Azərbaycan ordusu bu gün bir daha sübut etdi ki, istənilən təxribatın qarşısını almağa qadirdir
Tarix: 12.07.2020 | Saat: 21:39:00 | E-mail | Çapa göndər


Azərbaycan ordusu bu gün bir daha sübut etdi ki, istənilən təxribatın qarşısını almağa qadirdir. Bu qarşıdurma ordumuzun gücü ilə yanaşı, Minsk qrupunun səmərəsiz fəaliyyətini də isbatlamış oldu.

Trend-in məlumatına görə, bu barədə Respublika Veteranlar Təşkilatının sədr müavini, polkovnik Cəlil Xəlilov deyib.

Məlum olduğu kimi, bu gün düşmən Azərbaycan-Ermənistan dövlət sərhədinin Tovuz istiqamətində ağır artilleriyadan istifadə etməklə təxribata cəhd edib. Azərbaycan ordusunun sayıqlığı və layiqli cavab zərbəsi nəticəsində düşmən hücumu dəf edilib, ciddi itkilərə məruz qalan işğalçı geri çəkilməyə məcbur olub.

Cəlil Xəlilov məsələ ilə bağlı maraqlı fikirlər səsləndirib:

“Bu gün Ermənistan ordusu növbəti dəfə təxribata cəhd edərək təmas xəttinin Tovuz istiqamətində hücuma keçərək Azərbaycan ordusunun mövqelərinə doğru irəliləməyə çalışıb. Lakin şanlı Azərbaycan ordusunun əks-zərbəsi nəticəsində ağır itkilərə məruz qalan düşmən geri çəkilməyə məcbur olub. Düşmən ordusunun qəfil hücumu Azərbaycan ordusu tərəfindən qətiyyətlə dəf edilib, əsgərlərimiz yenə də böyük qəhrəmanlıq və fədakarlığa imza atıb.

Düşmənin bugünkü təxribatı Azərbaycan ordusunun istənilən təxribatın qarşısını almağa, düşmənə layiqli cavab verməyə qadir olduğunu sübut etməklə yanaşı, Ermənistanın Qarabağ problemini sülh yolu ilə həll etməkdə maraqlı olmadığını, hər zaman olduğu kimi, bu gün də hərbi müstəvidə təxribatlardan imtina etmədiyini göstərir. Bu gün baş verənlər ATƏT-in Minsk qrupu həmsədrlərinin siyasi fəaliyyətinin nə qədər yarıtmaz və faydasız olduğunu da bir kəs daha təsdiq etmiş oldu.

Hesab edirəm ki, başda Minsk qrupu olmaqla, bütün beynəlxalq təşkilatlar, həmçinin dünyanın aparıcı dövlətləri Ermənistanın bu təxribatını qınamalı, təcavzükar dövlətə qarşı ciddi təzyiq və sanksiyalar tətbiq etməlidir. Bütün dünya bilməlidir ki, düşmənin təxribatları müharibənin yenidən alovlanması, fasiləsiz hərbi əməliyyatların bərpası ilə nəticələnə bilər ki, buna görə bütün məsuliyyət işğalçı Ermənistanla yanaşı, həm də baş verənlərlə bağlı uzun illərdir ki, laqeydlik sərgiləyən beynəlxalq təşkilatların üzərinə düşəcək.

Düşmənlə qarşıdurmaya gəlincə, yalnız Azərbaycan xalqı deyil, bütün dünya ictimaiyyətinə bəllidir ki, Azərbaycan ordusu düşmən ordusundan qat-qat güclüdür və qısa zamanda işğal altındakı bütün torpaqlarımızı azad etmək iqtidarındadır.

Bu gün düşmən təxribatını dəf edən zaman 2 hərbçimiz şəhid olub, 5 hərbçimiz isə yaralanıb. Mən şəhidlərimizə rəhmət, yaralı əsgərlərimizə şəfa diləyirəm.

Mən indiki həsas məqamda Azərbaycan xalqını, cəmiyətin hər bir təbəqəsini bütün inciklikləri, fikir ayrılıqlarını, umu-küsüləri bir kənara qoyaraq ali baş komandanın, prezident İlham Əliyevin ətrafında sıx birləşməyə, Azərbaycanın maraqları uğrunda bir nəfər kimi səfərbər olmağa çağırıram. Bu gün bizim belə bir birliyə hər zamankından daha çox ehtiyacımız var və inanıram ki, biz bu çətinliyin, bu sınğaın da öhdəsindən birlikdə gələcəyik.

Eşq olsun qəhrəman Azərbaycan ordusuna! Eşq olsun ali baş komandana! Eşq olsun Azərbaycan xalqına”.




 
Bölməyə aid digər xəbərlər
14.08.2020
Azərbaycan İnvestisiya Holdinqinin Müşahidə Şurasının ilk iclası keçirilib
14.08.2020
Məğlubiyyətdən doğan isterika: Ermənistandan sərsəm Gəncə bəyanatı
14.08.2020
“Daşınmaz əmlak üzərində ipoteka hüququnu təsbit edən ipoteka kağızının tərtib edilməsi Qaydası” təsdiqləndi
14.08.2020
Paşinyan BBC-nin “HARD Talk” proqramına müsahibəsində sərsəm fikirlərlə növbəti dəfə özünü biabır etdi
14.08.2020
MN: Törədiləcək təxribatlara görə bütün məsuliyyət Ermənistanın hərbi-siyasi rəhbərliyinin üzərinə düşəcək

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11586

1 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
2 Azərbaycanda böyrək transplantasiyası əməliyyatlarına yenidən başlanacaq
3 Tanınmış şair Cəlal Qurbanov: “Sənin önündə əyilirəm Xanlar əmim”
4 Sabahdan Rusiyadan Türkiyənin turizm mərkəzlərinə aviareyslər başlayır
5 Almaniyada həşəratların qorunması haqqında qanun layihəsi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info