Azərbaycanda Böyük Vətən Müharibəsinin veteranlarına münasibət çox nümunəvidir
Tarix: 08.05.2020 | Saat: 01:00:00 | E-mail | Çapa göndər


Azərbaycanda Böyük Vətən Müharibəsinin veteranlarına münasibət çox nümunəvidir.
Bunu Trend-ə rusiyalı ekspert Oleq Kuznetsov deyib.
Bununla belə, ekspert təəssüflə bildirib ki, MDB ölkələrinin siyasi ittifaqı Böyük Vətən Müharibəsinin yekunlarının revizionizminin təminatı olmayıb:
"Məsələn, Ermənistanda nasizmin bəraəti və qəhrəmanlaşdırılması rəsmi dövlət ideologiyası və siyasəti səviyyəsinə çatdırılıb. Əgər başqa ölkələrdə hakimiyyətin bu cür addımları vətəndaşlar tərəfindən etirazla qarşılanırsa, Ermənistanda bu, əhali tərəfindən tam dəstəklənir. Biz hamımız erməni mentallığının bu zərərli xüsusiyyətinin şahidi oluruq".
O.Kuznetsovun sözlərinə görə, Ermənistanın indiki hakimiyyətinin ölkədə yaşayan azsaylı Böyük Vətən Müharibəsi veteranlarına etinasız münasibəti xüsusilə heyrətləndirir:

"Ermənistan parlamentində baş vermiş bir hadisə bu sözləri daha da qüvvətləndirir. Qələbənin 75 illiyi münasibətilə sağ qalan veteranlara ödəmələr məsələsi müzakirə olunarkən, baş nazir Nikol Paşinyanın ən yaxın adamlarından olan Sasun Mikaelyan ödəmələrin artırılmamasını təklif edib. O bildirib ki, ödəmələrin tarixini təxirə salmaq və onların ölümünü gözləmək lazımdır. Parlament iclasının canlı yayımında Mikaelyan bu sözləri deyib: "Fikrimcə, bu, elə də böyük faciə deyil. Əgər biz bir qədər uzatsaq, mayda artıq heç kim qalmayacaq". Bundan sonra veteranlar üçün ödəmələr məsələsi gündəliyə də salınmayıb. Belə görünür ki, Ermənistanda maliyyə vəziyyəti ilə yanaşı, beyinlərdə də vəziyyət çox pisdir".

Azərbaycanda Böyük Vətən Müharibəsi veteranlarına münasibətdən danışan ekspert bildirib ki, bu münasibət çox nümunəvidir:
"Mənə məlumdur ki, Prezident İlham Əliyev aprelin 24-də Böyük Vətən Müharibəsi iştirakçılarına, eləcə də həlak olanların dul xanımlarına, orden və medallarla təltif olunmuş şəxslərə birdəfəlik maddi yardımın verilməsi barədə sərəncam imzalayıb. Müharibə veteranları artıq 1,5 min manat məbləğində maddi yardım alıb. Onu da qeyd edim ki, Rusiyada bu cür ödəmənin məbləği daha azdır. 2015-ci il mayın 9-da mən Bakıda idim və dövlətin veteranları nə cür qayğı ilə əhatə etdiyinin şahidi oldum. Əminəm ki, bu il də koronavirus pandemiyasına baxmayaraq, azərbaycanlı veteranlar xalq və hakimiyyətin diqqəti ilə əhatə olunacaqlar".




 
Bölməyə aid digər xəbərlər
30.05.2020
Ordumuz torpaqlarımızı düşmən tapdağından azad etməyə tam hazırdır
30.05.2020
Azərbaycanda məcburi köçkünlərlə iş ardıcıl və planlı sürətdə həyata keçirilir
29.05.2020
Dağlıq Qarabağ münaqişəsi üzrə danışıqlarda mərhələli həll planı hazırda alternativsiz variantdır
29.05.2020
Biz dağıdılmış qəbristanlıqlarımızı, tarixi, mədəni və dini abidələrimizi bərpa edəcəyik
28.05.2020
“Qobu Park-3” yaşayış kompleksinin istifadəyə verilməsi məcburi köçkünlərə qayğının ən yüksək nümunəsidir

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 İspaniya turizm mövsümünün bərpa tarixini açıqlayıb
2 “Pandemiyadan sonra turizmin bərpası və inkişaf planları”
3 Prezident İlham Əliyev və birinci xanım Mehriban Əliyeva Şamaxıda Pirsaat Baba ziyarətgahında olubla
4 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
5 Qasımbəy yeməyi -VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info