COVİD-19 xəstələrinin müalicəsi ilə məşğul olan xəstəxanaların əməkdaşları həyat sığortası ilə təmin edilməlidir
Tarix: 05.08.2020 | Saat: 09:58:00 | E-mail | Çapa göndər


COVİD-19 xəstələrinin müalicəsi ilə bilavasitə məşğul olan tibb mərkəzlərinin əməkdaşları dövlət hesabına həyat sığortası ilə təmin edilməlidir.

Bunu Trend-ə Azərbaycan Tibb Universitetinin dosenti Fuad İslamzadə deyib.

Onun sözlərinə görə, COVİD-19-dan ölüm hallarının sayı ölkədə ümumi ölümlərin sayına təsir edə bilməyəcək dərəcədə azdır:
“Amma gəlin nəzərə alaq ki, bu xəstəlik əmək qabiliyyətinə malik olan, himayəsində azyaşlı uşaqları olan insanların dünyadan köçməsinə səbəb olduğuna görə xüsusilə acınacaqlı nəticələr verir. Bu baxımdan tibb işçilərimizin ən böyük risk qrupuna daxil olduğunu nəzərə almamaq mümkün deyil. Bu gün ölkəmizin fədakar tibb işçilərinin böyük bir qrupu bilavasitə virus adlanan gözəgörünməz düşmənlə mübarizənin ön cəbhəsində - COVİD-19-un müalicəsi üzrə ixtisaslaşdırılmış xəstəxanalarda çalışır. Qeyd edim ki, poliklinika, ambulatoriya və təcili tibbi yardım sahələrində çalışan tibb işçilərinin də yoluxma riski xeyli yüksəkdir. Çünki çox vaxt onların qarşılaşdıqları xəstədə hansı xəstəlik olduğu haqda əvvəlcədən məlumatları olmur”.

Dosentin sözlərinə görə, tibb işçiləri çox vaxt xəstəliyi daha ağır keçirirlər ki, bu da xəstə ilə çox yaxın təmas nəticəsində tibb işçisinin orqanizminə eyni vaxtda daha çox virusun daxil olması ilə əlaqədardır:

“Məlumdur ki, sözügedən xəstəliyin ağırlıq dərəcəsi ilə xəstənin məruz qaldığı ilkin virus yükünün miqdarı arasında bilavasitə asılılıq var. Məhz buna görə də COVİD-19 xəstəliyi nəticəsində adi insanlar arasında olduğuna nisbətən tibb işçiləri arasında ölüm hallarının nisbi sıxlığı dəfələrlə artıqdır”.

Mütəxəssis təklif edir ki, qeyd edilənləri nəzərə alaraq, iş şəraitində yoluxub həyatını itirən həkimlərin ailələrinə kompensasiya ödənilməli və onların azyaşlı övladlarının maddi təminatı ödənilməlidir. COVID-19-la mübarizə aparan tibb işçilərinin əməkhaqqının artırılması haqqında qərar poliklinika və təcili tibbi yardım stansiyaları əməkdaşlarına da şamil edilməlidir.




 
Bölməyə aid digər xəbərlər
24.09.2020
David Zalkaliani: Azərbaycan ilə Gürcüstan arasındakı strateji tərəfdaşlıq münasibətləri uğurla inkişaf edir
23.09.2020
Nazirlər Kabineti büdcə məsələlərini müzakirə edib
23.09.2020
Ceyhun Bayramov: Ermənistan silahlı qüvvələri iyul ayında Azərbaycanın mühüm enerji və nəqliyyat infrastrukturunu hədəf alıb
23.09.2020
Ermənilər sosial şəbəkələrdə saxta profillərlə kəşfiyyat-təxribat fəaliyyəti aparırlar
23.09.2020
AZAL Ankara və Antalya şəhərlərinə xüsusi reyslər həyata keçirməyə başlayır

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11602

1 Ətli dovğa
2 Kolumbiyada hindular ispan konkistadorun heykəlini uçurub
3 Azərbaycanda qeyri-maddi mədəni irsin qorunması ilə bağlı qanun layihəsi hazırlana bilər
4 Tural Gəncəliyev: Ermənistan parlamentində müzakirə olunan “Soyqırımı məsələləri haqqında” qanun layihəsi dünya ictimaiyyətini aldatmağa yönəlib
5 Bu il 947 nәfәr daimi yaşamaq üçün Azәrbaycana gəlib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info