Minsk qrupu ya öz fəaliyyətində dönüş yaratmalı, ya da acizliyini etiraf etməlidir
Tarix: 11.07.2020 | Saat: 09:38:00 | E-mail | Çapa göndər


Onların diplomatik səriştəsizliyi hərbi əməliyyatların bərpasına zəmin yaradır.
Trend-in məlumatına görə, bu barədə Respublika Veteranlar Təşkilatının sədr müavini, polkovnik Cəlil Xəlilov deyib.
"Uzun illərdir ki, Qarabağ probleminin öz həllini tapmamasında təcavüzkar Ermənistanın işğalçı siyasətindən əl çəkməməsi ilə yanaşı, Minsk Qupunun passivliyinin, qətiyyətsizliyinin də mühüm rol oynadığı şübhəsizdir. Məhz bu səbəbdən də işğaldan əziyyət çəkən Azərbaycanda zaman-zaman Minsk qrupuna yönəlik tənqidi fikirlər, ciddi ittihamlar səslənir ki, bu da tamamilə başadüşüləndir" - C.Xəlilov bildirib.
O, Qarabağ probleminin uzun illərdir ki, öz həllini tapmamasına görə Minsk qrupunun üzərinə ciddi məsuliyyət düşdüyünü vurğulayıb:

“Təbii ki, Qarabağ probleminin bu günə qədər öz həllini tapmamasının əsas səbəblərindən biri də Minsk qrupunun fəaliyyətsizliyi, işğalçıya lazımi təzyiq və basqı göstərməməsidir. Halbuki, Ermənistanın işğalçı dövlət olduğu, onun Azərbaycan torpaqlarının 20%-ni hərbi təcavüz nəticəsində ələ keçirdiyi hər kəsə məlumdur və bu, BMT-nin məlum qətnamələrində də öz əksini tapıb. Lakin təəssüflər olsun ki, bu qətnamələr də Minsk qrupunun işğalçı Ermənistana beynəlxalq konvensiyaların tələbləri əsasında təzyiq göstərməsinə səbəb olmayıb.

Nə qədər qəribə olsa da, münaqişə tərəfləri arasında vasitəçilik və problemin diplomatik yolla həllini əldə etməli olan Minsk qrupu daha çox seyrçi mövqedən çıxış edir, münaqişənin həlli üçün heç bir qətiyyət sərgilmir. Belə təsürat yaranır ki, həmsdərlər problemi həll etməkdənsə, münaqişənin donmuş vəziyyətdə qalmasında maraqlıdırlar. Bu isə səbr kasası çoxdan dolan Azərbaycanı qane edə bilməz.

Xatırladım ki, bir neçə gün öncə Azərbaycan Respublikasının Prezidenti cənab İlham Əliyev də bildirdi ki, biz Minsk qrupundan daha ciddi, daha məqsədə ünvanlanmış bəyanatlar gözləyirik. Ölkə başçısı haqlı olaraq Minsk qrupunu Ermənistanın əsassız bəyanatlarına cavab verməməkdə də ittiham etdi, bunu ciddi şəkildə qınadı. Vurğuladı ki, əslində İrəvanın bu bəyanatları Minsk qrupunun formalaşdırdığı danışıqlaırn mahiyyətini alt-üst etmək deməkdir.
Minsk qrupu ya Azərbaycan tərəfinin haqlı tənqidlərindən nəticə çıxararaq öz fəaliyyətində dönüş yaratmalı, ya da öz acizliyini etiraf etməlidir. Çünki mövcud stuasiya, yaranmış vəziyyət, bu günün gerçəkliyi bunu tələb edir. Həmçinin, Minsk qrupu bilməlidir ki, əgər Qarabağ münaqişəsinin hərbi müstəvidə həlli istiqamətində hər hansı addım atılarsa, bunun da məsuliyyəti məhz onların üzərinə düşəcək. Onların diplomatik səriştəsizliyi hərbi əməliyyatların bərpasına zəmin yaradır. Başqa sözlə desək, Minsk qrupu öz yarıtmaz və nəticəsiz siyasəti ilə torpaqları işal altında qalan Azərbaycana başqa yol qoymur”.




 
Bölməyə aid digər xəbərlər
13.08.2020
Hulusi Akar: 83 milyonluq xalqımızın nəbzi Azərbaycan ilə döyünür
13.08.2020
Eldar Namazov: “Türkiyə Minsk Qrupunda öz rolunu oynamalıdır”
13.08.2020
İtalyan jurnalist: Ermənistanda totalitar rejim hökm sürür
13.08.2020
“İşğalçı Ermənistana qarşı Azərbaycanın yanındayıq”
12.08.2020
İran nüvə proqramında dəyişiklik edəcək heç bir planı qəbul etməyəcək

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
2 Azərbaycan mətbəxi: Naxçıvan bozpörtü -VİDEO
3 Azərbaycan Memarlar İttifaqı öz tarixinin intibah dövrünü yaşayır
4 Azərbaycanda böyrək transplantasiyası əməliyyatlarına yenidən başlanacaq
5 Tanınmış şair Cəlal Qurbanov: “Sənin önündə əyilirəm Xanlar əmim”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info