Ombudsmanın Milli Preventiv Mexanizm fəaliyyəti çərçivəsində regionlarda başçəkmələr həyata keçirilib
Tarix: 23.05.2020 | Saat: 17:09:00 | E-mail | Çapa göndər


Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın Milli Preventiv Mexanizm fəaliyyəti çərçivəsində Gəncə və Şəki şəhərlərindəki Uşaq Evlərinə əvvəlcədən xəbərdarlıq etmədən plandankənar başçəkmələr həyata keçirilib.

Ombudsman Aparatının Mətbuat xidmətindən Trend-ə bildirilib ki, Ombudsmanın Milli Preventiv Qrupunun (MPQ) üzvləri tərəfindən keçirilmiş başçəkmələrdə məqsəd müəssisələrdə yeni növ koronavirus infeksiyasının (COVİD-19) yayılması ilə bağlı davam etdirilən qabaqlayıcı tədbirlərin, mövcud sanitariya vəziyyətinin, habelə bu ərəfədə müxtəlif yaş qruplarından olan uşaqların saxlanma şəraiti və xidmət əməkdaşlarının onlarla rəftarı məsələlərinin, eləcə də uşaqların hüquqlarının təmininin araşdırılması olub.

Başçəkmələr çərçivəsində regionlarda yerləşən müəssisələrin bütün obyektlərinə, o cümlədən yataq, dərs və tibb otaqlarına, yeməkxanaya və mətbəxə, asudə vaxtın təşkili üçün nəzərdə tutulmuş otaqlara, ümumi əraziyə baxış keçirilib, şərait və imkanlar araşdırılıb.

Rəftar məsələlərinin araşdırılması məqsədilə təsadüfi seçim əsasında bu müəssisədə yaşayan uşaqlarla, habelə müəssisə rəhbərliyi, müəllimlər və tibb işçiləri ilə fərdi söhbətlər aparılıb və mövcud vəziyyət öyrənilib.

Gəncə Uşaq Evində karantin rejimi ilə əlaqədar müəssisədə növbəli iş rejiminin davam etdirildiyi, dezinfeksiya işlərinin aparıldığı müşahidə edilib. Müəssisə Heydər Əliyev Fondu tərəfindən tibbi maskalar və spirtlə, eləcə də koronavirusa qarşı gigiyena qaydaları barədə maarifləndirici bukletlərlə təmin edilib. Uşaq evinin rəhbərliyi uşaqlardan və kollektivdən virusun yoxlanılması məqsədilə analiz götürüldüyünü, nəticələrin neqativ olduğunu bildirib.

Karantin rejimi dövründə uşaqların bir hissəsi valideynləri tərəfindən götürülüb, yoluxma hallarının qarşısı almaq üçün Uşaq Evində yaşayanların valideynlərlə və digər kənar şəxslərlə görüşləri müvəqqəti olaraq dayandırılıb.

Şəki Qarışıq Tipli Uşaq Evində də karantin rejimi dövründə istifadə məqsədilə Heydər Əliyev Fondu tərəfindən müəssisənin tibbi spirt, maska və əlcəklə təmin edildiyi müşahidə olunub.

Başçəkmə zamanı Uşaq Evinin həkim-pediatr ştatının vakant olduğu, elektrik enerjisi üçün müəssisəyə ayrılmış limitin artrılması, habelə ərzaq anbarında havalandırma sisteminin daimi olaraq işlək vəziyyətə gətirilməsi ilə bağlı tədbirlərə ehtiyac olduğu aşkarlanıb.

Başçəkmələrin yekununda MPQ üzvləri tərəfindən hər iki müəssisənin rəhbərliyi, əməkdaşları və ayrıca olaraq uşaqlarla 2020-ci ilin 18 may -18 iyun tarixlərində Müvəkkilin təşəbbüsü ilə respublikamızda elan edilmiş “İnsan Hüquqları Aylığı” çərçivəsində BMT-nin Uşaq Hüquqları Konvensiyası və Azərbaycan Respublikasının Uşaq hüquqları haqqında Qanunu əsasında hüquqi maarifləndirici söhbətlər aparılıb, uşaq evində saxlanma şəraiti və rəftar məsələləri, o cümlədən koronavirus epidemiyasından qorunmaq üçün sosial məsafə saxlanılması və gigiyena qaydalarına ciddi əməl olunması tövsiyə edilib.




 
Bölməyə aid digər xəbərlər
29.10.2020
Ceyhun Bayramovun Avropa İttifaqının xarici və təhlükəsizlik məsələləri üzrə ali nümayəndəsi ilə telefon danışığı olub
28.10.2020
Prezident İlham Əliyev Türkiyəni Cümhuriyyət Bayramı münasibətilə təbrik edib
28.10.2020
Prezident İlham Əliyev: Ermənistan üçün nə əxlaq normaları var, nə şərəf, nə ləyaqət
28.10.2020
Prezident İlham Əliyev: İnternetdə nümayiş etdirdiyimiz kadrlar əslində, baş verənlərlə müqayisədə çox cüzi hissədir
28.10.2020
Prezident İlham Əliyev: Ermənistanın nə qədər xoşuna gəlməsə də, Türkiyə artıq nizamlamaya cəlb olunub

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11801

1 Dağlıq Qarabağda sülhün təmin olunmasının əsas yolu Azərbaycanın ərazi bütövlüyünün bərpasıdır - “The Telegraph”
2 Birinci vitse-prezident Mehriban Əliyeva: Bu gün Prezident İlham Əliyev başda olmaqla Azərbaycan xalqı yeni tarix yazır
3 Manqal salatı
4 Əriştədən bir ailənin 9 üzvü öldü
5 İsraildən Azərbaycana humanitar yardım


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info