Heç bir ərazi itkimiz olmayıb, mövqelərimiz əvvəlki qaydada dayanır
Tarix: 13.07.2020 | Saat: 14:38:00 | E-mail | Çapa göndər


Cəbhə xəttində erməni hərbi birləşmələrinin təxribatının qarşısını almaq üçün adekvat cavab tədbirləri görülüb.
Trend-in məlumatına görə, bunu jurnalistlərə açıqlamasında Müdafiə nazirliyinin Mətbuat xidmətinin rəhbəri, polkovnik Vaqif Dərgahlı deyib.

Onun sözlərinə görə, düşmən tərəfi növbəti dəfə təxribat törətmək məqsədilə mövqelərimizə hücum ediblər: "Amma həmin hücumun da qarşısı alınıb. Heç bir ərazi itkimiz olmayıb, mövqelərimiz əvvəlki qaydada dayanır və Azərbaycan Ordusunun mövqeləri hazırda durduqları yerdədir, düşmənə qarşı cəza tədbirləri həyata keçirirlər. Düşmən tərəfi təxribat nəticəsində verdikləri itkilərə cavab məqsədilə yenidən mövqelərimizi və Tovuz rayonunun Ağdam kəndini atəşə tutub. Mülki şəxslər arasında heç bir itki yoxdur".

Nazirlik rəsmisi bildirib ki, bu gün səhər saatlarında bölmələrimiz tərəfindən düşmənin dərinlikdə olan mövqeləri, dayaq məntəqələri, avtomobil texnikalarına, artilleriya qurğularına və canlı qüvvəsinə zərbələr endirilib: "Bu zərbələr nəticəsində düşmən ağır itkilər verib. Lakin həmişə olduğu kimi bu dəfə də düşmən itkilərini gizlədir".

V.Dərgahlı qeyd edib ki, cəbhə bölgəsindəki vəziyyətlə bağlı sosial şəbəkələrdə əsassız məlumat yayılır: "Azərbaycan xalqından, xüsusən də KİV nümayəndələrindən xahiş edirik ki, bu məsələ ilə bağlı yalnız rəsmi məlumatlara istinad etsinlər. Yalan məlumat yaymaq düşmən dəyirmanına su tökməkdir. Həmçinin bir qrup şəxs sosial şəbəkələrdə Azərbaycan Ordusuna dəstək məqsədilə çağırışlar ediblər. Biz anlayırıq ki, bu, vətəndaşlarımızın vətənpərvərlik hissindən irəli gəlir. Amma bildirmək istəyirik ki, Azərbaycan Ordusunun bölmələri, əsgərləri düşmənə cavab verməyə qadirdir. Bu cür məlumatlar yayıb çağırış etməyə ehtiyac yoxdur. Bu məlumatlar yalnız düşmənin maraqlarına xidmət edir. Hazırda bölgədə atəşkəsin pozulması davam edir, ara-sıra qarşılıqlı artileriya zərbələri endirilir".

Nazirlik rəsmisi bildirib ki, Tovuzla yanaşı digər istiqamətlərdə də - həm dövlət sərhəddində, həm də qoşunların təmas xəttində vəziyyət gərginliyə doğru gedir.




 
Bölməyə aid digər xəbərlər
14.08.2020
Azərbaycanla İsrailin münasibətləri möhkəm, dayanıqlı və perspektivlidir
14.08.2020
“Türkiyənin xarici siyasətinin təməlini dialoq və danışıqlar təşkil edir“
13.08.2020
Hulusi Akar: 83 milyonluq xalqımızın nəbzi Azərbaycan ilə döyünür
13.08.2020
Eldar Namazov: “Türkiyə Minsk Qrupunda öz rolunu oynamalıdır”
13.08.2020
İtalyan jurnalist: Ermənistanda totalitar rejim hökm sürür

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11586

1 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
2 Azərbaycanda böyrək transplantasiyası əməliyyatlarına yenidən başlanacaq
3 Tanınmış şair Cəlal Qurbanov: “Sənin önündə əyilirəm Xanlar əmim”
4 Sabahdan Rusiyadan Türkiyənin turizm mərkəzlərinə aviareyslər başlayır
5 Almaniyada həşəratların qorunması haqqında qanun layihəsi


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info