Səttar Mehbalıyev: “Rusiyada yaşayan azərbaycanlıların həmkarlar təşkilatını yaratmaq istəyirik”
Tarix: 22.10.2013 | Saat: 00:11:00 | E-mail | Çapa göndər


Əlaçı və həmkarlar ittifaqı fəalı olan ali məktəb tələbələrinə adlı
təqaüdlər təqdim edilib


Azərbaycan Həmkarlar İttifaqları Konfederasiyasında 2012-2013-cü tədris ilinin yay imtahan sessiyasının nəticələrinə görə əlaçı və həmkarlar ittifaqı fəalı olan ali məktəb tələbələrinə Azərbaycan Təhsil İşçiləri Azad Həmkarlar İttifaqı Respublika Komitəsinin (ATİAHİ) adlı təqaüdünün təqdim olunması mərasimi keçirilib.
Azərbaycan Həmkarlar İttifaqları Konfederasiyasının və ATİAHİ Respublika Komitəsinin sədri, Milli Məclisin deputatı Səttar Mehbalıyev ölkədə dövlət gənclər siyasətinə verilən dəstəkdən bəhs edərək bu istiqamətdə həyata keçirilən tədbirlərdən danışıb. Qeyd edilib ki, tələbələrdə elmə, təhsilə marağın artırılması məqsədilə 1995-ci ildə ATİAHİ Respublika Komitəsinin adlı təqaüdü təsis edilib. O vaxtdan bu günədək ali təhsil müəssisələrində qış və yay sessiyasının nəticələrinə görə uğur əldə etmiş 1.600 nəfərə yaxın tələbə bu təqaüddən yararlanıb.
Gəncləri savadlı, təhsilli yetişdirməyin Azərbaycan dövlətinin əsas prioritetlərindən biri olduğunu bildirən S.Mehbalıyev qeyd edib ki, bu gün 2.700 tələbə xaricdə oxuyur və onların xərcləri dövlət tərəfindən ödənilir. O, təqaüd alan tələbələrin bundan sonra da ictimai həyatda fəal iştirak edəcəklərinə inandığını bildirib. Təhsil nazirinin müşaviri İlham Pirməmmədov adlı təqaüdlərin təsis olunması və ATİAHİ-nin bu işdə təşəbbüsünü təqdirəlayiq hal kimi qiymətləndirmiş, tələbələrə uğurlar arzulayıb.
Sonra yay imtahan sessiyasının nəticələrinə görə əlaçı və həmkarlar ittifaqı fəalı olan 60 ali məktəb tələbəsinə ATİAHİ Respublika Komitəsinin adlı təqaüdü təqdim edilib.
Qeyd edək ki, Səttar Mehbalıyev jurnalistlərə açıqlamasında bildirib ki, Azərbaycanda 10 mindən artıq miqrant çalışır. Onların bir qismi neft sektorunda, ticarət və tikinti sahəsində çalışır: “Bütün dünyada miqrant problemləri var. Dünya iqtisadi böhranı səbəbindən Avropa ölkələrində iş yerlərinin sayı azalır. Böyük müəssisələr bağlanır, işsizlər ordusu yaranır. Həmin işçilər miqrant kimi ailələrini də götürüb iş dalınca müxtəlif ölkələrə gedirlər. O insanlar Azərbaycana gəlirlərsə, biz onların hüquqlarını öz işçilərimizin hüquqları kimi tanımalıyıq”. Onun sözlərinə görə, Həmkarlar İttifaqı Konfederasiyası Rusiya da daxil olmaqla, digər ölkələrdə çalışan azərbaycanlıların təşkilatını yaratmağa çalışır: “Biz bu istiqamətdə bəzi görüşlər keçirmişik. Rusiyada yaşayan azərbaycanlıların həmkarlar təşkilatını yaratmaq istəyirik ki, onlar birləşib öz hüquqlarını qoruya bilsinlər. Artıq qarşı tərəfin iştirakı ilə imzalama mərasimi keçirilib. Qərar qəbul etmişik ki, kimi sədr seçəcəklərsə, həmin şəxsin əməkhaqqı bir il, il yarım Azərbaycan Həmkarlar İttifaqı Konfederasiyası tərəfindən ödəniləcək. Diaspor təşkilatı ilə söhbətlər aparmışıq, onlar da bizim toplantıda iştirak ediblər. Hələlik nəticə əldə edə bilməmişik. Sankt-Peterburq Vilayət Həmkarları İttifaqının sədri söz verib ki, təşkilatı pulsuz ofislə təmin edəcək”. S. Mehbalıyev əlavə edib ki, Rusiyada yaşayan azərbaycanlılar öz təşkilatlarını yaradandan və qeydiyyatdan keçəndən sonra seçki hüququna malik olacaqlar: “Məsələn, bələdiyyə seçkilərində iştirak edib öz namizədlərini də irəli sürə biləcəklər. Təəssüf ki, hələlik bu işləri başa çatdırmağa nail ola bilməmişik. Səbəb bizim orda yaşayan soydaşlarımızın bir yerə toplaşa bilməməsidir. Biz bunu güclə həll edə bilmərik. Bu təşkilat yaranarsa, vətəndaşlarımızın iş hüquqlarını, əmək təhlükəsizliyi hüquqlarını qoruya biləcək”.
Qorqud




 
Bölməyə aid digər xəbərlər
21.11.2018
“Belarusa səfər Prezident İlham Əliyevin xarici siyasət istiqamətində növbəti uğurudur”
21.11.2018
Ukrayna NATO və Avropa İttifaqına üzvlüyə hər an yaxınlaşır
20.11.2018
Yeni Azərbaycan Partiyası: iqtisadi və siyasi müstəqilliyi möhkəmləndirən ideyalar məktəbi
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Davamli dil siyasəti dövlətin əsas prioritet istiqaməti kimi
2 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info