Ukrayna saytında koronavirusla mübarizədə Azərbaycan təcrübəsi barədə məqalə dərc edilib
Tarix: 22.03.2020 | Saat: 02:03:00 | E-mail | Çapa göndər



Ukraynanın "Novoye vremya" saytında Ali Radanın deputatı Borislav Beryozanın "Koronavirusla mübarizə. Bunu Azərbaycanda necə edirlər?" sərlövhəli məqaləsi dərc edilib.

AZƏRTAC xəbər verir ki, bu və ya digər ölkə rəhbərlərinin koronavirus epidemiyasına necə reaksiya verməsi barədə mütəmadi misallar çəkdiyini qeyd edən müəllif məqaləsində yazır: "Bu gün mən Azərbaycanda olanlar barədə danışacağam. Bu, elə təcrübədir ki, onu eynilə Ukraynada da reallaşdırmaq olar".
Azərbaycan rəhbərliyinin fəaliyyətində strategiyanı və sistemliliyi vurğulayan B.Beryoza daha sonra yazır: "Azərbaycanda xüsusi Fond yaradılıb, onun formalaşdırılması və koronavirusa qarşı mübarizəni dəstəkləmək üçün vəsaitlərindən istifadə qaydası təsdiq olunub. Vəsaitin hara xərclənəcəyi qeyd edilib.

Prezident İlham Əliyev yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin sosial müdafiəsinin gücləndirilməsi haqqında Sərəncam imzalayıb. Yeni növ koronavirus infeksiyası ilə əlaqəli əmək şəraitinə görə dövlət tibb müəssisələrində çalışan işçilərin əməkhaqlarına aylıq vəzifə (tarif) maaşının 3–5 mislinədək miqdarda müddətli əlavə müəyyən edilib.

Bundan başqa, Prezident İlham Əliyev koronavirusun fəsadlarına qarşı mübarizə məqsədilə Nazirlər Kabinetinə 1 milyard manat (588,2 milyon ABŞ dollarından çox) ayrılması barədə Sərəncam imzalayıb. Vəsait pandemiyadan zərər çəkən sahələrə və subyektlərə - sahibkarlıq fəaliyyətini həyata keçirən hüquqi və fiziki şəxslərə ayrılır".

Müəllif xatırladır ki, Azərbaycanda hazırda restoran, kafe, barların fəaliyyətinə müvəqqəti məhdudiyyətlər qüvvədədir. Evlərdə koronavirus testləri pulsuz təşkil olunub.

"Dünyada koronavirusun sürətlə yayılması və onun qonşu ölkələrdə meydana çıxması nəzərə alınaraq Azərbaycanda COVID-19 ilə mübarizə üzrə xüsusi laboratoriyalar yaradılıb. Bundan başqa, virusa yoluxma ilə bağlı hansısa şübhəli hal zamanı Azərbaycanın hər bir yerinə gedə biləcək və təcili müayinə aparacaq mobil laboratoriyalar da təşkil olunub.

Bundan başqa, Azərbaycanda biznesin yeni istiqamətlərinin yaradılması çərçivəsində tibbi maskaların istehsalı üzrə müəssisələr açılır. Bu, dövlətin dəstəyi ilə həyata keçirilir.

Azərbaycan bu günlərdə öz mövqeyini 16 bənd yaxşılaşdıraraq, ABŞ-ın "İrs Fondu"nun (The Heritage Foundation) reytinqində "İqtisadi azadlıq indeksi" üzrə 44-cü yeri tutub. Ukrayna 147-ci yerdədir, Qambiya, Argentina və Mikroneziyanın arasındadır. Bu, həmçinin dövlət siyasətinin bir hissəsidir və büdcəni doldurmaq, sonradan pulu koronavirusla mübarizəyə xərcləmək üçün bir imkandır", - deyə məqalədə qeyd olunur.

Müəllif daha sonra yazır: "Bundan başqa, koronavirus epidemiyası dövründə vergi tətillərindən tutmuş, müəllimlərin sosial təminatınadək yaxın günlərdə təsdiqlənəcək və icrasına başlanacaq bir sıra tədbirlər kompleksi də mövcuddur. Bütün bunlar problemin həllinə sistemli yanaşmanı göstərir".




 
Bölməyə aid digər xəbərlər
31.03.2020
GUAM Dağlıq Qarabağda keçirilən qondarma “seçkilər“ ilə əlaqədar bəyanat yayıb
31.03.2020
Aİ Dağlıq Qarabağdakı qondarma “seçkilər”in keçirildiyi konstitusion və hüquqi çərçivələri tanımır
31.03.2020
Əziz Əlibəyli: “Qaydalara riayət etməyənlərə qarşı ciddi cəza tədbirləri görülməlidir”
31.03.2020
Dağlıq Qarabağ bölgəsinin azərbaycanlı icması Azərbaycanlıların Soyqırımı Günü ilə bağlı bəyanat yayıb
31.03.2020
Ordu sıralarından tərxis aprelin 20-dən 25-dək həyata keçiriləcək

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11488

1 “Bütün vətəndaşlar xüsusi karantin rejiminə əməl etməlidirlər”
2 Evdə qalmaq niyə vacibdir? – Rəşad Mahmudov səbəbləri açıqladı- VİDEO
3 Biləsuvar Rayon İcra Hakimiyyətinin rəsmi təkzibi
4 Həkim-fitoterapevt: “Koronavirusa qalib gəlmək üçün şəxsi gigiyena qaydalarına tam əməl edilməlidir”
5 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info