“Ermənistanın məqsədi KTMT-ni Azərbaycanla münaqişəyə cəlb etməkdir, KTMT üzvləri bu hiyləni yaxşı başa düşür“
Tarix: 13.07.2020 | Saat: 17:34:00 | E-mail | Çapa göndər



Azərbaycan-Ermənistan sərhədində baş verənlər onu göstərir ki, bu münaqişə olduqca qaynardır. Münaqişə nizamlanmayıb və hər an partlaya bilər.

Palitranews.az xəbər verir ki, bunu APA-ya müsahibəsində Rusiyanın Siyasi Tədqiqatlar İnstitutunun direktoru, tanınmış politoloq Sergey Markov bildirib.
Rusiyalı siyasi ekspert baş vermiş toqquşmanın bir sıra səbəblərinin olduğunu söyləyib: "Bu səbəblərdən biri Ermənistanda daxili siyasi və iqtisadi böhranın olmasıdır. Paşinyan hakimiyyəti verdiyi vədlərin heç birini yerinə yetirə bilməyib. Ölkədə koronavirus pandemiyası fonunda iqtisadi və siyasi vəziyyət gərginləşib. Ona görə də, hansısa yolla ictimai rəyi başqa yönə istiqamətləndirmək lazımdır. Bu, birinci səbəb. İkinci səbəb isə Ermənistanın hazırkı rəhbərliyinin Dağlıq Qarabağ münaqişəsinin Rusiya tərəfindən hazırlanan Kazan formulu əsasında nizamlanmasından qorxmasıdır. Bu formulun məğzi hər kəsə məlumdur. Burada söhbət ilkin mərhələdə Dağlıq Qarabağ ətrafında rayonların Azərbaycana qaytarılmasından və bunun qarşılığında Ermənistan və Dağlıq Qarabağın blokadasının götürülməsindən və Qarabağın yekun statusunun müzakirə olunmasından gedir. Ermənistan rəhbərliyi bu formulu imzalamaqdan qorxur. Ona görə qorxur ki, ölkədəki radikal qüvvələrin təzyiqi ilə qarşılaşacağını bilir. Bu şərtlərdə Ermənistana kiçik hərbi əməliyyatlara başlamaq sərf edir. Ona görə sərf edir ki, beynəlxalq vasitəçilər əllərini masaya çırparaq Ermənistanı hədələsinlər, Paşinyan da əhalisinə beynəlxalq təzyiq nəticəsində güzəştə getməli olduqlarını göstərsin".

S. Markov Ermənistanın Azərbaycanla sərhəddə təxribat törətməkdə əsas məqsədinin isə Kollektiv Təhlükəsizlik Müqaviləsi Təşkilatını münaqişəyə cəlb etmək olduğunu vurğulayıb. Rusiyalı siyasi ekspert hərbi əməliyyatlar davam edəcəyi təqdirdə KTMT-nin hansı mövqedən çıxış edə biləcəyinə də aydınlıq gətirib: "KTMT hər zaman öz mövqeyini dəqiq ortalığa qoyub. KTMT Dağlıq Qarabağı Ermənistan ərazisi hesab etmir. Ona görə də Dağlıq Qarabağ ərazisində hərbi əməliyyatlar başlayacağı təqdirdə bu təşkilat tamamilə neytral mövqe sərgiləyəcək. KTMT Dağlıq Qarabağ münaqişəsinə müdaxilə etməyəcək. Ona görə də düşünürəm ki, Azərbaycanla Ermənistan arasında sərhəddə hərbi toqquşma çox davam etməyəcək. Çünki Azərbaycan bunda maraqlı deyil. Bu, Ermənistanın təşəbbüsüdür. Ermənistanın Azərbaycanla sərhəddə hərbi əməliyyatlara başlamaqda məqsədi Kollektiv Təhlükəsizlik Müqaviləsini bu münaqişəyə cəlb etməkdir. Lakin KTMT və bu təşkilata üzv dövlətlər çox yaxşı başa düşür ki, Ermənistan tərəfi hiyləgərlik edir. Hesab edirəm ki, Azərbaycan Ermənistanla sərhəddə ermənilərin təxribatına atəşlə cavab versə belə, KTMT buna müdaxilə etməyəcək. Çünki KTMT-yə üzv dövlətlər Ermənistanın hiyləsini yaxşı başa düşürlər".




 
Bölməyə aid digər xəbərlər
10.08.2020
“Şərqi Aralıq dənizində razılaşmanı pozan və etibarı sarsıdan Yunanıstandır“
09.08.2020
Ermənistanda faşizmin populyarlaşdırılması dövlət siyasətinin tərkib hissəsinə çevrilib
09.08.2020
Payızın sonuna qədər Əfqanıstanda 5 mindən az ABŞ hərbçisi qalacaq
08.08.2020
Karantin rejimindən hamımız yorulmuşuq, bu bir əziyyətdir
07.08.2020
Macarıstanın Baş naziri qeyri-leqal miqrantları “bioloji silah“ adlandırdı

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11585

1 İspaniyaya turist axını 70 faizdən çox azalıb
2 Dr. Səttar Yaqubov: Koronovirusla mübarizə aparan Mərkəzi Gömrük Hospitalının tibb personalının sağlamlığının qorunması bizim əsas vəzifə borcumuzdur
3 Statistika sahəsində hesabatlılığın səmərəliliyi artacaq, məlumatlardan istifadə imkanları sadələşəcək
4 Gürcüstanın turizm gəlirləri 80 faiz azalacaq
5 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info