Amerikada yaşamaq şansı verən “Green Card”a kimlər müraciət edə bilər? – VİDEO
Tarix: 06.06.2020 | Saat: 21:01:00 | E-mail | Çapa göndər


ABŞ-da yaşamaq, işləmək, təhsil almaq və digər bir çox fürsətləri həyata keçirtmək imkanı verən “Green Card” ( yaşıl kart).
Bu kart bir çox üsullarla – iş vizası əldə etməklə, qaçqın statusu ilə və ya ən sadə şəkildə lotereya proqramında iştirak etməklə əldə oluna bilər. Araşdırmalara görə “Green Card” əldə etmiş 1.2 milyon mühacirin yalnız 3.5 faizi vizanı lotereyadan əldə edib. Hər il 110 min nəfər xarici vətəndaşa isə iş vizası açmaq məqsədilə “Green Card” verilir.
1990-cı ildən bəri tətbiq olunan “Green Card” proqramı qalib gəlmiş şəxslərə seçmək və seçilmək hüququndan başqa digər bütün məsələlərdə Amerika vətəndaşı ilə eyni hüquqları verir.

Amerikada qanuni şəkildə yaşamağın və ya işləməyin ən asan yolu “Green Card” lotereya proqramına qoşulmaqdır.

Lotereya qalibləri Azərbaycan vətəndaşlığını itirmədən Amerikada daimi yaşamaq hüququna sahib olur.

Proqrama qoşulmaq üçün heç bir ödəniş tələb olunmur və seçim adi lotereya kimi təsadüfi qaydada aparılır.

Lakin bəzi insanlar müəyyən ödəniş əsasında şirkətlər vasitəsilə qeydiyyatdan keçir.

ABŞ-ın Azərbaycandakı səfirliyi şirkətlər vasitəsilə müraciət edənlərin seçilmə şansının artmadığını qeyd edir. Əksinə bu müraciət şəxsin Amerikaya köçmək və hətta səfər etmək imkanlarına ciddi xələl də gətirə bilər.

“Greencard” viza lotereya proqramının məqsədi Amerika əhalisi arasında mədəniyyət müxtəlifliyini artırmaqdır. Elə proqramın rəsmi adı da ABŞ Müxtəliflik vizasıdır.

Amerikaya az sayda miqrasiya etmiş ölkələr müəyyən kvota əsasında lotereya proqramında qalib gələ bilər. Ümumilikdə ildə təxminən 50 min nəfərə viza verilir.

Lotereya proqramında iştirak üçün minimum tələblər olduqca sadədir. 17 yaşdan yuxarı orta məktəb təhsili, yəni attestatı olanlar müraciət edə bilərlər. Əgər orta təhsil yoxdursa, son 5 ildə 2 illik iş təcrübəsi də proqramda iştirak etməyə əsas verir. Ən önəmlisi isə İngilis dili bilikləri tələb olunmur.

Bu kimi sadə şərtlər Amerikada başda prezident Donald Tramp olmaqla, bir çox şəxsləri narahat edir. Trampın fikrincə Amerikaya layiqli insanlar miqrasiya etməlidir, orta təhsil isə bunun üçün kifayət deyil.

2017-ci ildə ABŞ-da baş verən terror hadisəsindən sonra Donald Tramp “Green Card”ın ləğvi məsələsini yenidən gündəmə gətirdi. Prezident çıxışında insanların təsadüfi formada seçildiyi “Green Card” lotereyasının artıq qüvvədə olmayacağını qeyd etmişdi. Bu çıxışdan sonrakı illərdə isə “Green card” üçün müraciətlərin sayı kəskin artdı.

Hər il lotereya nəticələri 15 maydan gec olmamaq şərtilə açıqlanırdı. Bu il isə koronavirus pandemiyası səbəbilə nəticələr 6 iyunadək ertələnib. Bakı vaxtı ilə 20:00-dan etibarən nəticələrinizi öyrənə bilərsiniz.




 
Bölməyə aid digər xəbərlər
04.07.2020
Türkiyənin Saç Muzeyi gələnləri ovsunlayır
03.07.2020
Ödənişsiz “Microsoft” təlim proqramı istifadəyə verilib
03.07.2020
İlk insan, Cənnət, mələklər
03.07.2020
Kaspersky Safe Kids üçüncü ildir ki, ilk pilləni tutur
02.07.2020
Polşada ağzında pul olan onlarla uşaq skeleti tapıldı

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11546

1 Tural Gəncəliyev: “Dağlıq Qarabağ xalqı” deyə bir anlayış yoxdur, sadəcə Azərbaycanın Dağlıq Qarabağ bölgəsinin əhalisi anlayışı var
2 Litvanın Birştonas şəhərində tar, kamança, qaval büstü qoyulacaq
3 “Azərbaycanın olmadığı yerdə Türkiyə, Türkiyənin də olmadığı yerdə Azərbaycan var” - bu bizlərin şüarıdır…”
4 Prezident və birinci xanım İçərişəhərdə aparılan bərpa işləri ilə tanış olublar-YENİLƏNİB
5 Azərbaycan Prezidentinin təşəbbüsünə verilən dəstək beynəlxalq ictimaiyyətin ölkəmizə böyük etimadının göstəricisidir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info