“Rusiya Azərbaycanla münasibətlərin qədrini bilir”
Tarix: 18.10.2013 | Saat: 23:39:00 | E-mail | Çapa göndər


“Rusiyada heç vaxt antiazərbaycan kampaniyası aparılmayıb, aparılmır və aparılmayacaq”

“Baş vermiş hadisə barədə mətbuatda çox şərhlər verilib və siyasətçilər tərəfindən çox bəyanatlar səslənib. İnsanların emosiyaları anlaşılandır, lakin mən qeyd etmək istəyirəm ki, Rusiyanın bu məsələyə diqqəti cinayətdə şübhəli bilinən şəxsin milli mənsubiyyəti ilə bağlı deyil, sadəcə, bu işin səs-küylü olması ilə əlaqədardır. Ola bilər ki, Rusiya mətbuatındakı bəzi materiallar hüquqi nöqteyi-nəzərdən qüsursuz deyil, lakin mən sizi əmin etmək istəyirəm ki, Rusiyada heç vaxt antiazərbaycan kampaniyası aparılmayıb, aparılmır və aparılmayacaq”.
Bu sözləri jurnalistlərə açıqlamasında Rusiya Federasiyasının Azərbaycandakı səfiri Vladimir Doroxin deyib. O bildirib ki, Rusiya Azərbaycanla münasibətlərin qədrini bilir: “Məhkəmənin qərarı nə olursa olsun, biz bu epizodun ölkələrimiz arasındakı münasibətlərə, Rusiyada çalışan və ölkəmiz üçün böyük və vacib işlər görən azərbaycanlılara olan xoş hisslərimizə təsir göstərməməsi üçün hər şeyi edəcəyik”. Səfir xatırladıb ki, oktyabrın 9-dan 10-na keçən gecə Moskvada böyük ictimai rezonans doğuran qətl hadisəsi baş verib: “Bu rezonans onunla şərtlənib ki, ertəsi gün həmin rayonda belə demək mümkündürsə, xalq yığıncağı, etiraz aksiyası keçirilib və bu, polislə kütləvi toqquşmalara, dava-dalaş və talanlara çevrilib. Bu hadisələrin kökündə Rusiyada yaşayan miqrantların, o cümlədən qeyri-leqal miqrantların bir hissəsinin kriminal və antisosial davranışları ilə bağlı yığılıb qalan problemlər dayanır. Oktyabrın 15-də cinayətin törədilməsində şübhəli bilinən şəxs - Orxan Zeynalov saxlanılıb.

“Əminəm ki, yaxın vaxtlarda Azərbaycan səfirliyinin nümayəndələrinin saxlanılan şəxslə görüşünə icazə veriləcək”


Eyni zamanda, etiraz aksiyalarında qızışdırıcılıq mövqeyindən çıxış edən 2 nəfər saxlanılıb və onlara müvafiq ittihamlar irəli sürüb. Hazırda Rusiyanın səlahiyyətli orqanları təhqiqata başlayıb. Sizin soydaşınızın bütün prosessual hüquqları təmin olunub - onun vəkili və tərcüməçisi var. İttiham tərəfinin bütün materialları Azərbaycan dilinə tərcümə olunub. Mən əminəm ki, yaxın vaxtlarda iki ölkə arasında qüvvədə olan razılaşmalar və sənədlərə uyğun olaraq Azərbaycan səfirliyinin nümayəndələrinin saxlanılan şəxslə görüşünə icazə veriləcək. Məsələ hüquqi müstəvidədir və biz məhkəmənin qərarını gözləyirik, əminik ki, məhkəmə düzgün qərar qəbul edə biləcək”. Rusiyalı diplomat O. Zeynalovun hansı şəraitdə yaxalanmasını da şərh edib: “Əlbəttə, bu kadrlar, belə deyək ki, xoşagələn mənzərə deyil. Lakin siz başa düşməlisiniz ki, söhbət xüsusilə ağır cinayətdə şübhəli bilinən şəxsin tutulmasından gedir. O, silahlı ola bilərdi, hansı hərəkəti edəcəyini qabaqcadan bilmək qeyri-mümkün idi və əməliyyatı xüsusi təyinatlılar keçirirdi. Belə situasiyalarda dünyanın bütün ölkələrində xüsusi təyinatlılar bu cür davranır. Lakin saxlanılan şəxsin və onun vəkilinin ilkin istintaq mərhələsində polisin ifrat və yanlış hesab etdikləri davranışlarından şikayət vermək hüquqları var”. Səfir sonda hər kəsi Rusiya və Azərbaycanda millətçi tendensiyaların yayılmasının qarşısını almağa çağırıb.




 
Bölməyə aid digər xəbərlər
14.11.2018
Davamli dil siyasəti dövlətin əsas prioritet istiqaməti kimi
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq
13.11.2018
Tereza Mey: “Brexit” müzakirələri son mərhələyə çatıb
10.11.2018
ABŞ İrana qarşı hərbi əməliyyat planlaşdırmır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10472

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info