Turizm şirkətlərinin lisenziyalaşdırılması və ya sertifikasiyadan keçirilməsinə ehtiyac var
Tarix: 21.05.2020 | Saat: 14:03:00 | E-mail | Çapa göndər


Turizm şirkətlərinin bir neçə mərhələdə lisenziyalaşdırılmasına və ya sertifikasiyadan keçirilməsinə ehtiyac var.
Bunu Trend-ə açıqlamasında Azərbaycan Turizm Agentlikləri Assosiasiyasının üzvü Cəmilə Əliyeva deyib.
O qeyd edib ki, lisenziya ləğv edildikdən sonra turizm şirkətlərinin sayı 4 min ötüb:
“Günümüzün reallığı odur ki, istənilən şəxs VÖEN əldə edərək turizm agentliyi kimi fəaliyyət göstərə bilər. Nəticə etibarilə bu şirkətlərin xaotik say artımı həm kəmiyyət, həm də keyfiyyət cəhətdən problem yaratmış olur. Lakin yeni açılan turizm şirkətlərinin fəaliyyəti barədə dəqiq məlumatlar əldə etmək mümkün deyil. Bunu tənzimləmək üçün turizm şirkətlərinin yenidən lisenziyalaşdırılması lazımdır”.

Bu məsələnin 2019-cu ilin dekabr ayından Dövlət Turizm Agentliyinin də gündəmində olduğunu deyən C.Əliyeva hesab edir ki, turizm şirkətlərinin lisenziyalaşdırılması yaxud da sertifikasiyadan keçirilməsi müstəqil bir quruma həvalə edilməli və peşəkar mütəxəssislərin rəyləri əsasında həyata keçirilməlidir:

“Həmçinin məsələ həyata keçirilərkən bir neçə amil nəzərə alınmalıdır. Təsisçi və ya şirkət sahibinin mütləq şəkildə turizm sahəsində 5-6 ildən çox stajının olması, işçilərin aviabiletlərin yazılması, turların təşkili sahəsində yüksək bacarıqları ilə fərqlənməsi, müxtəlif peşəkar sertifikatlar əldə etməsinə diqqət yetirilməlidir. Bununla yanaşı, xidmətlərin satışının həyata keçirildiyi məkanın da şəraiti nəzərə alınmalıdır”.

Sadalanan amillər əsasında turizm şirkətlərinin fəaliyyət göstərməsini düzgün sayan C.Əliyeva lisenziya üçün dövlət rüsumunun məbləğinin də çox yüksək olmasının tərəfdarı olmadığını söyləyib.

Ekspert bu fikirdədir ki, lisenziyalaşdırmanın və ya sertifikasiyanın olması turizm sənayesinin keyfiyyətli şəkildə formalaşmasına səbəb olacaq.

Məsələ ilə bağlı Azərbaycan Turizm Agentlikləri Assosiasiyasının İdarə Heyətinin sədri Rüfət Hacıyev isə Trend-ə bildirib ki, turizm bazarında xidmət göstərən şirkətlərin lisenziyalaşdırılması ilə bağlı irəli sürdükləri təklif onların fəaliyyətinə maneə yaratmaq deyil, milli turizm maraqlarından çıxış edərək şirkətlərin keyfiyyət və standartlara cavab verən xidmət göstərmələrini təmin etmək məqsədi daşıyır:
"Düşünürük ki, lisenziyalaşma olarsa, turizm bazarında qalmaq istəyən şirkətlər bundan sonrakı fəaliyyətlərində daha sağlam xidmət göstərməyə,müştəri məmnunluğunu qoruyub saxlamağa çalışacaq".




 
Bölməyə aid digər xəbərlər
28.05.2020
Yaponiya turistlərə gündəlik 185 dollar verəcək
27.05.2020
“Azərbaycanda daxili turizmin 2025-ci ilə qədər inkişaf perspektivləri”
24.05.2020
İspaniya turizm mövsümünün bərpa tarixini açıqlayıb
24.05.2020
“Pandemiyadan sonra turizmin bərpası və inkişaf planları”
21.05.2020
Rusiya turizm sektoru iyunun 1-dən karantindən mərhələlərlə çıxmağa başlayacaq

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Azərişıq“ bayram günlərində gücləndirilmiş iş rejimində çalışacaq
2 Ombudsmanın Milli Preventiv Mexanizm fəaliyyəti çərçivəsində regionlarda başçəkmələr həyata keçirilib
3 İspaniya turizm mövsümünün bərpa tarixini açıqlayıb
4 “Pandemiyadan sonra turizmin bərpası və inkişaf planları”
5 Prezident İlham Əliyev və birinci xanım Mehriban Əliyeva Şamaxıda Pirsaat Baba ziyarətgahında olubla


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info