“Milli şura” dağılır
Tarix: 25.10.2013 | Saat: 00:36:00 | E-mail | Çapa göndər


Lalə Şövkətin adamları da qurumu tərk etdi
Müsavat Partiyasının qərargahında “milli şura”nın növbəti sessiyası keçirilib. Sessiyanın gündəliyinə seçkilərin nəticələri və təşkilati məsələlər daxil edilsə də, toplantı daha çox qalmaqallarla yadda qalıb. “Palitra”nın məlumatına görə, təşkilati məsələlərdə yaxın günlərdə qurumdan istefa verənlərin məsələsinə baxılıb. Sessiya başlayan anda ALP sədri Əvəz Temirxan Lalə Şövkətin “milli şura”dan istefa verməsi məsələsinin gündəliyə salınması və müzakirə olunmamasını tələb edib.
Ə.Temirxan Lalə Şövkətin adının çəkilməsini istəməyib: “Lalə Şövkətin adı çəkilməsin. Mən onun istefa verməsi səbəblərini burada açıqlamayacağam. Belə olan halda biz nə bu müzakirələrdə iştirak edəcəyik, nə də bu fəaliyyətdə yer alacağıq”.
“Milli şura”nın prezidentliyə keçmiş vahid namizədi Cəmil Həsənli isə bu təklifi qəbul etməyib. Əvəz Temirxanın bu təklifi “milli şura”nın digər üzvləri tərəfindən də narazılıqla qarşılanıb. Onlar hətta Əvəz Temirxanın ünvanına sərt ifadələr səsləndiriblər. Əvəz Temirxan müzakirələrin keçiriləcəyi təqdirdə ad çəkiməməsi kimi anormal təklifi də irəli sürüb. Lakin onun bu təklifi də narazılıqla qarşılanıb. C.Həsənli istefa verən üzvlərin məsələsinə baxılmalı olduğunu, istefa verənlərin hansı səbəbdən istefa verməsinin müzakirə olunmayacağını deyib.
Əvəz Temirxan daha sonra “milli şura”nın demokratiya məqsədi ilə yaradıldığı halda daxili düşmənçiliklərin yaşandığını deyib. Bunun səbəbinin isə Lalə Şövkətin istefası ilə bağlı olduğunu söyləyib.
Sərt tənqidlərə məruz qalan Əvət Temirxan bundan sonra “milli şura”da fəaliyyət göstərməyəcəklərini deyərək sessiyanı tərk edib. Bundan sonra İsa Qəmbər kinayə ilə yerlərinin genişləndiyini deyib.
Lalə Şövkət, Asəf Quliyev, İlham Hüseyn, Zəminə Dünyamalıyeva, Solmaz Ələsgərova, Mövsüm Səmədov və İslam Partiyasının daha bir üzvünün “milli şura” sıralarından çıxarılmasının səsverməyə qoyulması təklif edilib.
Sessiya gərgin şəkildə davam edib və adıçəkilən şəxslərlə yanaşı Akif Şahbazov və Gülnarə Qurbanova da “milli şura”dan çıxarılıb. Bu qərar səsvermədən sonra qəbul edilib.
O da bildirilir ki, “milli şura”nın Nizam-intizam Komissiyası qurumun yarandığı ilk gündən etibarən sessiyalarda iştirak etməyənlərin siyahısını hazırlayacaq və onlar da növbəti sessiyada qurumdan qovulacaq.
Böyük ehtimalla gələn sessiyada da Rəsul Quliyevin qurumdan çıxarılması məsələsi səsverməyə təklif ediləcək.
Tural




 
Bölməyə aid digər xəbərlər
16.11.2018
Ermənistan yaxın zamanlarda KTMT-də tamamilə təklənəcək
16.11.2018
Rəsmi Paris Azərbaycanın işğal olunmuş ərazilərindən Fransaya qanunsuz səfərlərin qarşısını almalıdır
16.11.2018
Razılaşmanın düzgün və milli mənafelərə uyğun olduğunu düşünürəm
15.11.2018
Çavuşoğlu: “Star” neft emalı zavodu ilə Azərbaycan Türkiyədə ən böyük investor oldu”
15.11.2018
Bu gün Azərbaycan elminin əsas problemi – alimlərin məvaciblərinin aşağı olmasıdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info