Gənclərin poeziya müsabiqəsi
Tarix: 17.10.2013 | Saat: 22:50:00 | E-mail | Çapa göndər


Son vaxtlar Azərbaycan dilinin inkişafı, gənc nəslin ana dilimizə sevgi hissinin güclənməsinə xidmət edən tədbirlərin sayı artmaqdadır. Prezidentin Azərbaycan dilinin inkişafı ilə bağlı Dövlət Proqramını təsdiq etməsindən sonra bu cür tədbirlər artıq bir-birini əvəz etməklə silsilə xarakteri alıb. Beynəlxalq Mətbuat Mərkəzində təşkil olunmuş mətbuat konfransı da növbəti belə bir tədbirin başlanmasına həsr edilib.
Prezident yanında Gənclər Fondunun maliyyə dəstəyi ilə keçirilən “Gənclərin poeziya müsabiqəsi” layihəsinin başlanmasına həsr olunmuş mətbuat konfransını layihənin rəhbəri Etibar Binnətli açaraq müsabiqənin başlıca məqsədi barədə məlumat verib. Qeyd olunub ki, gənclərdə ana dilinə məhəbbət hissini gücləndirməkdə poeziyanın mühüm rolu danılmazdır. Bu baxımdan layihənin əsas məqsədi məhz gənclərdə ana dilimizə sevgi hissinin daha da artırılmasına yardımçı olmaqdan ibarətdir. Layihə rəhbərliyindən bildiriblər ki, tədbirdə çıxış edən filologiya elmləri doktoru, professor Buludxan Xəlilov, Xalq artisti, tanınmış teleaparıcı Ofeliya Sənani, yazıçı-publisist Ənvər Əhməd, şair Zahid Xəlil və başqaları belə tədbirlərin ana dilinin inkişafı ilə bağlı Dövlət Proqramının həyata keçirilməsində əvəzsiz rol oynadığını bildiriblər. Müsabiqənin keçirilməsi təşəbbüsünün gənclər tərəfindən irəli sürülməsi faktını xüsusi vurğulayan çıxışçılar əmin olduqlarını bildirmişlər ki, gənc nəsil dilimizin saflığının qorunmasında həmişə öncüllük nümayiş etdirəcəklər. Tədbirdə müsabiqənin keçirilməsi şərtləri, plan-qrafik haqqında məlumat verilib. Qrafikə əsasən, oktyabrın 21-dən noyabrın 10-dək müsabiqədə iştirak etmək istəyən gənclərin müraciətlərinə baxılaraq ilkin seçim keçiriləcək. Noyabrın 15-dən dekabrın 5-dək iştirakçılarla müxtəlif tədbirlər keçiriləcək və dekabrın 10-dan 15-dək müsabiqənin ikinci seçim turu olacaq. Bu turda ən yüksək bal toplayan 12 gənc iştirakçı diplomlarla təltif edilməklə yanaşı, dekabrın sonunda keçiriləcək “Biz fəxr edirik ki, azərbaycanlıyıq” musiqili-bədii axşamda çıxış etmək hüququ qazanacaq.




 
Bölməyə aid digər xəbərlər
17.10.2019
Məşhur “Zoopark əhvalatı” əsəri səhnələşdirilir
16.10.2019
Müstəqillik Günü münasibəti ilə Heydər Əliyev Mərkəzinin parkında konsert olacaq
16.10.2019
“CinemaPlus”da “Joker” filmi ilə bağlı fləşmob keçirilib
16.10.2019
Bakı Ali Neft Məktəbinin tələbələrinin ifasında “O olmasın, bu olsun” operettası tamaşaya qoyulacaq
15.10.2019
Leyla Əliyevanın şeir yaradıcılığı türk poeziyasına yeni bədii ruh gətirəcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Namiq Əliyev
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10917

1 Aşqabadda Azərbaycan və Türkmənistan prezidentlərinin görüşü olub
2 Bakıda Rus Kitab Evinin açılmasının 10 illik yubileyi qeyd olunub
3 Aşqabadda MDB Dövlət Başçıları Şurasının geniş tərkibdə iclası keçirilib
4 “Xoşbəxtlikdən, Azərbaycanın qolu sayılmadı“
5 Vasim Məmmədəliyev vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info