Rusiyalı tarixçı ermənilərin sifarişi ilə yazılan kitabı ifşa etdi
Tarix: 29.10.2013 | Saat: 15:11:00 | E-mail | Çapa göndər


Oleq Kuznetsov: “Bir il öncə Stanislav Tarasovun ermənilərin sifarişi ilə yazdığı "Dağlıq Qarabağ haqqında miflər" kitabı rus tarixşünaslığına qara ləkədir”

Moskvada rusiyalı tarixçi Oleq Kuznetsovun “Qarabağ münaqişəsinin “mifləri” haqqında həqiqət” kitabının təqdimat mərasimi keçirilib. Məlumata görə, “Arqumenti i faktı” qəzetinin redaksiyasında keçirilən mərasimdə Rusiya və Azərbaycan ictimaiyyətinin nümayəndələri, tarixçilər və politoloqlar iştirak edib.
Elmi-tarixi əsərin müəllifi, tarix elmləri namizədi Oleq Kuznetsov kitabın rusiyalı politoloq-tarixçi Stanislav Tarasovun Ermənistan-Azərbaycan münaqişəsi haqqında yazdığı “Dağlıq Qarabağ haqqında miflər” kitabına cavab olduğunu deyib. Oleq Kuznetsov “Tarasovun mifləri” adlandırdığı çap məhsulunun erməni sifarişi olduğunu bir sıra faktlarla sübut edib.
Müəllif bildirib ki, “Qarabağ münaqişəsinin “mifləri” haqqında həqiqət” kitabı saxtakarlığa və qərəzə cavabdır: “Hesab edirəm ki, bir il öncə ermənilərin sifarişi ilə Stanislav Tarasovun yazdığı “Dağlıq Qarabağ haqqında miflər” kitabı rus tarixşünaslığına qara ləkədir. Ermənilərin sifarişini yerinə yetirməklə Tarasov kimi pulla satın alınan müəlliflər tarix elmində öz qədim ənənələri və metodologiyası olan rus tarixşünaslığının imicinə zərbə vurub.
Tarasov kimi müəlliflər arxiv sənədlərini, tarixi faktları sifarişçilərinə sərf etdikləri formada təhrif edib kitab yazır. Rus tarixşünaslığında yer almış bu biabırçılıq məni bu haqda kitab yazmağa məcbur etdi. Odur ki, mənim yazdığım cavab kitabı əslində Ermənistan-Azərbaycan, Dağlıq Qarabağ münaqişəsi haqda deyil, rus tarixşünaslığının bir sıra təmsilçilərinin mənəvi düşkünlüyündən bəhs edən, siyasi konyuktura naminə, öz şəxsi maddi maraqları naminə rus tarixşünaslığını zərbə altına qoyanlardan bəhs edən hüquqi tarixi əsərdir. Konkret desək, bu əsər Stanislav Tarasovun öz mənfəəti naminə Rusiyanin xarici siyasətini təhrif etmiş çap məmulatına cavabdır”. Rusiyalı tarixçi Tarasovun kitabını sifariş adlandırmaqda bir sıra arqumentlərə də istinad edib: “Birincisi, kitabı Tarasova yazdıran təşkilat “Rus-Erməni əməkdaşlığı” təşkilatıdır ki, bu təşkilat Ermənistanın “Daşnaksütyun” partiyasının Rusiyadakı təmsilçisidir. Rusiya federal qanunvericiliyinə görə, hər hansı bir xarici dövlətin partiyasının Rusiya ərazisində nümayəndəliyi fəaliyyət göstərə bilməz. Belə ki, qanunvericilikdə xarici dövlətin partiyasının təmsilçiliyi əcnəbi agent sayılır və belə təşkilatın fəaliyyəti cinayətdir. “Rus-Erməni əməkdaşlığı” təşkilatı isə artıq 20 ildir ki, fəaliyyət göstərir. Deməli, bu kitabı yazmaq artıq əcnəbi dövlətin milli maraqlarına sərf edən təbliğatla məşğul olmaq və Rusiya xarici siyasətində problemlər yaratmaq deməkdir. Nəticə isə göz qabağındadır. Erməni “Daşnaksütyun” partiyasının diktəsi ilə rus tarixşünaslığında saxtakarlığa, qərəzə və yalana yol verilir”.
O. Kuznetsov “Rus-Erməni əməkdaşlığı” təşkilatının fəaliyyətinin dayandırılması üçün hüquq-mühafizə orqanlarının məlumatlandırılmasının vacib olduğunu da söyləyib: “Bu barədə müvafiq tədbirlər görülməlidir. Mətbuat bu haqda yazmalıdır ki, müvafiq orqanlar “Rus-Erməni əməkdaşlığı” təşkilatının gerçək fəaliyyətindən xəbər tutsunlar”. O.Kuznetsov S.Tarasovun öz kitabında təhrif etdiyi arxiv sənədlərini də təqdim edib. O, bu sənədlərin Rusiya dövlət sosial-siyasi tarixi arxivindən (RQASPİ) tapıldığını söyləyib: “Tarasovun bir il bundan qabaq “Regnum” agentliyində yazdığı yazılarda heç bir yeni fakt yoxdur. Onun yazdığı silsilə məqalələr erməni müəllif Yuri Barseqovun “Qenoüid armən. Otvetstvennostğ Turüii i obəzatelğstva mirovoqo soobhestva” əsərindən köçürülüb. Həmin yazılarda Tarasov Dağlıq Qarabağın guya Ermənistana aid olduğunu, Stalin tərəfindən Azərbaycana verildiyini “faktlar”la sübut etməyə çalışıb.
