“The National Interest”: “Putin Bakıda Prezident İlham Əliyevə böyük hörmət nümayiş etdirdi”
Tarix: 11.10.2013 | Saat: 00:30:00 | E-mail | Çapa göndər


“Bu münasibəti Azərbaycanın regionda və dünyada artan nüfuzu, möhkəmlənən mövqeyinə hörmət əlaməti kimi dəyərləndirmək olar”

Bu günlərdə Birləşmiş Ştatların “The National Interest” nəşrində Cənubi Qafqaz regionuna həsr edilən məqalə dərc edilib. Həmin məqalədə Azərbaycan və Ermənistanın müqayisəli təhlili aparılıb. Yazının müəllifi olan Aleksandros Petersen müqayisəli təhlil əsasında Azərbaycanın işğalçı Ermənistandan qat-qat inkişaf etdiyini vurğulayıb.
“Dünya adası: Avrasiya geosiyasəti və Qərbin taleyi” kitabının da müəllifi, məşhur beynəlxalq ekspert Aleksandros Petersenin məqaləsində Azərbaycanın dövlət başçısı İlham Əliyevlə bağlı məqamlar da yer alıb.
Həmin məqalənin yayımlandığı tarix Azərbaycan Seçki Məcəlləsinə görə seçki təbliğatının qadağan olunduğu 8 oktyabr tarixinə təsadüf edirdi. Ona görə də həmin məqaləni qəzetimizdə dərc edərkən seçki təbliğatı kimi dəyərləndirilməsin deyə, Azərbaycan dövlət başçısı ilə bağlı bəzi məqamları ixtisar etdik. Seçki başa çatdığından həmin məqalədə ixtisar etdiyimiz həmin məqamları dərc etməyi lazım bildik. Çünki Aleksandros Petersenin ekspert kimi regiondakı vəziyyəti obyektiv şəkildə qiymətləndirərək təqdim etdiyi analitik məqaləsində Azərbaycan dövlət başçısının liderlik keyfiyyətlərini, regionda və dünyada tanınmış siyasətçi olduğunu qeyd edib. Eyni zamanda müəllif qeyd edib ki, məhz İlham Əliyevin həyata keçirdiyi siyasət nəticəsində Azərbaycan bu gün iqtisadi cəhətdən sürətlə inkişaf edir, regionun lider dövlətinə çevrilib. Müəllif məqaləsində bildirir ki, regionun lideri olan müstəqil Azərbaycanla, Rusiyanın “forpost”u olan, ağır iqtisadi durumda olan Ermənistana Qərb, əsasən də ABŞ eyni münasibət göstərməməlidir. Müəllif yazır: “Sovet idarəçiliyinin dağılmasından sonra formalaşan iki Cənubi Qafqaz dövləti geridə qalan 20 il müddətində özlərinə fərqli yollar seçiblər. Onların həm seçdiyi yol, həm də Moskva ilə formalaşdırdıqları münasibətlər kəskin şəkildə fərqlənir. Ermənistan Rusiya ilə çox sıx münasibətlər formalaşdırıb. Azərbaycan isə daha geniş anlamda Birləşmiş Ştatların və Qərbin etibarlı tərəfdaşına çevrilib. Azərbaycanın Birləşmiş Ştatlar üçün strateji cəhətdən bu qədər vacibliyi mübahisəsiz olduğu halda ABŞ-ın bu ölkəni Ermənistanla eyni tutmasını anlamaq olmur. Müsəlman Azərbaycanın əsgərləri Birləşmiş Ştatların rəhbərliyi altında Kosovo, İraq və Əfqanıstanda həyata keçirilən sülhməramlı əməliyyatlarda iştirak edirlər. Azərbaycan Əfqanıstana və Əfqanıstandan yük daşınmasında böyük əhəmiyyət kəsb edən Şimal bölüşdürücü şəbəkənin ən mühüm dövlətlərindən biridir. Azərbaycan Avropanın enerji təhlükəsizliyinin təmin olunmasında həlledici rol oynayan dövlətlərdən biridir. Bu dövlət böyük Buşun vaxtından həm respublikaçılar, həm də demokratlar üçün çox vacib rol oynayır. Azərbaycanın dövlət enerji şirkətləri İtaliyaya, oradan da Mərkəzi Avropaya uzanacaq böyük boru kəməri şəbəkəsinin inşası ilə məşğuldur». Müəllif yazır ki, Qərblə sıx əlaqələr quran Azərbaycandan fərqli olaraq Ermənistan Rusiya və İranla sıx əlaqələr yaradıb: «Bir müddət əvvəl baş vermiş iki mühüm hadisə mövcud kontrastın strateji əhəmiyyətini ortaya qoyur: bunlardan biri avqustun ortalarında Rusiya dövlət başçısı Vladimir Putinin Azərbaycana etdiyi səfər, digəri sentyabrın əvvəlində Ermənistanın neosovet Gömrük Birliyinə üzv olacağını açıqlamasıdır. Amerika siyasətçiləri buradakı fərqi nəinki anlamalı, eləcə də regional reallıqlara uyğun siyasət həyata keçirməlidirlər. Belə situasiyada Azərbaycan və Ermənistana eyni münasibətin göstərilməsi öz başını quma basdırmağa bənzəyir. Putin keçmiş sovet ölkələrinə səfəri zamanı çox az hallarda qaydalardan kənara çıxır. O, adətən həmin respublikalarda kameralar, mikrofonlar qarşısında özünü protokol qaydalarına uyğun aparır, mikrofonlar söndürüləndən sonra isə səsinin tonunu dəyişir. Amma Bakıya etdiyi son səfərində Putin Prezident İlham Əliyevə həm ictimai, həm də fərdi şəkildə diqqətçəkici, böyük hörmət nümayiş etdirdi. Bu münasibəti Azərbaycanın regionda və dünyada artan nüfuzu, möhkəmlənən mövqeyinə hörmət əlaməti kimi dəyərləndirmək olar».
Anar Miriyev




 
Bölməyə aid digər xəbərlər
25.09.2018
“İrəvan meriyasına seçkilər yalan və riyakarlığın nümunəsidir”
25.09.2018
Yaxın Şərq böyük müharibə ərəfəsində
25.09.2018
Kvirikaşvili AYİB-in beynəlxalq məsləhətçisi olub
25.09.2018
TASS: Azərbaycan silah bazarında Rusiya Federasiyasının iri tərəfdaşıdır
24.09.2018
Yerevan meri postuna seçkilərdə xeyli qanun pozuntusu və insident qeydə alınıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info