Əziz həmyerlilərim, özünüzü və yaxınlarınızı qoruyun
Tarix: 01.04.2020 | Saat: 14:55:00 | E-mail | Çapa göndər


Almaniyada yaşayan azərbaycanlı rəssam

Mən öz həmvətənlərimə, Azərbaycan əhalisinə müraciət edirəm. Əziz həmyerlilərim, dünyamız, bəşəriyyət ağır dövrlər yaşayır.
Bunu Trend-ə açıqlamasında Almaniyada yaşayan azərbaycanlı rəssam Əşrəf Heybətov deyib.
O bildirib ki, mən bunu "apokalipsis" adlandırardım, çünki çoxlu insan itkisi var:
"Bu, qorxulu və gözlənilməzdir. Demək olar ki, hər ailədə planlar pozulub. İnsanlar maddi və mənəvi itkilərlə üzləşir. Gəlin, buna tanrı tərəfindən göndərilən sınaq kimi baxaq. Bu ağır vaxtın keçəcəyinə inanın. Yeganə müdafiə ev şəraitində karantinə əməl etməkdir. Xahiş edirəm, evdə qalın.

Bu, epidemiyanın qarşısını almaq və ona qalib gəlmək üçün çox vacibdir. Avropada, Almaniyada eyni vəziyyətdir. Yalnız marketlər, apteklər açıqdır. Digər müəssisələr, təşkilatlar isə bağlanıb. Siz bütün bunları televizordan da bilirsiniz. Hər şey keçir, bu sınaq da keçəcək. İnanın. Sadəcə bunu evdə qalmaqla gözləmək lazımdır. Özünüzü, uşaqlarınızı, valideynlərinizi, yaxınlarınızı qoruyun və sağlam olun".

Xatırladaq ki, koronavirus (COVID-19) infeksiyasının Azərbaycan ərazisində geniş yayılmasının qarşısının alınması üzrə dövlət tərəfindən həyata keçirilən tədbirlər çərçivəsində insanların fərdi evlərində və mənzillərində, daimi və ya müvəqqəti yaşadıqları (olduqları) yerlərdə qalmaları tələb olunur.

Qeyd olunanlarla əlaqədar insanların həyat və fəaliyyəti üçün zəruri olan iş və xidmət sahələrindən başqa digər istiqamətlər üzrə fəaliyyət 2020-ci il 31 mart saat 00:00-dan 2020-ci il 20 aprel saat 00:00-dək dayandırılır.
Fərdi evlərdən və mənzillərdən insanların çıxışı - təxirəsalınmaz tibbi yardıma zərurət olduqda, həyat və sağlamlığa bilavasitə təhlükəli vəziyyət yarandıqda, fəaliyyətinə icazə verilən pərakəndə satış və əhaliyə xidmət göstərən obyektlərə getmək, məişət tullantılarının atılması hallarında, eləcə də xüsusi rejim dövründə fəaliyyət göstərən təşkilatlarda xidməti vəzifələrini icra etmək məqsədilə mümkündür.
İnsanların bir-biri ilə ünsiyyətini minimuma endirmək və bununla da infeksiyaya yoluxmanın sürətinin azaldılması məqsədilə bir sıra iş və xidmət sahələri üzrə fəaliyyət elan olunan müddətdə qadağan edilib.




 
Bölməyə aid digər xəbərlər
30.05.2020
Azərbaycanda məcburi köçkünlərlə iş ardıcıl və planlı sürətdə həyata keçirilir
29.05.2020
Dağlıq Qarabağ münaqişəsi üzrə danışıqlarda mərhələli həll planı hazırda alternativsiz variantdır
29.05.2020
Biz dağıdılmış qəbristanlıqlarımızı, tarixi, mədəni və dini abidələrimizi bərpa edəcəyik
28.05.2020
“Qobu Park-3” yaşayış kompleksinin istifadəyə verilməsi məcburi köçkünlərə qayğının ən yüksək nümunəsidir
28.05.2020
“Rusiya-Azərbaycan münasibətlərinin gələcəyinə ümidlə baxırıq”

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 İspaniya turizm mövsümünün bərpa tarixini açıqlayıb
2 “Pandemiyadan sonra turizmin bərpası və inkişaf planları”
3 Prezident İlham Əliyev və birinci xanım Mehriban Əliyeva Şamaxıda Pirsaat Baba ziyarətgahında olubla
4 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
5 Qasımbəy yeməyi -VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info