“Azərbaycan-Rusiya münasibətlərində problem yoxdur”
Tarix: 31.10.2013 | Saat: 23:39:00 | E-mail | Çapa göndər


Polad Bülbüloğlu: “Azərbaycan Rusiya ilə viza rejiminin tətbiqinə hazırdır”

“Orxan Zeynalovun hüquqlarının müdafiəsi üçün vəkil tutulub, bizim konsulluq onunla görüşüb və o, öz şikayətlərini edib. Biz də lazım olan təşkilatlara çatdırmışıq”. Bunu jurnalistlərə açıqlamasında Azərbaycanın Rusiyadakı səfiri Polad Bülbüloğlu deyib. Onun sözlərinə görə, məsələ hüquq çərçivəsində gedir:
“İndi məhkəmə olmalıdır. Əgər bu insan cinayət törədibsə, təbii ki, cəzasını alacaq. Artıq bunu istintaq, məhkəmə göstərəcək. Biz məsələyə nəzarət edən Rusiyanın bütün təşkilatlarına müraciət etmişik, onun haqqında rəsmi olaraq Rusiya XİN-ə iki nota vermişik. Bunun nəticəsi olaraq konsulluq və səfirliyin məsul işçiləri onunla əlaqədədirlər, məsələ nəzarətdədir. Bizim səfirlik olaraq vəzifəmiz vətəndaşlarımızın hüquqlarını müdafiə etməkdir. O ki qaldı miqrantlarla bağlı digər məsələlərə, bildirmək istəyirəm ki, Rusiyada miqrantlarla bağlı siyasət sərtləşib, yalnız azərbaycanlılara qarşı deyil. Sənədlər yoxlanılır, qeydiyyatdan keçmə və s. məsələlərə daha sərt yanaşırlar. Təbii, bu, Rusiyanın daxili problemidir. Rusiya böyük ölkədir, orda işçi qüvvəsi çatmır, bu ciddi problemdir. Məsələn, qarşıdan qış gəlir. Küçələri qardan təmizləmək lazımdır, kimsə küçələri süpürməlidir, bazarlarda kimsə işləməlidir. Təbii ki, biz bu işlərə qarışa bilmərik, öz daxili işləridir. Amma inanıram ki, bu məsələ tənzimlənəcək”. P.Bülbüloğlu hazırda Azərbaycan-Rusiya münasibətlərində problem olmadığını vurğulayıb: “Dövlətlər arasında heç bir problem yoxdur, ictimai problemlər var. O da sirr deyil ki, bəzi miqrantlar özlərini düzgün aparmırlar, bəziləri cinayət törədirlər. Bu yaxınlarda bir azərbaycanlı bıçaqla birinin gözünü çıxardı. O biri azərbaycanlı bu günlərdə Moskvanın mərkəzində, Kutuzov prospektində maşınla iki motosikletçini vurub, onlardan biri yerində ölüb, digəri isə ağır yaralıdır. Çox heyif ki, belə hadisələr də olur, amma onları siyasiləşdirmək, millətlərarası, dövlətlərarası problem kimi qələmə vermək düzgün deyil. Vətəndaş hansısa hadisə törədibsə, hüquq çərçivəsində cəzasını almalıdır. Demək istəyirəm ki, Rusiya xarici ölkədir, sərt qanunları var. Ora gedənlər əvvəlcə Rusiya qanunlarını öyrənməlidir”. Səfir “İki ölkə arasında viza rejiminin tətbiqi gözlənilirmi?” sualını belə cavablandırıb: “Azərbaycan tərəfi buna hazırdır. Mən bunu rəsmən onlara bildirmişəm ki, əgər Rusiya bu məsələni qaldırsa, Azərbaycan qısa zamanda baxıb qərar verəcək”.




 
Bölməyə aid digər xəbərlər
18.11.2018
Ölkəmizin on şəhər və rayonunun məktəbliləri Lənkərana gəliblər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info