Görkəmli muğam ustaları universitetdə
Tarix: 24.10.2013 | Saat: 19:02:00 | E-mail | Çapa göndər


Məlum olduğu kimi, Heydər Əliyev Fondunun, Azərbaycan Mədəniyyəti Fondunun və Azərbaycan Televiziyasının dəstəyi ilə IV Muğam televiziya müsabiqəsinin növbəti seçim mərhələsi Naxçıvan şəhərində keçirilir. Müsabiqənin münsiflər heyətinin üzvləri, Azərbaycan Respublikasının Xalq artistləri Arif Babayev, Ağaxan Abdullayev, Səkinə İsmayılova, Mənsum İbrahimov və Azərbaycan Bəstəkarlar İttifaqının katibi, əməkdar incəsənət xadimi Sərdar Fərəcov səfər çərçivəsində Naxçıvan Dövlət Universitetində də olublar.
Naxçıvan Dövlət Universitetinin rektoru, professor Saleh Məhərrəmov qonaqları salamlayaraq son illərdə Azərbaycan incəsənətinin, xalq musiqisinin, xüsusilə də dünya incəsənətinin nadir inciləri sayıla biləcək muğamlarımızın təbliğinə göstərilən dövlət qayğısından danışıb. Rektor vurğuladı ki, Ali Məclisin Sədri Vasif Talıbovun başçılığı ilə muxtar respublikada fitri istedadlara xüsusi himayə və qayğı göstərilir, onlara geniş meydan verilir. Muğam sənətinin, milli musiqinin inkişafına göstərilən dövlət qayğısı, bu cür müsabiqələrin keçirilməsi Naxçıvan Dövlət Universiteti kimi ali musiqi təhsili verən bir elm ocağının fəaliyyət göstərdiyi muxtar respublikada sənətkarlıq məktəbinin formalaşmasına öz töhfələrini verəcək. Xalq artistləri Arif Babayev, Ağaxan Abdullayev çıxış edərək Prezident İlham Əliyevin, Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri, millət vəkili Mehriban Əliyevanın az qala unudulmaqda olan muğam sənətinin, xalq musiqimizin bütün dünyaya tanıdılması, yenidən tərəqqi etdirilməsindəki xidmətlərindən, gənclərdə milli musiqiyə böyük sevgi yaranmasından danışdılar. İncəsənət fakültəsinin müəllim və tələbələrinin hazırladıqları mini konsert proqramında Azərbaycan və dünya bəstəkarlarının əsərləri səsləndirildi. Sonra İncəsənət fakültəsinin tələbələri muğamlarımızı ifa etdilər. Tanınmış muğam ustaları bu qədim sənətin sirləri, muğam ifaçılığında tələb olunan peşəkarlıq, səhnə mədəniyyəti ilə bağlı gənc ifaçılara dəyərli tövsiyələr verdilər. Azərbaycanın tanınmış sənətkarları universitetlə tanış oldular. Çay süfrəsi arxasında davam edən səmimi görüşdə milli musiqimizin bugünkü səviyyəsi, musiqi tədrisinin gələcək inkişaf istiqamətləri ilə bağlı məsələlər müzakirə olundu.

Mehriban SULTAN
NDU-nun Mətbuat şöbəsinin müdiri









 
Bölməyə aid digər xəbərlər
18.07.2019
Pomidorun qiyməti bir həftəyə ucuzlaşacaq
18.07.2019
EKVİTA şirkətinin dəstəyi ilə Dövlət Gömrük Komitəsinin Azərbaycan-Fransa və Azərbaycan-İtaliya Ticarət Palataları ilə görüşü keçirilib
18.07.2019
İqtisadiyyat nazirinin müavinləri vətəndaşları qəbul edəcəklər
18.07.2019
Zaqatalada daha bir yem emalı müəssisəsi fəaliyyətə başladı
18.07.2019
“Azeri Light”ın bir barreli 66,17 dollara satılır

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10831

1 “4-cü qrupa hazırlaşan hər bir abituriyentin arzusu həkim olmaqdır”
2 Mehriban Əliyeva Yalçın Rzazadə ilə bağlı tapşırıq verdi
3 Dünya brendi olmağı hədəfləyən azərbaycanlı gənc
4 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info