“Bu gün Heydər Əliyev kimi insanlara ehtiyacımız var“
Tarix: 10.05.2020 | Saat: 15:45:00 | E-mail | Çapa göndər


"Heydər Əliyev potensialından sona qədər istifadə edilməmiş heyrətamiz insan idi. Məncə, o dünyadan tez getdi. Heydər Əliyev bizim ölkələrimiz üçün hələ çox şey edə bilərdi. Elə Sovetlər İttifaqı üçün də çox şey edə bilərdi. O, bunu daha sonra Azərbaycanın Prezidenti olduğu zaman sübut etmişdi".

Bunu APA-nın Moskva müxbirinə müsahibəsində Azərbaycanın Ümummilli Lideri Heydər Əliyevlə bağlı xatirələrini bölüşən Rusiyanın görkəmli dövlət xadimi, Qərbi Sibirdə neft-qaz kompleksinin yaradıcılarından biri, Rusiyanın Neft-Qaz Sənayeçiləri İttifaqının prezidenti Gennadi Şmal bildirib.

Onun sözlərinə görə, Heydər Əliyev Sovetlər İttifaqının siyasi tarixində böyük rol oynayıb, Mərkəzi Komitənin Siyasi Bürosunun üzvü və SSRİ hökuməti sədrinin birinci müavini olub: “Heydər Əliyev həqiqətən böyük hakimiyyətə sahib idi. Mən o zaman dəfələrlə onunla görüşmüşdüm. O, əsl professional idi. Baxmayaraq ki, ömrünün çox hissəsini iqtisadiyyatla deyil, digər məsələlərlə, dövlət təhlükəsizlik orqanlarında çalışmaqla keçirmişdi. Həmin zamanlar bizim hökumətdə Operativ məsələlərlə bağlı Komissiya fəaliyyət göstərirdi. Bu komissiya bütün ölkə üzrə iqtisadiyyata cavabdeh idi. Bu komissiyaya Heydər Əliyev rəhbərlik edirdi. Mən o zaman Neft-qaz nazirinin birinci müavini vəzifəsində çalışırdım. Bizim nazirlik çox ciddi və nəhəng strateji tapşırıqları yerinə yetirirdi. Qərbi Sibirin rayonlarından neft və qazın mərkəzə ötürülməsi və xaricə ixrac edilməsi qarşımıza qoyulan əsas tapşırıq idi. Biz bu tapşırıqları uğurla həyata keçirirdik. Tez-tez Heydər Əliyevlə təmasda olurduq, selektor iclaslar keçirirdik. O zaman SSRİ-ni təkcə ali katib və ya Nazirlər Sovetinin sədri idarə etmirdi, bütöv aparat vardı və bu aparatdakı insanlar ölkənin idarəçiliyi ilə məşğul olurdular. Onlar arasında ən yüksəkdə duranlardan biri məhz Heydər Əliyev idi".
G. Şmal Heydər Əliyevin çox təvazökar insan olduğunu vurğulayıb: "Bu insan hər zaman hansısa çətin bir məsələnin həllində yardım edə bilirdi. Çətinlik olanda hər zaman ona yaxınlaşıb kömək istəmək mümkün idi. O zamanlar belə çətin məsələlər çox olurdu. Elə indi də az olmur. Lakin indi o vəzifədə olan adama yaxın düşmək çətindir. Təəssüflər olsun ki, bu gün bu cür insanlar azdır. Bu gün Heydər Əliyev kimi insanlara ehtiyacımız var. Heydər Əliyev kimi insanların bir məqsədi, bir devizi vardı: Doğma ölkələri yaşasın!".




 
Bölməyə aid digər xəbərlər
30.05.2020
Ordumuz torpaqlarımızı düşmən tapdağından azad etməyə tam hazırdır
30.05.2020
Azərbaycanda məcburi köçkünlərlə iş ardıcıl və planlı sürətdə həyata keçirilir
29.05.2020
Dağlıq Qarabağ münaqişəsi üzrə danışıqlarda mərhələli həll planı hazırda alternativsiz variantdır
29.05.2020
Biz dağıdılmış qəbristanlıqlarımızı, tarixi, mədəni və dini abidələrimizi bərpa edəcəyik
28.05.2020
“Qobu Park-3” yaşayış kompleksinin istifadəyə verilməsi məcburi köçkünlərə qayğının ən yüksək nümunəsidir

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 İspaniya turizm mövsümünün bərpa tarixini açıqlayıb
2 “Pandemiyadan sonra turizmin bərpası və inkişaf planları”
3 Leyla Abdullayeva: Ermənistan beynəlxalq ictimaiyyətin diqqətini qanunsuz işğal və dinc əhalinin üzləşdiyi etnik təmizləmə faktlarından yayındırmağa çalışır
4 Prezident İlham Əliyev və birinci xanım Mehriban Əliyeva Şamaxıda Pirsaat Baba ziyarətgahında olubla
5 Qasımbəy yeməyi -VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info