Kavasaki sindromunun ən qorxulu ağırlaşması...
Tarix: 23.05.2020 | Saat: 00:47:00 | E-mail | Çapa göndər


Kavasaki sindromu 5 yaşına qədər uşaqlarda rast gəlinən, dəri səpkiləri, yüksək hərarət, limfa düyünlərinin böyüməsi, ürəyin və iri damarların iltihabı ilə müşayiət olunan xəstəlikdir. İlk dəfə olaraq xəstəliyi ötən əsrin 60-cı illərinin axırlarında yapon psixiatrı Tomisaku Kavasaki aşkar edib.
Milli.Az bildirir ki, bu sözləri həkim-kardioloq Nərgiz Məmmədova AZƏRTAC-a deyib: "Kavasaki sindromu adətən 2 aylıqdan 5 yaşa qədər uşaqlarda, bəzən də yeniyetmələrdə inkişaf edir. Oğlan uşaqları qızlara nisbətən həmin xəstəliyə iki dəfə çox tutulur. Xəstəliyin etiologiyası məlum olmasa da, onun infeksion xarakterdə olduğu güman edilir. Sindromun inkişafını bakteriya, virus və ətraf mühitin digər infeksion faktorları ilə əlaqələndirən nəzəriyyələr də var.
Xəstəlik bədən hərarətinin 40 dərəcəyə yüksəlməsi ilə başlayır. Temperatur vaxtaşırı 38,5 dərəcəyə qədər enir, lakin həmin göstəricidən aşağı düşmür. Xəstə uşaqlar yuxuya meyilli olurlar, bəzən də qarında əmələ gələn ağrılardan şikayətlənirlər. Dəridə, xüsusən də paltara sürtülən nahiyələrdə ocaqlı səpkilər əmələ gəlir. Bir-iki gün ərzində səpkilər selikli qişalara - ağız boşluğu və hətta uşaqlıq yoluna yayılır. Uşağın boğazı qızarır, dodaqları quruyur və çatlayır, dili moruğu-qırmızı rəng alır. Ovuclar və ayaqların altı qızarır, bəzən də ödemləşir, gözlərdə irinsiz konyunktivit əmələ gəlir. Xəstəliyin başlanğıcından 10-20 gün sonra əl və ayaqların dərisi soyulmağa başlayır. Çox vaxt boyun limfa düyünləri böyüyür və ağrılı olur".
O, xəstəliyin gedişi barədə də məlumat verib: "Tac damarları ilə yanaşı, başqa orqanizmdə bütün damarlarda vaskulitlər inkişaf edir. Kavasaki sindromunun ən qorxulu ağırlaşması koronar arteriyaların vaskulitidir. Kardial ağırlaşmalar uşaqlarda adətən xəstəliyin 2-4-cü həftəsində yaranır. Koronar arteriyalarda yaranan dilatasiya anevrizma və miokard infarktı ilə ağırlaşa bilər. Digər ağırlaşmalar arasında beynin yumşaq qişasının, oynaqların və öd kisəsinin iltihabı qeyd edilir. Onlar qalıq əlamətləri vermədən sağalır.
Koronar arteriyaların zədələnməsi yüngül olduqda xəstədə tam sağalma gedir. Kiçik anevrizmalar bir il ərzində izsiz itib gedir, bir az dərin zədələnmələr uzun illər sonra ürək patologiyalarına səbəb olur. Kavasaki sindromu ağır gedişinə və təhlükəli simptomlarına baxmayaraq müalicəyə tez tabe olur", - deyə həkim-kardioloq söhbətini yekunlaşdırıb.




 
Bölməyə aid digər xəbərlər
18.09.2020
Tanınmış rusiyalı kardioloq: Təzyiqi salmaq üçün bu 2 məhsuldan imtina edin
14.09.2020
Ortoped-travmatoloq Dr.Müseyib Əhmədov “Koksartroz xəstəliyinin vaxtında müayinəsi nə üçün vacibdir?” sualını cavablandırıb
11.09.2020
Mərkəzi Gömrük Hospitalının pediatr-neonatoloqu uşaqlara qrip əleyhinə peyvəndin vurulması ilə bağlı məsləhəti
11.09.2020
Vaginizm və cinsi zəiflik: Problemdən necə qurtulaq? - VİDEO
09.09.2020
Podaqra kişilərdə daha çox rast gəlinir

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11601

1 Aparıcı dovşanlarına malikanə tikdirib-VIDEO
2 Masallıda “Bu günün gəncləri sabahın qurucularıdır ” mövzusunda onlayn videokonfrans keçirilib
3 Azərbaycan-Özbəkistan arasında xalq simli musiqi alətləri ifaçılarının ilk onlayn – müsabiqəsi
4 “Məhəbbət əfsanəsi” və ya əfsanəyə dönmüş ömür
5 Baş Prokurorluq prokurorluq orqanlarına qəbul olmaq istəyən şəxslərə müraciət edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info