Azərbaycan innovativ ideyaların tətbiqində çevik addımlar atır
Tarix: 24.05.2020 | Saat: 18:28:00 | E-mail | Çapa göndər




Azərbaycanın müasir informasiya texnologiyalarına yiyələnmək təşəbbüsü dünyanın nüfuzlu şirkətlərindən olan "Signify" şirkəti tərəfindən böyük maraqla qarşılanır və bu şirkət ölkəmizdə mühüm layihələr reallaşdıracaq.

Bu fikri AZƏRTAC-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Aydın Hüseynov bildirib.

Deputat qeyd edib ki, Prezident İlham Əliyevin Azərbaycanda ağıllı sistemlərin tətbiqi ilə bağlı gördüyü işlər ölkənin inkişafında keyfiyyətcə yeni mərhələ olacaq. O bildirib ki, Prezident İlham Əliyevlə "Signify" şirkətinin rəhbərləri arasında keçirilən videokonfrans zamanı belə layihələrin ölkəmizin inkişafı istiqamətində müstəsna əhəmiyyət daşıdığı xüsusi vurğulanıb. Həyata keçiriləcək layihə çərçivəsində bu il sentyabrın sonunadək Bakı şəhərində 33 min LED işıq quraşdırılacaq və bu sistemin işə salınması elektrik enerjisindən hazırkı istifadəni təxminən 50 faizədək qənaət etməyə imkan verəcək. İşıqlandırmanın ən son yenilikləri Bakıda tətbiq olunacaq. Xüsusi vurğulamaq lazımdır ki, Sumqayıt şəhərində küçələrin işıqlandırılması ilə bağlı qiymətləndirmə prosesi başlanılıb və bu, "Ağıllı ölkə" layihəsinin icrasında mühüm komponent kimi nəzərdən keçiriləcək.

Milli Məclisin deputatı əlavə edib ki, "Signify" şirkətinin Azərbaycanda işləməsi, heç şübhəsiz, ölkəmizin əməkdaşlıq üçün dəyərli tərəfdaş olması, eləcə də ölkədə yaradılmış əlverişli biznes və sərmayə mühiti ilə əlaqədardır. O vurğulayıb ki, Prezident İlham Əliyev tərəfindən aparılan islahatların nəticəsidir ki, "Signify" və "CISCO" kimi dünya miqyaslı şirkətlər hazırda Azərbaycanla əməkdaşlıq edir və ölkəmizdə ən qabaqcıl texnologiyaların tətbiqi üçün real fəaliyyət göstərirlər. Yeni texnologiyalara tam açıq olan və innovativ ideyaların tətbiqində çevik addımlar atan Azərbaycan bu məsələdə qabaqcıl ölkələrin mövqeyinə yüksəlib. Prezident İlham Əliyevin qeyd etdiyi kimi, yeni texnologiyalar yeni miqyasa, dinamizmə, tərəqqiyə, yeni iş yerlərinə və ümumi rifaha xidmət edir.




 
Bölməyə aid digər xəbərlər
16.07.2020
Prezident Ceyhun Bayramovu Xarici İşlər naziri təyin olunması ilə əlaqədar videoformatda qəbul edib
16.07.2020
Dövlət Neft Fondunun investisiya portfelinin 60,3 faizi inkişaf etmiş ölkələri əhatə edir
16.07.2020
Neft Fondunun aktivlərinin 68,7 faizi istiqrazlar və pul bazarı alətləridir
16.07.2020
Azərbaycan şirkəti Serbiyada körpü inşasına başlayır
16.07.2020
Bu ilin birinci altı ayında dövlət büdcəsinin gəlirləri və xərcləri açıqlanıb

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11550

1 Kitabxananın “Yaradıcı oxucularımız” layihəsi davam edir
2 Yeni Eranın Elmi “Alternativ Pisixologiya“ İnsanlığa Xidmət edir!
3 Heydər Əliyev Fondu daha bir şəhid ailəsinə dəstək oldu -VİDEO
4 “Azərbaycana pul yox, iş görmək üçün gəlirəm“
5 Ekpress küftə-VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info