“El Pais”: “ABŞ İspaniyada bir ayda 60 milyon telefon danışığını dinləyib”
Tarix: 28.10.2013 | Saat: 17:01:00 | E-mail | Çapa göndər


ABŞ Milli Təhlükəsizlik Agentliyi İspaniyada 10 dekabr 2012-ci ildən bu ilin yanvarına qədər 60 milyon telefon zəngini izləyib. Bu barədə İspaniyanın “El Pais” qəzetinin adı çəkilməyən jurnalistlər tərəfindən hazırlanmış məqaləsində bildirilir. Qeyd edilir ki, alınmış informasiya zənglərin tərkibi ilə bağlı olmayıb: “Amma zəng edənlərin və zəng olunanların nömrəsi, onların yerləşdiyi yer, danışıq müddəti və telefonların seriya nömrəsi qeyd edilib”. Qeyd edək ki, “El Pais”in bu yazısı “The Guardian”ın keçmiş jurnalisti, blogger Qlenn Qrinvaldın məlumatlarına əsaslanır. Qəzet yazır ki, Qrinvaldın ABŞ kəşfiyyatçısı olmuş Snoudenin yaydığı məxfi məlumatlara və sənədlərə çıxışı olub. Bununla eyni zamanda, Qrinvald öz informasiyasını açıqlayan kimi, İspaniya hökumətinin başçısı Raxoy ABŞ-ın Madriddəki səfirini bu məsələyə aydınlıq gətirməyə çağırıb. Buna əsas isə həm də daha əvvəl “El Pais”də dərc olunmuş ABŞ Milli Təhlükəsizlik Agentliyinə casusluq ehtimalı ilə bağlı məlumat olub. Məqalədə qeyd edilir: “Bizim qəzet yazıb ki, amerikan agentliyi ispan vətəndaşlarının milyonlarla telefon zənglərini, SMS və elektron məktublarını izləyib, bu vətəndaşların arasında ispan siyasətçiləri və hökumət nümayəndələri də olub”.
Qəzet ehtimal edir ki, ispan hökuməti bu məsələyə sərt reaksiyanın qalmaqala çevrilıməsindən ehtiyatlanır, çünki ispan xüsusi xidmət orqanları ilə amerikan müvafiq qurumlarının əməkdaşlığına xələl gələcəyindən çəkinir.
Bu məsələ ilə bağlı olaraq qeyd edək ki, İspaniyada zənglərin və yazışmaların tutulması və zənglər barədə məlumatlara məhkəmənin sanskiyası olmadan çıxış cinayət sayılır. Qəzet bu barədə belə qeyd edir: “Qrinvald tərəfindən səsləndirilmiş və “El Mundo”da açıqlanmış məlumatlar isə bu kütləvi casusluğun miqyasını və gücünü göstərir”.
Nəşr Madridi ABŞ Milli Təhlükəsizlik Agentliyinin Mərkəzi Kəşfiyyat İdarəsi ilə əməkdaşlıq şəraitində dünyanı izlədiyi 80 dünya ölkəsindən biri kimi qeyd edir. Qəzet onu da bildirir ki, 2001-ci ildə İspaniya və ABŞ bask təşkilatlarından olan terroristlərlə və cihadçı təşkilatlarla mübarizədə sıx əməkdaşlıq ediblər.

İlkin AĞAYEV




 
Bölməyə aid digər xəbərlər
22.02.2019
Hindistanda donuz qripi sürətlə yayılır
22.02.2019
ABŞ-da yeni qırıcı təyyarə təqdim edilib
22.02.2019
Nigeriyada silahlı toqquşmalar zamanı 66 nəfər həlak olub
21.02.2019
Baltik ölkələrində yeni bank qalmaqalı yaşanır
21.02.2019
Nazarbayev hökuməti istefaya göndərib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 Əsərləri dünyanın bütün elektron kitabxanalarında yer alan azərbaycanlı yazar
4 ABŞ-da atışma: xəsarət alanlar var
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info