“Toksik trio”nun gənclərə təsirini araşdırmaq üçün sosial tədqiqat aparılıb
Tarix: 23.09.2020 | Saat: 19:56:00 | E-mail | Çapa göndər


21 sentyabr 2020-ci ildə ölkənin ən iri pivə istehsalçısı olan Carlsberg Azerbaijan UAFA qeyri-hökumət təşkilatı ilə əməkdaşlıqda “toksik trio”nun gənclərə təsirini araşdıran tədqiqatın nəticələri üzrə onlayn mətbuat konfransı təşkil ediblər. Sosiologiyada nisbətən yaxın dövr ərzində yaranmış “toksik trio” anlayışı məişət zorakılığı, psixoaktiv maddələrdən sui-istifadənin yaranması halları, eləcə də psixi sağlamlıq problemləri arasındakı əlaqəni təsvir edir. Tədqiqatın məqsədi “toksik trio”nun Azərbaycan gəncləri üzərində təsir miqyasını anlamaq və sosial siyasət bu məsələləri nəzərə almadığı halda ictimaiyyətin diqqətini “toksik trio”nun tərkibinə cəlb etməkdir ki, uzunmüddətli perspektivdə bu, ölkə əhalisinin fiziki və psixoloji sağlamlığına təsir edə bilər.
Carlsberg Group-un bir hissəsi olan Carlsberg Azerbaijan şirkəti həmin araşdırmada iştirak edərək qarşısına məsuliyyətsiz alkoqol istehlakının ölkə gənclərinə təsirini öyrənmək və problemin miqyasını anlamaq məqsədini qoymuşdur. Tədqiqat nəticələri göstərmişdir ki, respondentlərin 33 %-i alkoqol asılılığı olan şəxslərlə nadir hallarda qarşılaşırlar, 8 %-i müntəzəm qarşılaşır, respondentlərin 10 %-i isə heç vaxt alkoqol asılılığı olan şəxslərlə qarşılaşmayıblar. Bu nəticələr ölkədə alkoqol asılılığının ciddi problem olmadığına işarə edir.
Carlsberg Azerbaijan korporativ ünsiyyətlər departamentinin rəhbəri Lalə Əfəndi: “Məsuliyyətli alkoqol istehlakı məsələsi şirkətimiz üçün olduqca vacibdir və biz Carlsberg Group-un mövcud olduğu bütün bazarlarda Məsuliyyətli istehlak konsepsiyasını inkişaf etdirmək üçün əlimizdən gələni edirik. Təsadüfi deyil ki, SIFIR Məsuliyyətsiz istehlak Carlsberg Group-un Birlikdə SIFIRA Doğru dayanıqlı inkişaf proqramı çərçivəsində dörd ambisiyadan biridir: SIFIR Karbon İzi, SIFIR Su itkisi, iş yerində SIFIR bədbəxt hadisə və söz açdığımız SIFIR Məsuliyyətsiz İstehlak. Hər il sentyabr ayının ortalarında böyük pivə şirkətləri bütün dünyada ictimaiyyətin diqqətinin alkoqoldan sui-istifadə problemlərinə cəlb edilməsini nəzərdə tutan Ümumdünya Məsuliyyətli Pivə İstehlakı Gününü qeyd edir. Alkoqolizm statistikasının ölkəmizdə olduqca az olmasına baxmayaraq, biz Azərbaycanda məsuliyyətli istehlakın inkişaf etdirilməsi istiqamətində işləməyə davam edəcəyik”.
Belə ki, respondentlərin 76 %-i həyatda maddi qazancın təmin olunmasını əsas məqam kimi qəbul edir, 56 %-i hesab edir ki, kişilər sosial təzyiqə daha çox meyllidirlər və yalnız 7 %-i maddi təminatdan başqa, uşaqların tərbiyəsində və ailə həyatında iştirak etməyə vaxt tapırlar. Bu, gənclər arasında psixoloji sağlamlıq problemlərini dərinləşdirir və depressiyanın yaranması hallarını xeyli dərəcədə artırır. Tədqiqat göstərmişdir ki, respondentlərin 46 %-ı psixi sağlamlıq anlayışı ilə tanış deyil və təxminən 79%-i psixoloji bu cür problemlə üzləşdikdə hara müraciət edəcəyini bilmir.

UAFA təşkilatının rəhbəri Qven Börçel: “Sosial Siyasət üzrə Məsləhətçi kimi mənim narahatlığım cəmiyyətdəki tendensiyaları təhlil etmək və cəmiyyətə təzyiq etməzdən əvvəl bunları siyasət və xidmətlər vasitəsilə həllərini təklif etməkdir. Bu tədqiqat gənc kişilərin kommunizmdən bazar iqtisadiyyatına sosial-iqtisadi keçidə görə qarşılaşdıqları təzyiqləri vurğulayıb. Gənc kişilərin dəstəyə, sosial xidmətlərdən istifadəyə və uşaqlarını böyütməkdə oynaya biləcəkləri müsbət rol haqqında daha çox məlumata ehtiyacları var. Ümid edirəm ki, bu tədqiqat işi yaxın gələcəkdə gənclərlə bağlı siyasətə təsirdə rol oynayacaqdır”.




 
Bölməyə aid digər xəbərlər
22.10.2020
Əriştədən bir ailənin 9 üzvü öldü
22.10.2020
“BMT-nin qətnamələri kağız parçası deyil”
21.10.2020
Alimlərdən inqilabi kəşf – İnsan kəlləsində yeni orqan tapıldı
16.10.2020
Toyuğun bu hissəsi xərçəng yaradır
16.10.2020
“Bizdən bunu etməyi gözləməyin!“

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11797

1 34 şagird və 21 işçidə koronavirus aşkarlanıb
2 Narşərab salatı
3 Ağdamda 3 cəbhəyanı kəndin yolu yenidən qurulub
4 Bu il övladlığa götürülən uşaqların sayı açıqlandı
5 Dövlət Komitəsi Bakının Baş Planının ilkin layihəsini BNA ilə müzakirə edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info