Rusiya dövlət sosial-siyasi tarixi arxivindən tapılan sənədlərin orijinalından çıxarılan surətlər sübut edir ki, Tarasov arxiv sənədlərindən nəinki cümlə, hətta 1-2 səhifəni çıxartmaqla yalan yazıb. Bu sənəd 1921-ci ilin 15 aprel tarixində Ermənistan SSR-nin xarici işlər kommisarı Poqos Makinzyan tərəfindən SSRİ rəhbərliyinə göndərilən məktubdur. Həmin diplomatik sənəddən yazdığı kitabda istifadə etdiyini söyləyən Tarasov nədənsə Ermənistan SSR-nin xarici işlər kommisarının 1918-ci ilin martında Azərbaycanda törətdikləri soyqırımı etiraf etməsi faktına toxunmur. Bu və digər faktlar onu göstərir ki, Tarasov nəinki tarixi, hətta diplomatik sənəddəki faktları saxtalaşdırıb. Bu hərəkət rus tarixşünaslığına yaraşmayan qara ləkədir”. Təqdimat mərasimində çıxış edən, keşmiş diplomat, Azərbaycanın BMT-dəki keçmiş səfiri Eldar Quliyev bildirib ki, Stanislav Tarasovun diplomatik sənəddə əks olunan tarixi faktları saxtalaşdırmasına müvafiq orqanlar tərəfindən hüquqi qiymət verilməlidir. Yazıçı Çingiz Hüseynov isə bildirib ki, “Qarabağ münaqişəsinin “mifləri” haqqında həqiqət” kitabının müəllifi Oleq Kuznetsov bu əsəri yazmaqla rus tarixşünaslığının şərəfini qoruyub: ”Təəssüflər olsun ki, rus tarix elmi erməni ideologiyasının təsiri altına düşüb. Bir qrup erməni avantüristi Dağlıq Qarabağ münaqişəsini yaratmaqla, bütün erməni xalqını uçuruma aparıb. Oleq Kuznetsova bir alim kimi ona görə minnətdaram ki, o, rus tarixşünaslığının şərəfini qoruyub”. Qeyd edək ki, 2012-ci ilin iyul ayında “Arqumenti i faktı” qəzetinin redaksiyasında Stanislav Tarasovun “Dağlıq Qarabağ haqqında miflər” kitabının təqdimat mərasimi keçirilib. O zaman azərbaycanlı jurnalistlərin iştirakından xəbər tutan ermənilər mətbuata sual verməyə icazə verməmişdilər. Opponentlerindən fərqli olaraq Oleq Kuzentsov isə kitabının təqdimat mərasimində ermənilərə fikirlərini bildirmək üçün tam şərait yaradıb. Tarixçi ermənilərin təxribat xarakterli suallarını peşəkarcasına cavablandırıb. Qondarma “erməni soyqırımı” ilə bağlı suala cavab verən O. Kuznetsov bildirib ki, 1915-ci ilin aprelin 24-də baş verən hadisə hərbi nöqteyi-nəzərdən arxa cəbhənin müdafiəsinə yönəlmiş əməliyyat olub: “Bu kimi əməliyyatı II Dünya müharibəsində bolşeviklər Qazaxıstan və Sibirə 26-ya yaxın xalqı deportasiya etməklə həyata keçiriblər. Bəs nəyə görə bolşeviklərin bu əməliyyatına soyqırım deyilmir?! Məgər fransızlar I Dünya müharibəsində Elzas bölgəsindən almanları normal şəraitdə deportasiya etmişdilər? Niyə bu əməliyyat soyqırım adlanmasin? Türklər heç bir xalqın kökünü kəsmək naminə öz ölkəkərindən deportasiya etməyib. Odur ki, üsyankar erməniləri tərkisilah edib Mesopotamiya, Ərəbistan səhrasına deportasiya etməklə, türklər heç də çərçivədən kənara çıxmayıb. Bunu mən xalqı qırmağa yönəlmiş siyasət yox, qələbəni təmin edən əməliyyat adlandırardım. Bir də ki, müharibənin yazılmamış qanunu belə səslənir: kimlərinsə faciəsi qələbə qazanıldığı halda sağ qalmışların triumfu ilə nəticələnir. Türklərin deportasiya siyasəti düzgün olub”.

Tural




 
Bölməyə aid digər xəbərlər
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir
18.09.2018
Prezident: Bir neçə gün əvvəl əsgərlərimiz düşmənə elə dərs veriblər ki, çətin ki yaxın günlərdə özünə gəlsin
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib
18.09.2018
Ağsuda dini ayinlərin qanunazidd icrası faktı aşkarlanıb
18.09.2018
Aeroportda mülki pilotsuz aparatların uçuşlarına Vahid Nəzarət Mərkəzi yaradılır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info