“Dostunu göstər, deyim necə adamsan”
Tarix: 23.10.2013 | Saat: 22:55:00 | E-mail | Çapa göndər


Şahin Tağıyev: “Elşad Abdullayevlə şəkil Cəmil Həsənliyə şərəf gətirməyəcək”

“Milli şura”nın hazırda əsas “qəhrəmanı” sayılan Cəmil Həsənli məsələsi ətrafında narazılıqlar və maraqlı faktlar çoxalmaqdadır. Belə narazılardan biri İsveçdə yaşayan Milli Qəhrəman Şahin Tağıyevdir. O, “Facebook” səhifəsində “milli şura”nın vahid namizədi ətrafında monopoliya” adlı yazı ilə “milli şura”ya münasibətini bildirib.
“Palitra”nın məlumatına görə, o, “milli şura”nın vahid namizədinin Avropaya 2 dəfə gəldiyini qeyd edir və tənqidlərini də bu istiqamətdə yazır: “İlk dəfə Rüstəm İbrahimbəyov gələndə Almaniyaya təşrif buyurdu, lakin Avropada yaşayan həmyerlilərimizlə görüşmədi (kiçik bir qrupla görüşdü). Emin Milli onun görüşlərini monopoliyaya aldı və guya qrafiki dolu olduğundan bizlərlə görüşməyə zaman tapa bilmədi. İkinci dəfə də Avropaya təşrif buyuran digər namizəd Cəmil bəy əsasən Fransada oldu və bu dəfə də Elnur Məcidlinin monopoliyasına düşdü. Burada yaşayan həmvətənləri ilə görüşmədi, Elşad Abdullayev xaric. Nədənsə, Elşad Abdullayevlə görüşə zaman tapıldı… Maraqlıdır ki, Cəmil bəy nəyə görəsə, Avropada yaşayan həmyerlilərimizdən “gizlədilir”. Məgər bir neçə saatını ayırıb, yerli azərbaycanlılarla bir kiçik görüş təşkil etmək olmazdımı? Bir neçə gündür, Cəmil bəyin Elşad bəylə şəkli internetdə dolaşır. Bu şəklin ərsəyə gəlməsində əməyi olan Elnur Məcidli bu görüşü təşkil edib, fotonu çəkəndə niyə düşünmədi ki, Avropada yaşayan azərbaycanlı təkcə Elnur Məcidli və Elşad Abdullayev deyil? Bəs bu qədər çoxsaylı bizlər?! Elnur Məcidli bu şəkli tarixləşdirəndə təbii, öz “maliyyə mənbəyini” reklam edir, amma Cəmil bəyin reputasiyası onun üçün önəmli deyil. Cəmil Həsənli Elşad Abdullayevlə şəkil çəkdirəndə düşünməli idi ki, bu şəkil ona şərəf gətirməyəcək. Mən şəxsən ona olan inamımı itirdim, deyə bilərəm. “Dostunu göstər deyim, necə adamsan” misalında olduğu kimi, azərbaycanlıların çox yaxşı tanıdığı, rüşvətxor və fırıldaqçı, şərəfsiz Elşad Abdullayevlə Cəmil Həsənlinin nə əlaqəsi ola bilərdi? Bu şəkil ona əksiklik gətirdi! Cəmil bəy belə şeyləri götür-qoy etməli idi!”
Tural Tağıyev




 
Bölməyə aid digər xəbərlər
22.08.2019
Bu qüvvələrin məqsədi Azərbaycanın imicinə xələl gətirməkdir
22.08.2019
“Allahşükür Paşazadə Azərbaycandakı tolerant mühiti beynəlxalq aləmdə tanıdır”
22.08.2019
Əliməmməd Nuriyev: “Beynəlxalq Şəffaflıq Təşkilatı dərhal və qətiyyətli şəkildə bu avantürist təşəbbüsün qarşısını almalıdır”
22.08.2019
“Din və etiqad azadlığının qorunması üçün tədbirlər görülməlidir”
21.08.2019
“Xalqımıza qarşı xarici təbliğata və təsirlərə qarşı vahid cəbhədə birləşmək vacibdir”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Azərbaycana qarşı casusluq edən 128 nəfər aşkar edilib
2 Bakıdan avtobusla Naxçıvana gedənlərə şad xəbər
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 “Stokholmda Rəssamlıq qalereyası açmaq planım var”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info