Araz Əzimov: “Monitorinq zamanı atəş açılması provokasiyaların davamıdır ”
Tarix: 21.10.2013 | Saat: 15:37:00 | E-mail | Çapa göndər


Azərbaycan xarici işlər nazirinin müavini, prezidentin Dağlıq Qarabağ münaqişəsi üzrə xüsusi nümayəndəsi Araz Əzimov jurnalistlərə açıqlamasında ATƏT-in monitorinqi zamanı təmas xəttində baş verən insidentə münasibət bildirdi. A. Əzimov atəşkəs pozuntusunun tez-tez müşahidə olunmasından və erməni tərəfinin bu cür provokasiyalar törətməsindən təəssüfləndiyini qeyd etdi: “Əvvəla, belə pozuntular təəssüf ki, heç də gözlənilməz hadisə deyil. Bu, artıq rutin praktikaya çevrilib, erməni tərəfi hər gün bu cür provokasion addımlar atır. Bu dəfə monitorinq zamanı atəş açılması və müşahidəçilərin olduğu bir vaxtda atəşkəs rejiminin pozulması da bu provokasiyaların davamıdır. Bizim buna münasibətimiz əlbəttə ki, mənfidir”.
Bununla yanaşı, diplomat onu da bildirdi ki, ATƏT-in fəaliyyətdə olan sədrinin və onun səhra köməkçilərinin fəaliyyət göstərdikləri 1997-ci ildən bəri onlardan situasiyanın dəqiq qiymətləndirməsini almaq mümkün olmayıb: “Belə bir qiymətləndirmə bir neçə il əvvəl olsa, bəlkə də bu gün heç kim monitorinq zamanı atəşkəsi pozmağa cürət etməzdi. Hörmətli Kasprşik və onun səhra köməkçiləri mənə məlum olmayan hansısa səbəbdən atəşin istiqamətini və ümumiyyətlə, dəfələrlə üzləşdikləri situasiyanı müəyyənləşdirməkdə çətinlik çəkirlər. Yəqin cəzasızlığın nəticəsi olaraq belə hallar baş verir”. A. Əzimovun sözlərinə görə, dəqiq qiymət verməkdən bu cür yayınmaq yalançı neytrallığın və qərəzsizliyin təzahürüdür: “Bununla onlar atəşkəs pozuntularının davam etməsinə şərait yaratmış olurlar”. Nazir müavini bildirdi ki, ən düzgün adım işğal altındakı ərazilərdən qoşunların çıxarılması, o ərazilərin azad edilməsi və situasiyanın normallaşdırılması üçün konkret addımların atılması olardı.

Nigar




 
Bölməyə aid digər xəbərlər
25.06.2019
Azərbaycanlı deputat AŞ PA-nı Ermənistana qarşı sərt addımlar atmağa çağırıb
25.06.2019
İcma sədri Ermənistan XİN rəhbərinə cavab verib
25.06.2019
Ali hərbi rütbələrin təqdimetmə mərasimi keçirilib
25.06.2019
Mühacirlər “ağalarının” sifarişlərini yerinə yetirirlər
25.06.2019
Müdafiə nazirindən tapşırıq: əməliyyat şəraiti ciddi nəzarətdə saxlanılacaq

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Prezidentin Sərəncamı: 160 minə yaxın müəllimin orta aylıq maaşı 605 manat oldu
3 Əli Nağıyev DTX rəisi təyin edildi
4 Heydər Əliyev və bələdiyyələr
5 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info