“Heydər Əliyev həyatını Azərbaycan xalqına həsr edib”
Tarix: 10.05.2020 | Saat: 14:54:00 | E-mail | Çapa göndər



“Bu gün Azərbaycan xalqının böyük oğlu, Ümummilli Lider Heydər Əliyevin anadan olduğu gündür və xalqımızın həyatında ən əlamətdar günlərdən biridir. Heydər Əliyev XX əsrin ən böyük dövlət xadimlərindən biridir”.

Bunu APA-ya açıqlamasında Azərbaycan Ağsaqqallar Şurasının sədri, millət vəkili Fəttah Heydərov bildirib.
F. Heydərov deyib ki, Heydər Əliyev həyatını Azərbaycan xalqına həsr edib. Onun sözlərinə görə, 1969-cu ildə SSRİ respublikaları arasında iqtisadi inkişaf səviyyəsinə görə sonuncu yerlərdə olan Azərbaycana rəhbərlik etməyə başlayan Heydər Əliyev qısa zaman ərzində ölkəmizin ittifaq respublikaları arasında ən öncül yerlərə yüksəlməsini təmin edib: “Müstəqil Azərbaycan isə Heydər Əliyevin şah əsəridir. Azərbaycan parçalanmaq, müstəqilliyini itirmək təhlükəsi ilə üzləşən zaman məhz Heydər Əliyevə müraciət edib və Ümummilli Lider xalqımızın bu çağırışı qəbul edib. Məhz Heydər Əliyevin uzaqgörən, qətiyyətli siyasəti nəticəsində Azərbaycan parçalanmaq, müstəqilliyini itirmək təhlükəsini dəf edib. Heydər Əliyev Azərbaycanın müstəqilliyinin əsasını, bünövrəsini yaradıb. Ümummilli Lider bəyan edirdi ki, Azərbaycanın müstəqilliyi daimi, əbədidir və heç bir qüvvə Azərbaycanın müstəqilliyinə xələl gətirə bilməz. Tarix də bunu bir daha təsdiqlədi”.

Azərbaycan Ağsaqqallar Şurasının sədri qeyd edib ki, Ümummilli Lider ikinci dəfə xalqın təkidi ilə hakimiyyətə gəlməzdisə, bu gün Azərbaycanın hansı fəlakətlərlə üzləşəcəyini təsəvvür etmək çətindir: “Bu gün Heydər Əliyev irsinin layiqli davamçısı olan Prezident İlham Əliyev bu yolu uğurla davam etdirir. Bu gün Azərbaycan iqtisadi inkişafı, əhalisinin sosial rifahı və digər sahələrdə əldə etdiyi uğurlara görə dünyanın ən nüfuzlu dövlətlərindən biridir. Azərbaycan dövlətinin siyasətinin əsasında insan amili dayanır. Prezident İlham Əliyevin rəhbərliyi altında koronavirus pandemiyası dövründə atılan addımlar da bunu bir daha təsdiqlədi. Ümumdünya Səhiyyə Təşkilatı bu gün Azərbaycanı koronavirus pandemiyası ilə mübarizədə nümunəvi ölkə kimi qəbul edir. Azərbaycan dünyada da bu bəlaya qarşı mübarizədə təşəbbüsü ilə diqqət çəkir. Prezident İlham Əliyevin təşəbbüsü ilə beynəlxalq təşkilatlar sırasında ilk dəfə videkonfrans formatında məhz Türkdilli Ölkələrin Əməkdaşlıq Şurasının Zirvə görüşü keçirilib. Azərbaycan Prezidentinin təşəbbüsü ilə 120 dövlətin bir araya gəldiyi Qoşulmama Hərəkatının Təmas Qrupu formatında keçirilən Zirvə görüşündə 40-dan çox dövlət və hökumət başçısı iştirak edib. BMT Baş Katibi, Ümumdünya Səhiyyə Təşkilatının Baş Direktoru bu təşəbbüsü yüksək qiymətləndirib. Bununla da Azərbaycan bu gün koronavirusa qarşı mübarizə üçün dünyanın bir araya gəldiyi platformanın yaradılmasına nail olub”.

F. Heydərov bildirib ki, bu gün əldə edilən uğurların əsasında Heydər Əliyev kursu, Prezident İlham Əliyevin uzaqgörən siyasəti durur: “Birinci vitse-prezident Mehriban Əliyevanın bu qazanılan uğurlarda xüsusi rolunu da qeyd etmək istərdim. Birinci vitse-prezident Prezident İlham Əliyevin ən yaxın silahdaşı kimi hər zaman fəallığı, xeyirxah əməlləri ilə seçilir. Hörmətli Mehriban xanımın zəhməti və əzmi ilə yaradılmış Heydər Əliyev Fondu Ulu Öndərin tarixi irsini, ənənələrini öyrətmək və təbliğ etməklə yanaşı, həm də xeyirxahlıq, humanistlik missiyasını yerinə yetirir”.
Azərbaycan Ağsaqqallar Şurasının sədri Azərbaycanın Heydər Əliyev yolunu hər zaman davam etdirəcəyini və müstəqilliyinin əbədiliyini təmin edəcəyini vurğulayıb.




 
Bölməyə aid digər xəbərlər
02.06.2020
Dünya orduları ilə müqayisə ediləcək qədər yüksəlmiş və adı böyük hərflə yazılmağa layiq olan AZƏRBAYCAN ORDUSU
02.06.2020
Hazırda dövlət büdcəsinin icrası ilə bağlı hər hansı bir problem yoxdur
01.06.2020
“Gənc nəslin düzgün yetişdirilməsi dövlət siyasətinin prioritet istiqamətlərindən biridir”
30.05.2020
“Maskaya görə cərimənin tətbiqinin tərəfdarı deyiləm“
30.05.2020
Ordumuz torpaqlarımızı düşmən tapdağından azad etməyə tam hazırdır

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Azərbaycanda daxili turizmin 2025-ci ilə qədər inkişaf perspektivləri”
2 Azərbaycan filminə ABŞ-dan sponsorluq təklifi gəldi -VIDEO
3 Yaponiya turistlərə gündəlik 185 dollar verəcək
4 Badımcan sırdağı - VİDEO
5 ATƏT Parlament Assambleyasının sədri Prezident İlham Əliyevi təbrik edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info