Tarixdən bu günümüzə Türkiyədəki azərbaycanlılar
Tarix: 04.10.2013 | Saat: 18:20:00 | E-mail | Çapa göndər


SAM-ın dəstəyi ilə bu mövzuda Türkiyədə kitab çap edilib

SAM-ın dəstəyi ilə Türkiyədə "Tarixdən Günümüzə Türkiyədə Yaşayan Azərbaycan Türkləri" adlı kitab nəşr olunub. İki hissədən ibarət olan kitabın müəllifləri Giresun Universitetinin rektoru prof.dr. Aygün Attar və Balıkəsir Universitetinin müəllimi dos. dr. Sebahettin Şimşirdir.
Azərbaycan türklərinin Anadolu coğrafiyasına köç etdiyi ilk dövrlərdən 1920-ci ilə qədər olan dövr prof. dr. Aygün Attar tərəfindən təsvir edilib. Bu dövrdə azərbaycanlıların Anadoluya köçü və Anadolunun türkləşdirilməsində Azərbaycan coğrafiyasının bir körpü olaraq oynadığı roldan bəhs olunub. Cənubi Qafqazın Rusiya imperatorluğu tərəfindən işğalı və burada Ermənistanın qurulmasının nəticəsində azərbaycanlıların Anadoluya köçü bu fəsildə öz əksini tapıb.
Bu dövrdə azərbaycanlıların Anadoluya köçünün üç səbəbi kitabda təsvir edilir: 1. siyasi; 2.ticari; 3. intellektual köç. Ayrıca, bu fəsildə azərbaycanlıların Anadoluya köçünün qarşısındakı inanc, coğrafi və iqtisadi əngəllərdən də bəhs olunub. Bu fəsil bolşeviklərin Azərbaycan Xalq Cumhuriyyətini işğal etməsi nəticəsində Azərbaycanın siyasi və intellektual liderlərinin Türkiyəyə köçü və orada siyasi düşüncənin formalaşmasına təsirlərindən danışır, Əli bəy Hüseynzadə, Əhməd Ağaoğlu və Əhməd Cəfəroğlu kimi şəxslərin Türkiyə siyasi həyatına təsirindən bəhs edir. Bu üç şəxsin digər azərbaycanlı intellektuallar ilə birlikdə Türkiyədə çıxardığı Yeni Qafqaz, Azəri-Türk və Odlu Yurd kimi nəşrlər haqqında ətraflı məlumat verilib.
Kitabın ikinci fəsli Balıkəsir Universiteti müəllimi dos. dr. Sebahettin Şimşir tərəfindən yazılıb. Şimşir ikinci fəsildə daha çox bolşeviklərin AXC-ni işqal etməsi nəticəsində Türkiyəyə köç edən intelektualların ayrı-ayrılıqda həyat və yaradıcılığından bəhs edib. Naki Keykurun, Əli bəy Hüseynzadə, Məmməd Əmin Rəsulzadə, Almas İldırım, Mirzə Bala Məmmədzadə, Məmməd Kəngərli kimi 50-yə yaxın azərbyacanlının həyat və yaradıcılığı haqqında məlumat verilib.




 
Bölməyə aid digər xəbərlər
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək
18.03.2019
Övladlığagötürmə ilə bağlı yeni Qaydaların layihəsi hazırlanır
18.03.2019
Aprelin 1-dən yaşa görə müavinətlər 80 faizə yaxın artırılacaq
16.03.2019
Məhkum edilmiş bir sıra şəxslər əfv olundu
15.03.2019
Beşdən çox uşağı olan qadınların hər uşağına görə müavinət gələn ayın əvvəlindən artacaq

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info