Rəsul Quliyev: “Xalq müxalifətə inanmır və öz gələcəyini onlara bağlamaq fikrində deyil”
Tarix: 28.10.2013 | Saat: 14:26:00 | E-mail | Çapa göndər


“Milli Şuranın mitinqi bir daha göstərdi ki, xalq müxalifətə inanmayacaq”. “Palitra”nın məlumatına görə, bu fikirləri eks-spiker Rəsul Quliyev “milli şura”nın keçirdiyi son uğursuz mitinqi qiymətləndirərkən bildirib.
R.Quliyev sosial şəbəkələrdə açdığı müzakirədə müxalifət liderlərini ələ salaraq, onların siyasətdən kənar insanlar olduqlarını deyib: “Son mitinq bir daha göstərdi ki, xalq müxalifətə inanmır və öz gələcəyini onlara bağlamaq fikrində deyil. Mitinqdəki çıxışlar göstərdi ki, müxalifət liderləri real siyasətçilər yox, özləri kimi şüar deyənlər hazırlayırlar. “Milli şura” deyilən təşkilat zəifləmiş İctimai Palata, üstəgəl Cəmil Həsənlidən ibarətdir. Müxalifətin xalqa deməyə sözü yoxdur, 2 saatlıq mitinq 55 dəqiqə çəkdi. Bundan əvvəlki mitinqdə camaatın dağılıb getməsi qorxusundan 1 saat 15 dəqiqəyə qurtarmışdı. İndi bunu hava şəraiti ilə əlaqələndirəcəklər. Çox şeyi sadalamaq olar, ancaq bir şey gün kimi aydındır. “Milli şura” deyilən qurum ya real müqavimət planı hazırlayıb xalqın müzakirəsinə verməli, ya da camaatı çaşdıran əməllərdən çəkinməlidir”.
ACP-nin sabiq lideri nəinki mitinq məsələsində, ümumilikdə “milli şura”nın fəaliyyəti ilə bağlı olan digər məsələlərdə də uğursuz olduğunu deyərək, bu birliyin bostanına daş atıb. “Milli şura”dan çıxarılmasını özünə sığışdırmayan eks-spiker müxalifət liderlərini əxlaqlı olmağa çağırıb:“Mənim “milli şura”ya təklifim indikindən də ağır məğlubiyyətə istər könüllü, istərsə də vəziyyəti anlamadam düşməmək, gedəcək proseslərin qarşısını almaq üçün planın, proqramın hazırlanmasına təcili başlamaq təklifi idi. “Milli şura” Cəmil müəllimi sədr, Rüstəm İbrahimbəyovu fəxri sədr seçmək, məni üzvlükdən azad etmək məsələsinin bu gün Azərbaycan üçün daha önəmli məsələ olduğunu nəzərə alaraq, onları müzakirəyə başladı.
Dərindən heç nəyi analiz etməyən və ya etməyi bacarmayan bəzi “milli şura” liderləri kimlərinsə vasitəsilə guya mənim bu hakimiyyəti dəstəklədiyim barədə rəvayətlər uydururlar, həmişəki kimi. Əslində isə apardıqları siyasət bundan sonra hakimiyyətin qat-qat güclənməsinə gətirib çıxaracaq.
Əgər “milli şura” üzvü könüllü üzvlükdən imtina edib, istefa veribsə necə bu məsələ müzakirə edilə və qərar çıxarıla bilər, bu absurddur. İstefa verən barədə “milli şura”dan filankəsi çıxartdıq” demək, yazmaq ayıbdır, heç olmasa elementar qayda-qanunlara əməl etməyi özünüzə aşılamağa cəhd edin”-deyə R.Quliyev hiddətlənib.
Tural




 
Bölməyə aid digər xəbərlər
18.01.2019
Bu cür ikili standartlar Avropa Parlamenti daxilindəki qüvvələrin növbəti anti-Azərbaycan cəhdidir
18.01.2019
İstanbulda Qanlı Yanvar faciəsinin ildönümü qeyd edilib
18.01.2019
BMT-nin Baş katibi Azərbaycan və Ermənistan XİN rəhbərlərinin əhalinin sülhə hazırlanması ilə bağlı əldə etdiyi razılaşmanı alqışlayır
17.01.2019
Sosial şəbəkələrdə müxalifətin çağırışlarına maraq yoxdur
17.01.2019
Rusiya-Türkiyə-Azərbaycan əməkdaşlıq formatı: dünyanın enerji xəritəsində yeni hadisə

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info