Bələdiyyə demokratik dövlət idarəetməsinin təsisatıdır
Tarix: 11.10.2013 | Saat: 18:26:00 | E-mail | Çapa göndər


Naxçıvan Dövlət Universitetinin Sosial idarəetmə hüquq fakültəsində “Bələdiyyə demokratik dövlət idarəetməsinin təsisatı kimi” mövzusunda diskussiya keçirildi.
Tədbiri giriş sözü ilə universitetin rektoru, biologiya elmləri doktoru, professor Saleh Məhərrəmov açaraq qeyd etdi ki, XX əsr Azərbaycan xalqının həyatında əhəmiyyətli və unudulmaz izlər qoyub. Azərbaycanda iqtisadiyyatın, elmin, təhsilin, mədəniyyətin dirçəlişi və dinamik inkişafı, eləcə də yerli özünüidarəetmə orqanı olan bələdiyyələrin yaranması, dövlət müstəqilliyinin möhkəmləndirilməsi, qısa bir zamanda Azərbaycanın beynəlxalq aləmdə böyük nüfuz qazanması, sürətlə dünya birliyinə inteqrasiyası ümummilli lider Heydər Əliyevin uzaqgörən siyasəti nəticəsində mümkün olub. Rektor vurğuladı ki, Azərbaycan Respublikasında bələdiyyə təhsili ildən-ilə təkmilləşir və genişlənir. Naxçıvan Muxtar Respublikası Ali Məclisinin sədri Vasif Talıbovun diqqət və qayğısı nəticəsində universitetdə Dövlət və bələdiyyə idarəetməsi ixtisası açılıb. Ölkənin digər ali təhsil müəssisələri kimi, Naxçıvan dövlət Universitetində də bütün sahələrdə olduğu kimi, 2004-2005-ci tədris ilindən Sosial İdarəetmə və Hüquq fakültəsinin nəzdində “Bələdiyyə və Turizm” kafedrası yaradılıb, Dövlət və bələdiyyə idarəetməsi ixtisası üzrə kadr hazırlığına başlanılıb. O da qeyd edildi ki, kafedranın 2 əməkdaşı Beynəlxalq Turizm Akademiyasının həqiqi üzvləridir. Bu sahədə hazırlanan kadrlar müvafiq işlərlə təmin olunurlar.
Naxçıvan Bələdiyyəsinin sədri Nuraləm İbrahimov Bələdiyyə haqqında geniş məlumat verərək qeyd etdi ki, bələdiyyə qanunla müəyyən edilmiş ərazi hüdudları daxilində yerli özünüidarəetmə formasıdır. Bələdiyyənin öz mülkiyyəti, yerli büdcəsi və seçki bələdiyyə orqanları olur və o, Azərbaycan Respublikası Konstitusiyası ilə səlahiyyətlərinə aid əhəmiyyətli məsələləri müstəqil surətdə həll edir. Bələdiyyələr bərabərlik əsasında qurulur və fəaliyyət göstərirlər. Naxçıvan Bələdiyyəsi, Dövlət və bələdiyyə idarəetməsi ixtisasının aparıcı müəssisəsidir. Bələdiyyə sədri bu sahəyə dövlət tərəfindən xüsisi diqqət və qayğı göstərildiyini də nəzərə çatdırdı.
Naxçıvan bələdiyyəsində vergi şöbəsinin müdiri İbrahim Həsənov “Yerli əhəmiyyətli sosial məsələlərin həllində bələdiyyələrin rolu”, universitetin Bələdiyyə və turizm kafedrasının müdiri Hafiz Hüseynov “Bələdiyyələrin inkişafına kadr təminatı və bu sahədə görülən işlər”, Naxçıvan bələdiyyəsində baş mütəxəssis Akif Məmmədov “Yerli əhəmiyyətli şikayət və təkliflərin həll edilməsində bələdiyyələrin rolu”, universitetin Bələdiyyə və turizm kafedrasının müəllimi Flora Kərimova “Yerli özünü idarəetmə orqanlarının inkişaf perspektivləri və problemləri” mövzularında məruzələr etdilər.
Sonda “Bələdiyyə demokratik dövlət idarəetməsinin təsisatı kimi (Naxçıvan Muxtar Respublikası timsalında)” adlı diskussiya başlandı. Tələbələri maraqlandıran suallar cavablandırıldı.

Mina Qasımova
NDU-nun Mətbuat şöbəsinin əməkdaşı





 
Bölməyə aid digər xəbərlər
22.02.2019
Sahil Babayev canlı efirdə 36 vətəndaşın müraciətini cavablandırıb
22.02.2019
“Prezidentin Əfqanıstan müharibəsi veteranlarına və bu müharibədə həlak olanların ailələrinə qayğısı davamlıdır”
22.02.2019
“AZƏRSUN HOLDİNQ“ İnsan Resursları üzrə mütəxəssis axtarır
22.02.2019
Bu il Bakının 4 rayonunda “DOST” mərkəzləri yaradılacaq
21.02.2019
Dövlət Əmək Müfəttişliyi Xidməti işəgötürənlərə müraciət edib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info