Azərbaycan və Norveç şirkətlərinin iştirakı ilə enerji forumu keçiriləcək
Tarix: 03.10.2013 | Saat: 23:09:00 | E-mail | Çapa göndər


Sənaye və energetika naziri Natiq Əliyev ilə Norveçin Azərbaycandakı səfiri Erlinq Şönsberq arasında görüş keçirilib.
Nazirlikdən bildiriblər ki, görüşdə Azərbaycan və Norveç Krallığı arasında ikitərəfli münasibətlərin müxtəlif istiqamətlərdə, o cümlədən enerji sahəsində inkişafı qeyd olunub və əməkdaşlığın gələcəkdə daha da genişləndirilməsi üçün yaxşı perspektivlərin olduğu diqqətə çatdırılıb. Səfir Erlinq Şönsberq vurğulayıb ki, ölkəsi Azərbaycanla enerji sahəsində əməkdaşlığın dərinləşməsində maraqlıdır. Norveçin “Statoil” şirkəti artıq 20 ildir Azərbaycanda uğurla fəaliyyət göstərir. Bundan əlavə, Norveçin Azərbaycandakı səfirliyinin fəaliyyəti dövründə ölkələr neft-qaz, Neft Fondunun və neftdən gələn gəlirlərin idarə edilməsi sahələrində çoxşaxəli əməkdaşlığa nail olublar. Səfir deyib ki, enerji sahəsində əməkdaşlığının daha da inkişaf etdirilməsi, xüsusən yeni neft-qaz sahələrinin işlənməsi sahəsində mühüm potensial mövcuddur. Bununla əlaqədar “Statoil” və SOCAR arasında müzakirələr davam etdirilir. Görüşdə Azərbaycan qazının Avropaya nəqli sahəsində qəbul edilmiş müvafiq qərarlar və TANAP layihəsi (Trans-Anadolu qaz kəməri) çərçivəsində əməkdaşlığın gücləndirilməsinə inam ifadə olunub. Həmçinin neft-qaz yataqlarının işlənməsi üzrə dünyanın qabaqcıl şirkətlərdən olan “Statoil”un Azərbaycanla əməkdaşlığının müsbət nəticələr verdiyi barədə fikirlər səsləndirilib. Natiq Əliyev Azərbaycanın neft gəlirlərindən səmərəli istifadə olunması barədə səfirə ətraflı məlumat verib və gələcək layihələr barədə danışıb. Qeyd edilib ki, bu gün Azərbaycan öz neft və qaz ehtiyatlarını yeddi müxtəlif ixrac kəməri ilə dünya bazarlarına çıxarır. Azərbaycan öz enerji təhlükəsizliyini təmin edib və hazırda tərəfdaş ölkələrin enerji təhlükəsizliyinə də töhfələr verir. Görüşdə Azərbaycanın sənaye və energetika nazirinin Norveçə son rəsmi səfəri zamanı Osloda bu ölkənin neft və energetika naziri Ola Bortenlə keçirdiyi görüşün nəticələrinə də toxunub. N.Əliyev deyib ki, görüşdə olduqca səmərəli müzakirələr aparılıb və əməkdaşlığın perspektivlərinə dair bir sıra maraqlı təkliflər səslənib. Səfir Erlinq Şönsberq məlumat verib ki, Osloda əldə edilmiş razılaşmaya əsasən, iki ölkənin müvafiq nazirlikləri arasında əməkdaşlıq memorandumu hazırlanıb. Memorandumun layihəsi hazırda hər iki tərəfdən ekspertlər səviyyəsində müzakirə olunur və iş yekunlaşdıqdan sonra əlaqədar qurumlarla razılaşdırılmaq üçün təqdim olunacaq. Görüşdə bu il oktyabrın 28-30-da Bakıda keçirilməsi nəzərdə tutulan “Norveç günləri”ndən də bəhs edilib. Həmin tədbir çərçivəsində Sənaye və Energetika Nazirliyində Azərbaycan-Norveç şirkətlərinin iştirakı ilə enerji forumunun keçirilməsi qərara alınıb.




 
Bölməyə aid digər xəbərlər
22.02.2019
İnnovasiyalar Agentliyinin Nizamnaməsi və Strukturu təsdiqlənib
22.02.2019
Dövlət Gömrük Komitəsi növbəti mediatur təşkil edib
22.02.2019
Naxçıvanda yeni Günəş Elektrik Stansiyası istifadəyə verilib
22.02.2019
Azərbaycanın turizm imkanları Moskvada təqdim olunub
22.02.2019
“Xocalıya ədalət“: İsraildə soyqırımı qurbanlarının anım günü keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 1400 manat maaşla sürücü axtarılır
5 “İnternet medianın getdikcə daha da aktivləşməsi tendensiyasını müşahidə edirik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info