinformasiya xarakterli məlumatlara inanmaq olmaz. Cəmiyyətdə panika, ajiotajın yaradılmasına xidmət edən şəxslər müəyyənləşdiriləcək və onların barəsində ən sərt tədbirlər görüləcək. İkincisi, gigiyena qaydalarına hər zamankından daha çox diqqət etməliyik. Çünki bu hava-damcı infeksiyasıdır. Gün ərzində əllərimizi yumalıyıq. Spirtdən tez-tez istifadə etmək də doğru deyil. Bunun üçün xüsusi sabunlar var. Yaxşı olar ki, onlara üstünlük verərək, dezinfeksiya tədbirlərini həyata keçirək. Ən əsası isə insanların çox olduğu qapalı məkanlardan uzaqda durmaq lazımdır. Bir müddət kütləvi tədbirlərə, yas, toy məclisləri ilə bağlı dövlətin qərarına əməl etmək lazımdır. Toy, yas, ad günü mərasimlərinin qadağan olunmasına insanlar yaxşı baxmalıdır. Çox ehtiyac yoxdursa, evdə oturmağa üstünlük verməlidirlər. Digər tərəfdən ictimai nəqliyyatdan istifadə edən insanlarımız gigiyenik qaydalara xüsusi diqqət yetirməlidir. Çünki ictimai nəqliyyatda xəstəliyin yayılma imkanları daha genişdir. Buna görə də insanlar qoruyucu vasitələrdən daha ciddi istifadə etməli və öz təhlükəsizlik məsələlərinə daha diqqətlə yanaşmalıdırlar”.

Q.Paşayeva bildirib ki, eyni zamanda yaxınlarında, ailəsində koronavirusa yoluxmasından şübhələndiyiniz insanlar varsa, bunu gizlətməyə çalışmaq lazım deyil: “Çünki bunu etməklə həmin insanlar həm öz ailəsini, ətrafındakıları, həm də cəmiyyəti təhlükə altına atır. Ona görə də belə halla rastlaşanda mütləq, tibb ocağına, yaxud mütəxəssisə müraciət etmək lazımdır. Koronavirus aşkarlanmış insanlar müalicə olunmalıdır. Çünki bu günə qədər bu virusa yoluxanların əksəriyyəti müalicə olunub.

Azərbaycanda virusla bağlı ağırlaşmış vəziyyət müşahidə edilmir.

Ölkəmizdə virus əleyhinə görülən tədbirlər Ümumdünya Səhiyyə Təşkilatı (ÜST) tərəfindən də yüksək qiymətləndiriıib. Ölkəmizdə virusdan qorunmaq üçün bütün vəsaitlər var. Xəstələrin müalicəsi üçün tələb olunan şərait ölkəmizdə ən yüksək səviyyədədir”.



Millət vəkili əhalini karantin sözündən qorxmamağa çağırıb: “Riskli ölkələrdən Azərbaycana gələnlər karantinə getməlidir. Bunu anlamaq lazımdır. Karantin ilk olaraq, həmin şəxsin özünə, sonra onun ailəsinə lazımdır. Xüsusi risk daşımayan ölkələrdən gələnlər də yoxlanılır, həmin şəxslərdə virus göstəriciləri olmadıqda onlar evə buraxılır. Ancaq həmin şəxslərlə də mütəmadi əlaqə saxlanılır, vəziyyətləri soruşulur. Biz çalışmalıyıq ki, özümüzü, ailəmizi, cəmiyyətimizi qoruyaq. Əgər insanlar fərdi şəkildə bunu etməkdə maraqlı olmasa, dövlət nə qədər tədbir görür-görsün bu məsələdə kifayət qədər nəticə əldə edə bilməyəcəyik. Bu gün Azərbaycan xəstəliyə yoluxanların sayına görə, ən yaxşı vəziyyətdə olan ölkələr sırasındadır. Bunu qorumaq lazımdır. Bu virusun artması ehtimalına qarşı birlikdə mübarizə aparmalıyıq.
Virusun dərmanı tapılmayıb, hətta dünyanın inkişaf etmiş ölkələri belə virusun qarşısını ala bilmirlər. Səhiyyəsi yüksək inkişaf etmiş Almaniya, İtaliya, Fransa, İspaniya və digər Avropa ölkələrində vəziyyət acınacaqlı haldadır. Həyata keçirilən tədbirlərin başlıca məqsədlərindən biri də hökumətin infeksiyanın miqyasının genişlənəcəyi ehtimalına daha hazırlıqlı olmasını təmin etməkdir. Heç bir ölkə və şəxs heç nədən sığortalanmayıb. Ona görə də vətəndaşlarımız vəziyyətin ciddiliyini başa düşərək dövlətin gördüyü tədbirlərə dəstək verməlidir. İnsanların hər biri fərdi qaydada bu tədbirlərə öz töhfəsini verməlidir. Bu gün Milli Məclisdə Hüquq siyasəti və dövlət quruculuğu və Səhiyyə komitələrinin də birgə keçirdiyi iclasında bu məsələləri 2 saat müzakirə etdik. Bütün suallar ətrafında geniş müzakirələr apardıq. İnsanlarımızda psixoloji panika yaranıb. Amma bu yolverilməzdir. Panika insanlara virusdan daha çox ziyan verə bilər. Məsələnin ciddiyyətini dərk edərək, sadəcə göstərilən tövsiyələrə əməl etmək kifayətdir”.




 
Bölməyə aid digər xəbərlər
28.03.2020
Klinik psixoloqların xalqa dəstək üçün videogörüntülər etməsi gözəl olardı
28.03.2020
“Cəzaçəkmə müəssisələrində koronavirusa qarşı bütün qoruyucu tədbirlər görülür“
28.03.2020
Azərbaycan epidemiyanın qarşısını almaq üçün fəal tədbirlər həyata keçirir
27.03.2020
QHT rəhbəri əhalini #evdəqal kampaniyasına qoşulmağa səslədi
27.03.2020
Paytaxtda nəqliyyat vasitələrindən istifadə edənlərin sayı azalıb

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11483

1 “Bütün vətəndaşlar xüsusi karantin rejiminə əməl etməlidirlər”
2 Evdə qalmaq niyə vacibdir? – Rəşad Mahmudov səbəbləri açıqladı- VİDEO
3 Biləsuvar Rayon İcra Hakimiyyətinin rəsmi təkzibi
4 Həkim-fitoterapevt: “Koronavirusa qalib gəlmək üçün şəxsi gigiyena qaydalarına tam əməl edilməlidir”
5 Psixoloq Fərqanə Mehmanqızı: “Sosial izolyasiyaya riayət etməyimiz ilk növbədə özümüzün, ailəmizin xeyrinədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info