Klinik psixoloqların xalqa dəstək üçün videogörüntülər etməsi gözəl olardı
Tarix: 28.03.2020 | Saat: 15:27:00 | E-mail | Çapa göndər


Azərbaycanda koronavirusla mübarizəyə qarşı tələb olunan bütün tədbirlər dövlət səviyyəsində davamlı olaraq, həyata keçirilir. Hər gün həkim heyəti insanları müayinə edir, tibbi müəssisələr işləyir, küçələr və iaşə obyektləri dezinfeksiya edilir. Lazımi mütəxəssislər insanlara dövlət səviyyəsində həm tibbi, həm də psixoloji dəstək göstərirlər.
Bunu Trend-ə psixoloq Elnarə Baxışlı deyib.
Onun sözlərinə görə, epidemiya xarakterli hadisələr istənilən halda insanlarda qorxu və gərginlik hissi yaradır:
"Çünki bu zaman insan vəziyyətə nəzarət hissini itirir. Hər şeyə ağılla yanaşmağı sevən və davamlı güvənə ehtiyacı olan insan üçün bu, böyük psixoloji krizisdir. Müasir və inkişaf etmiş ölkələrdə yaşayan insanlar bu kimi halların sosial dəstəyin və tibbi inkişafın aşağı olduğu ölkələrdə ola biləcəyini düşünürdülər. Lakin son baş verənlər bu fikri alt-üst etdi. Nəticədə hər şeyi ağılla həll edən insan toplumu bu virus qarşısında aciz qaldı. Krizis yaşanır, insanlar isə fərqli reaksiya göstərirlər".

Psixoloq əlavə edib ki, belə bir halda əsas iş dünya təcrübəsinə nəzər yetirərək düzgün davranış strategiyasını müəyyən etməkdir:

"Bura dövlətin qoyduğu müvəqqəti qayda-qanunlara əməl etmək, tibbi dəstəyi təmin edən qaydalara riayət etmək, sosial dəstəyi təyin edən informasiyaları paylamaq daxildir".
Psixoloq əlavə edib ki, insanlar dünyada sürətlə yayılan koronavirus təhlükəsinin ciddiliyini nəzərə alaraq, kütləvi tədbirlərdən və ictimai yerlərdən kənar olmalı, özünün və yaxınlarının sağlamlığına təsir göstərəcək gigiyenik davranış qaydalarına riayət etməlidir:
"Bu, bir psixoloji sınaqdır. Bu hadisə bizi məcbur etdi ki, həyata fərqli baxaq və həyatımızdakı dəyərləri yenidən qiymətləndirək. Bu səbəbdən ailə dəyərlərini qiymətləndirməliyik. Hər bir epidemiyanın partlayış və sönməsi dövrü olur. Bunu nəzərə alaraq, fikrimizi özümüzü və ailəmizi güclü, pozitiv edən, bizi xoşbəxt edən məqamlara yönəltməliyik. Qonşuluqda ehtiyacı olan imkansız və ya yaşlı olan insanlara dəstək olmaq üçün addımlar ata, onlara yemək göndərə, maska, spirtlə təmin edə bilərik. Özəl və dövlət sektorunda çalışan, evdə qalaraq işə çıxmayan klinik psixoloqlarının xalqa dəstək üçün canlı yayımlar və ya video görüntülər etməsi gözəl olardı. Psixoloji problemləri olan, təşviş və fobik pozuntuları olan insanlarımız krizis xətlərinə zəng edə, yaşayış yerinə yaxın poliklinikalardakı həkimlərdən dəstək ala bilərlər".




 
Bölməyə aid digər xəbərlər
27.05.2020
AİHM-in qərarı erməni “təbliğat maşını”nın növbəti fiaskosudur
27.05.2020
Bu gün Azərbaycan ən nüfuzlu və sürətlə inkişaf edən dövlətlər sırasına daxildir
27.05.2020
Ermənistanın Azərbaycana qarşı Avropa Məhkəməsi ilə bağlı nə isə tələb irəli sürməsinə heç bir mənəvi haqqı yoxdur
27.05.2020
Avropa Məhkəməsinin Ramil Səfərovun işi ilə bağlı qərarı Azərbaycanın üzərinə heç bir beynəlxalq hüquqi öhdəlik qoymur
27.05.2020
Azərbaycanın müstəqilliyi dönməz və əbədidir!

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Azərişıq“ bayram günlərində gücləndirilmiş iş rejimində çalışacaq
2 İşğal olunmuş Şuşa şəhərində təşkil edilən qondarma “andiçmə” mərasiminin heç bir hüquqi əsası yoxdur
3 “Karantin dövründə evdə qalanlara pozitiv ruh vermişik”
4 Energetika nazirinə yeni müavin təyin olunub
5 “Karantin və sosial izolyasiya uşaqların psixoloji durumuna mənfi təsir edib”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info