Rusiyada başa düşürlər ki, provokator kimi çıxış edən məhz Nikol Paşinyan rejimi olub
Tarix: 13.07.2020 | Saat: 17:31:00 | E-mail | Çapa göndər


Ermənistanın baş naziri Nikol Paşinyan özünün daxili siyasi mövqeyini möhkəmlətmək məqsədilə hökumətin yarıtmaz işindən narazı olan vətəndaşlar üçün həmrəylik nöqtəsi yaratmaqla Azərbaycan ilə sərhəddə döyüşlərə təhrik etməyi qərara alıb.

Palitranews.az AZƏRTAC-a istinadən bildirir ki, bu sözləri "Nasionalnaya oborona" jurnalının baş redaktoru İqor Korotçenko söyləyib.
O deyib: "Mənim fikrimcə, əsas məqsəd Ermənistan vətəndaşlarının diqqətini Paşinyan hökumətinin yarıtmaz siyasətindən yayındırmaq, növbəti dəfə xarici düşmən obrazı yaratmaq, beləliklə həm əhalini, həm də müxalifəti məşğul etməkdir. Yəni məqsəd xalis daxili siyasi xarakter daşıyır - Paşinyanın hakimiyyətinin ömrünü uzatmaqdır. Hazırda respublika çox güclü siyasi böhran içindədir, Paşinyanın hakimiyyətin qəsb edilməsi hərəkətlərini davam etdirməsi fonunda ona qarşı müxalifətin geniş koalisiyası formalaşır. Baş nazir üçün münasib olmayan bu vəziyyətdə ondan narazılığı Azərbaycana yönəltmək üçün hərbi provokasiyaya əl atmaq lazım gəlir".

İqor Korotçenko vurğulayıb: "İndi onun avantürası ucbatından erməni hərbi qulluqçular həlak olur, lakin Nikol Paşinyanı yalnız özünün siyasi baxımdan salamat qalması maraqlandırır. Əlbəttə, onun təbliğat aparatı indi qışqırıb-bağırır ki, bütün təqsirlər Azərbaycandadır, hərçənd koronavirusa qarşı mübarizə getdiyi bir vaxtda Azərbaycana hərbi əməliyyatlar lazım deyil. Azərbaycan dinc inkişaf hədəfini seçib və indi əsas diqqəti karantin tədbirlərinin nəticələrindən sonra iqtisadiyyatın qorunub saxlanması və bərpa edilməsi üzərində cəmləşdirib. Ermənistan isə, öz növbəsində, durğunluq vəziyyətindədir, burada epidemioloji böhran əvvəldən mövcud olan iqtisadi və siyasi problemlərə görə daha da kəskinləşir. Paşinyana belə bir provokasiya xalqın həmrəyliyinə nail olmaq və müxalifəti onu devirmək planlarından yayındırmaq üçün lazım gəlib".

Onun sözlərinə görə, Rusiya döyüş əməliyyatlarının tezliklə dayandırılmasında və vəziyyətin sabitləşməsində maraqlıdır. O vurğulayıb: "Düşünürəm ki, Rusiyanın hakimiyyət orqanları indiki vəziyyətdə mümkün olduğu dərəcədə atəşi dayandırmağa və dinc dialoqa çağıracaqlar. Bu halda Rusiyada başa düşürlər ki, provokator kimi çıxış edən məhz Nikol Paşinyan rejimi olub. Dəfələrlə belə olub: hakimiyyət dəyişib, amma Ermənistan Azərbaycan ərazilərinin 20 faizini işğal etmiş təcavüzkar ölkə olaraq qalıb. Son aylarda biz Yerevandan davakar bəyanatlar eşitmişik ki, lazım gəlsə, onlar yenidən Azərbaycana qarşı döyüş əməliyyatlarına keçməyə və hətta Azərbaycan ərazilərinin daha dörddəbir hissəsini işğal etməyə hazırdırlar. Ermənistan öz hərbi doktrinasını daha aqressiv doktrina ilə əvəz edib, indi müdafiə əvəzinə "preventiv zərbələrdən" danışırlar - və biz həmin doktrinanın müddəalarının necə reallaşdırılmasını görürük".
İqor Korotçenko sonda deyib: "Zəifləməkdə olan Nikol Paşinyan üçün müharibə göydəndüşmə fürsət olardı - bütün problemləri və uğursuzluqları müharibənin ayağına yazmaq, hakimiyyətin qəsb olunmasını davam etdirmək, öz opponentlərinə və Ermənistan Konstitusiya Məhkəməsinə əl gəzdirməyi millətin Azərbaycana qarşı mübarizə üçün sıx birləşməsi zərurəti ilə izah etmək olardı. Bu texnologiyalar hələ Üçüncü Reyx dövründən sınaqdan keçirilib".




 
Bölməyə aid digər xəbərlər
10.08.2020
“Şərqi Aralıq dənizində razılaşmanı pozan və etibarı sarsıdan Yunanıstandır“
09.08.2020
Ermənistanda faşizmin populyarlaşdırılması dövlət siyasətinin tərkib hissəsinə çevrilib
09.08.2020
Payızın sonuna qədər Əfqanıstanda 5 mindən az ABŞ hərbçisi qalacaq
08.08.2020
Karantin rejimindən hamımız yorulmuşuq, bu bir əziyyətdir
07.08.2020
Macarıstanın Baş naziri qeyri-leqal miqrantları “bioloji silah“ adlandırdı

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 İspaniyaya turist axını 70 faizdən çox azalıb
2 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
3 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
4 Gürcüstanın turizm gəlirləri 80 faiz azalacaq
5 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info