Zəminə Dünyamalıyeva İctimai Palatadan da getdi
Tarix: 30.10.2013 | Saat: 19:10:00 | E-mail | Çapa göndər


Son zamanlar müxalifət daxilində cərəyan edən mənfi proseslər bu düşərgə adına formalaşmış mənfi imici daha da gücləndirib. Belə neqativ hallardan biri də müxalifət daxilində gedən çaxnaşma və söz davasının sonda istefalarla nəticələnməsidir. Bu olaylardan biri müxalifətdəki nadir siyasətçi xanımlardan olan Zəminə Dünyamalıyeva ilə bağlı yaşanıb.
Açıq Cəmiyyət Partiyası Ali Məclisinin sabiq sədri və “milli şura”nın keçmiş üzvü olan Zəminə Dünyamalıyeva üzvü olduğu digər bir siyasi birlikdən – İctimai Palatadan da istefa verərək, buradakı fəaliyyətini dayandırdığını açıqlayıb.
Bu barədə Zəminə Dünyamalıyevanın sosial şəbəkələrdə yaydığı məlumatında qeyd edilib. Z.Dunyamalıyeva bildirib ki, İctimai Palata hələ də fəaliyyətini davam etdirirsə, o, “milli şura”dan istefa verdikdən sonra bu qurumdan da getmiş hesab olunur: “Mən İctimai Palatanın özünü buraxacağını düşünürdüm. Ancaq bu qurum hələ də mövcuddursa, mən təbii ki, buradan da getmiş hesab olunuram”.
O, bu qurumdan istefa verməklə bağlı hər hansı xüsusi müraciət və ya ərizə yazmaq fikrində deyil: “Oraya üzv olanda ərizə yazıb qəbul olunmuşdum ki, indi də ərizə yazıb çıxım? Mən “milli şura”dan istefa verdiyimi açıqlayandan sonra İctimai Palatadakı fəaliyyətimi də dayandırmışam”.
ACP Ali Məclisinin sabiq sədri deyib ki, əslində “milli şura” yarananda İctimai Palata öz fəaliyyətini dayandırmışdı, çünki buradakı şəxslərin demək olar hamısı yeni yaranan quruma keçmişdi: “Bir neçə adam bunu özünə hobbi bilir ki, hansısa adda qurum olsun, bunun da adı orada olsun. İctimai Palatanın bütün üzvləri “milli şura”dadırsa, bu qurumun qalıb-qalmamasının hansı əhəmiyyəti var axı?!”.
Qeyd edək ki, Z.Dünyamalıyeva “milli şura”nın sonuncu sessiyasında özünün müraciətinə əsasən bu qurumun üzvlüyündən çıxarılmışdı.
Tural




 
Bölməyə aid digər xəbərlər
25.05.2019
Parisdə AŞPA-nın Mədəniyyət komitəsinin iclası keçiriləcək
25.05.2019
Azərbaycan Prezidentinin köməkçisi Əli Həsənov: “Azərbaycan-İsrail strateji münasibətləri bütün regionda sülhə və təhlükəsizliyə xidmət edir”
25.05.2019
ABŞ Konqresində Azərbaycan Xalq Cümhuriyyətinin 101 illiyi münasibətilə növbəti bəyanat verilib
24.05.2019
“Anatolian Phoenix-2019” təlimləri başa çatıb
24.05.2019
MN: Ermənilər məruz qaldıqları uğursuzluğu absurd bəyanatlarla ört-basdır etməyə çalışırlar

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info