Pandemiya dövründə Azərbaycandan nar ixracının həcmi açıqlanıb
Tarix: 21.05.2020 | Saat: 11:48:00 | E-mail | Çapa göndər


Azərbaycan Nar İstehsalçıları və İxracatçıları Assosiasiyasının üzvləri ilə aparılan sorğudan belə bir nəticəyə gəlmək olar ki, onlar koronavirus pandemiyası dövründə məhsul ixracı sahəsində heç bir problemlə rastlaşmayıblar.

Bunu Trend-ə Assosiasiyanın sədri Fərhad Qaraşov deyib.
O bildirib ki, 2020-ci ilin yanvar ayından bu günədək Azərbaycandan müxtəlif ölkələrə təqribən 2 min tona yaxın 2 milyon ABŞ dolları həcmində nar meyvəsi, təqribən 160 ton və dəyəri 190 min dollar olan nar konsentratı, həmçinin, təxminən 6 milyon dollar dəyərində ümumi çəkisi təqribən 3 700 ton olan nar şirəsi ixrac olunub:
“Rəqəmlərdən də göründüyü kimi vitamin C və digər faydalı minerallarla zəngin olan nar və nardan hazırlanan məhsulların ixrac potensialı kifayət qədər yüksəkdir və bu tələbat artan silsilə ilə gedir. Bundan başqa, əldə olunan məlumatlara görə təəssüf hissi ilə bildirmək istərdim ki, digər ölkələrdən yeni salınmış bağlar üçün nar tingləri idxal olunur. Lakin Azərbaycanın yerli nar sortlarının təbiliyi, təravəti idxal olunacaq tinglərin yerli tinglərlə əvəz olunmasının zəruri olduğunu deməyə əsas verir.
Koronavirus pandemiyasının mövcud olduğu bir dövrdə dövlət tərəfindən ixrcatçılar üçün görülən təxirəsalınmaz tədbirləri, cənab Prezidentin göstərişi ilə bir sıra dövlət qurumlarının, Kənd Təsərrüfatı Nazirliyinin, Dövlət Gömrük Komitəsinin, Azərbaycan Qida Təhlükəsizliyi Agentliyinin və digər qurumların fasiləsiz iş rejimində çalışmasını Assosiasiya üzvləri adından müsbət qiymətləndirir və öz təşəkkürümüzü bildiririk”.
Fərhad Qaraşov vurğulayıb ki, yüksək ixrac potensialına malik Assosiasiya üzvləri ilə sorğudan belə bir nəticəyə gəlmək olar ki, onlar məhsul ixracı sahəsində heç bir problemlə rastlaşmırlar:
“Lakin postpandemiya dövründə ixrac olunacaq ölkələrdə alıcıların istehlak qabiliyyəti hələ ki tam olaraq məlum deyil və bu sahədə müəyyən problemlər yaşana bilər. Bakı şəhərində Türkiyədən gətirilən soyuducu anbarlarda saxlanılan az miqdarda, təqribən 2 tona yaxın türk narının olduğunu müşahidə edirik. Lakin yerli narın alıcılıq qabiliyyətini nəzərə alsaq, bu nar artıq alıcılar tərəfindən o qədər də qəbul edilmir. İndi may ayının sonlarıdır və nar ağacları özlərinin ən gözəl ilk çiçək açma dövrünü yaşayır. Fermerlər bağlarda budama, dərmanlama, gübrələmə və suvarma işlərini ardıcıl yerinə yetirirlər.
Həmçinin fermerlərimiz və istehsalçılarımız tərəfindən dərman və gübrələrin əldə olunması sahəsində də heç bir problem yaşanmır. Dövlətimizin pandemiyaya qarşı apardığı mübarizə nəticəsində tez bir zamanda bu problemin həll olunacağına inanır və bu il məhsuldarlığımızın əvvəlki ilə nisbətən artacağına ümid edirik”.




 
Bölməyə aid digər xəbərlər
27.05.2020
Azərbaycan neftinin bir barreli 36 dollara satılır
27.05.2020
Azərbaycanın METAK şirkəti yeni bazarlara çıxmağı planlaşdırır
26.05.2020
Daha ehtiyacımız böyük deyil – Buğda idxalını 60 faiz azaltmışıq
26.05.2020
Zaqatalanın çay plantasiyalarında mövsümün ilk məhsulu yığılır
26.05.2020
Azəri-Çıraq-Günəşli yatağı payın satın alınması vəsaitləri olan hər kəs üçün cəlbedici imkan olaraq qalır

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11530

1 “Azərişıq“ bayram günlərində gücləndirilmiş iş rejimində çalışacaq
2 Qiyməli pendirli yemək resepti -VİDEO
3 Bakı restoranlarının “B Planı” yoxdur: pandemiya zamanı bizneslər sağ qalmağa çalışır-VİDEO
4 İşğal olunmuş Şuşa şəhərində təşkil edilən qondarma “andiçmə” mərasiminin heç bir hüquqi əsası yoxdur
5 “Karantin dövründə evdə qalanlara pozitiv ruh vermişik”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info