Ustad şairin tükənməz söz çeşməsindən
Tarix: 07.10.2013 | Saat: 22:10:00 | E-mail | Çapa göndər


Naxçıvan Dövlət Universitetində İran İslam Respublikasının Naxçıvandakı Baş Konsulluğunun Mədəniyyət Mərkəzi ilə birgə «Şəhriyarın söz çeşməsi» mövzusunda beynəlxalq elmi konfrans keçirildi.
Konfransı giriş sözü ilə açan universitetin rektoru, biologiya elmləri doktoru, professor Saleh Məhərrəmov Məhəmməd Hüseyn Şəhriyarın nəinki XX əsr Azərbaycan və Yaxın Şərq poeziyasının, bütövlükdə dünya ədəbiyyatının görkəmli nümayəndələrindən biri olduğunu vurğuladı. Rektor ustad Şəhriyarın yaradıcılığının tədqiqinin və təbliğinin əhəmiyyətindən bəhs etdi. Görkəmli şairin yaradıcılığına aid videoçarxın nümayişindən sonra İran İslam Respublikasının Naxçıvandakı Baş Konsulu Məhəmməd Təqi Məhəmməd Əli ustad Şəhriyarı dünya şöhrətli şair kimi tanıdan çoxcəhətli yaradıcılığından bəhs etdi.
İran İslam Respublikasının Naxçıvandakı Baş Konsulluğunun Mədəniyyət Mərkəzinin rəisi Əli Əkbər Talibi Mətin Məhəmməd Hüseyn Şəhriyarı türkdilli və farsdilli poeziyanın zirvəsində dayanan şair kimi dəyərləndirir.
Konfransda Naxçıvan Dövlət Universitetinin xarici tələbələrlə iş üzrə dekanı, dosent, şair Xanəli Kərimli “Şəhriyarın “Heydərbabaya salam” əsərində milli adət-ənənələrin təcəssümü”, Poldəşt Pəyame Nur Universitetinin rektoru Höccətullah Qəhrəmani “Şəhriyarın şeirində vəzn və musiqi”, Naxçıvan Dövlət Universitetinin “Azərbaycan ədəbiyyatı kafedrasının professoru, əməkdar elm xadimi Hüseyn Həşimli “Məhəmməd Hüseyn Şəhriyarın yaradıcılığında sənətkarlıq xüsusiyyətləri”, Tarix-filologiya fakültəsinin dekanı, dosent İman Cəfərovun “Şəhriyar yaradıcılığında ənənə və novatorluq”, Hadişəhr Azad İslam Universitetinin rektoru Rza Qasımzadə “Heydərbabaya salam” mənzuməsində adət-ənənələr”, Naxçıvan Dövlət Universitetinin “Qeyrət” nəşriyyatının direktoru, dosent, şair-publisist Vaqif Məmmədov “Azərbaycan şeirində Şəhriyar mövzusu” adlı məruzələri dinlənildi.
Məruzələrdə dövrünün görkəmli şairi Məhəmməd Hüseyn Şəhriyarın yaradıcılıq məziyyətlərindən, klassik-romantik poeziyanın ənənələrini yaşadaraq yeni ruh gətirən əsərlərindən, çağdaş poeziyaya təsirindən bəhs olundu.
Konfransın sonunda universitetin aktyor sənəti ixtisası tələbələrinin ifasında ustad şairin “Heydərbabaya salam!” poemasından bir parça səsləndirildi.
Mehriban SULTAN




 
Bölməyə aid digər xəbərlər
20.02.2019
“Azərmarka” Uşaqların Beynəlxalq Müdafiəsi Gününə həsr olunmuş müsabiqə elan edib
20.02.2019
Aqrar İnkişaf Könüllüləri aqrar jurnalistika ilə bağlı layihənin icrasına başlayıb
20.02.2019
Körpəyə vitamin vermək olar?
20.02.2019
“Cəmiyyətin səsi” layihəsinin I mərhələsi başa çatıb
20.02.2019
Min bir dərdin dərmanı - yaşıl çay

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10608

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info