“CISCO“ şirkətinin rəhbərləri ilə görüş bir daha göstərdi ki, Prezident İlham Əliyev dünya çapında texnologiyaya dəstək verən liderlərdəndir
Tarix: 16.05.2020 | Saat: 19:48:00 | E-mail | Çapa göndər


Dövlət başçısının CISCO şirkətinin rəhbərləri ilə videokonfrans formatında görüşü bir daha göstərdi ki, Prezident İlham Əliyev təkcə regionda deyil, dünya çapında texnologiyaya dəstək verən liderlərdəndir.

Bu fikirləri açıqlamasında "Səs" qəzetinin baş redaktoru, siyasi ekspert Bəhruz Quliyev deyib.

ABŞ-ın nüfuzlu şirkəti olan CİSCO-nun Azərbaycanda mühüm addımlar atdığını deyən ekspert bildirib ki, Prezident İlham Əliyev şirkətin rəhbərləri ilə keçirilən videokonfrans formatlı görüşdə də qeyd etdi ki, CİSCO öz sahəsi üzrə Azərbaycanda çox ciddi addımlar atır, yaranmış əlverişli şəraitdən bəhrələnir: "Bu şirkətin Azərbaycanla əməkdaşlığı nəticəsində ölkəmizdə tətbiq edilən "Ağıllı Şəhər", "Ağıllı Ölkə", "Ağıllı Kənd Təsərrüfatı" və "Ağıllı Məktəb" proqramları göstərir ki, şirkətlə ölkəmiz arasında çox ciddi əlaqələr mövcuddur və Azərbaycan CİSCO üçün kifayət qədər maraqlıdır".

B.Quliyev qeyd edib ki, ümumiyyətlə, dünyanın ən iri şirkətləri Azərbaycana investisiya yatırmaqda maraqlıdırlar: "Çünki, ölkəmizdə ictimai-siyasi sabitliyə təhlükə törədən heç bir amil mövcud deyil. Şirkətlər sabit ölkəyə yatırım edib, dividend əldə etməkdə maraqlı olduqları üçün onlar fəaliyyətlərini sabit ölkəyə yönəldirlər. Bu baxımdan dünyanın ən iri və nüfuzlu şirkətlərinin əksəriyyəti Azərbaycanda öz ixtisaslarına uyğun yatırım etməyə üstünlük verirlər. Prezident İlham Əliyev bir müddət bundan öncə Davosda CİSCO şirkətinin rəhbərliyi ilə görüşündə də bu məsələləri müzakirə etmişdi. Məhz onun nəticəsidir ki, bu gün Azərbaycanda çoxlu sayda beynəlxalq şirkətlər öz fəaliyyətlərini uğurla davam etdirirlər".

Azərbaycan Prezidentinin təşəbbüsünün dünya tərəfindən dəstəkləndiyini deyən ekspert vurğulayıb ki, CISCO şirkətinin icraçı vitse-prezidenti və baş maliyyə direktoru xanım Kelli Kramer də çıxışında bu məsələyə toxunaraq qeyd etdi ki, Prezident İlham Əliyev COVID-19 virusu ilə əlaqədar Türkdilli Dövlətlərin Əməkdaşlıq Şurasının toplantısı və Qoşulmama Hərəkatının görüşlərini təşkil etməklə liderlik səylərini nümayiş etdirdi: "Bütün bunlar bir daha sübut edir ki, ölkə başçısının təşəbbüsləri dünyanın böyük ölkələri, beynəlxalq ictimaiyyət tərəfindən dəstəklənir və təqdir olunur. Regionun lider dövlətinə çevrilən Azərbaycan təkcə dünya səviyyəsində deyil, eləcə də region ölkələri arasında da bir sıra təşəbbüslərlə çıxış edərək öz təşəbbüskarlıq modelini təqdim edib".




 
Bölməyə aid digər xəbərlər
11.07.2020
Azərbaycan XİN: Ermənistan rəhbərliyi apardıqları siyasətə görə Dağlıq Qarabağ münaqişəsinin həlli məsələsində tamamilə tək qalıblar
11.07.2020
Nizami Rayon İcra Hakimiyyətinin başçısı vəzifəsindən azad edildi - SƏRƏNCAM
11.07.2020
Azərbaycanda reanimasiya şöbələrinin təchizat səviyyəsi heyranlıq doğurur
11.07.2020
“Siz çətin günlərdə xalqımıza böyük dayaqsınız“
11.07.2020
Əhali sayı təxminən Azərbaycanla eyni olan inkişaf etmiş ölkələrdə yoluxma 60-70 mini ötür

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11548

1 Karantin rejiminin bitdiyi günün səhərisi Azərbaycanda turizm bərpa oluna bilər
2 “Türkiyədə sənədsiz yaşayan soydaşlarımızın yanında olmağa çalışmışam”
3 “Zaman və düşüncələr” kitabı Azərbaycan dilində çapa hazırlanır
4 Türkiyə moda sənayesi 15 iyul - 14 avqust tarixlərində sərgidə
5 312 nəfər əcnəbi “Azərbaycan turizmi üzrə ekspert” statusunu qazanıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info