“Ermənistan öz işğalçı əməllərindən əl çəkməsə, çoxlu zabitləri, generalları, əsgərləri məhv ediləcək”
Tarix: 28.09.2020 | Saat: 21:29:00 | E-mail | Çapa göndər



“Ermənistanın Azərbaycana qarşı növbəti təxribatına Ordumuz layiqli cavab verməkdədir”.

Bunu APA-ya açıqlamasında Milli Məclisin Müdafiə, Təhlükəsizlik və korrupsiyaya qarşı mübarizə komitəsinin sədri Ziyafət Əsgərov deyib.

O bildirib ki, Ermənistan dəfələrlə Azərbaycana qarşı həm dövlət sərhədində, həm də işğal olunmuş torpaqlarda təxribatlar həyata keçirib:

“2016-cı il Aprel döyüşləri, iyulda baş verən Tovuz hadisələri bunun bariz nümunəsidir. Ordumuzun indi həyata keçirdiyi əks-hücum əməliyyatları Ermənistanın hərbi təxribatına verilən cavablardır. Ordumuz və ölkəmiz hər zaman beynəlxalq hüququn prinsiplərini əsas götürməklə addımlar atır və Ermənistanın mülki əhalisinə qarşı silah qaldırmayıb. Bu, ordumuzun baza prinsipidir. Ümumiyyətlə, müharibəni aparmağın qaydası budur. Amma əksinə, Ermənistan ordusu bu dəfə də mülki əhalini hədəf götürüb. Bu, Ermənistan Ordusunun faşist, terrorçu mahiyyətini bir daha göstərdi. Bu, Ermənistan Ordusunun faşist və terrorçu mahiyyətini bir daha göstərdi. Bunlar açıq döyüşdə kişi kimi mübarizə apara bilmirlər”.

Talış kəndi istiqamətində gedən döyüşlərdə desant həmlə taborunun komandiri podpolkovnik Lernik Vardanyan öldürülməsinin Ermənistan Ordusunda ruh düşkünlüyünə səbəb olduğunu qeyd edən komitə sədri bildirib ki, erməni zabiti Azərbaycan əsgərini görəndə dizi əsir:

“Bunlar artıq Azərbaycan Ordusunun gücünü, xalqın əhval ruhiyyəsini hiss edir. Azərbaycan Ordusu özgənin torpağında vuruşmur, öz torpağında vuruşur. Azərbaycanda xalq-ordu birliyi mövcuddur, Ermənistan bundan qorxur. Bundan sonra da Ermənistan öz işğalçı əməllərindən əl çəkməsə, onların çoxlu zabitləri, generalları, əsgərləri məhv ediləcək. Ona görə də Ermənistan zabiti, generalı, əsgəri ölmək istəmirsə, Azərbaycan torpağından çıxıb getsin. Artıq ermənilərin köməyinə heç kim gəlməyəcək. Hazırda onlar bir sıra ölkələrə yalvarırlar. Bu ölkələr də Azərbaycana atəşi dayandırmaqla bağlı müraciətlər edirlər. Bu gün bizə sülh təklif edənlər 1 milyon qaçqın öz dədə-baba yurdundan çıxarılanda harada idi?! Xocalı soyqırımı baş verəndə onların vicdanı harada idi?! İndi bu dövlətlər Azərbaycanı sülh danışıqlarına səsləyir. Amma Azərbaycan öz haqq işində sona qədər gedəcək”.




 
Bölməyə aid digər xəbərlər
23.10.2020
Ermənistan Dağlıq Qarabağ münaqişəsi məsələsində Moskvanın dəqiq mövqeyindən nəticələr çıxarmalıdır - Türkiyə hökuməti
23.10.2020
Birinci vitse-prezident Mehriban Əliyeva: Pandemiyaya qarşı müharibə hələ davam edir
23.10.2020
Azərbaycanın Rusiyadakı səfirliyi “Pobeda“ aviaşirkətinin azərbaycanlılara qadağasını araşdırır
23.10.2020
Azərbaycan və Ermənistan XİN rəhbərlərinin Vaşinqtonda planlaşdırılan görüşünə BMT-dən münasibət
23.10.2020
Ermənilərin növbəti saxtakarlığı: Türk məşhurlar “öldürülmüş azərbaycanlı hərbçisi” kimi təqdim edilir

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11797

1 34 şagird və 21 işçidə koronavirus aşkarlanıb
2 Narşərab salatı
3 Ağdamda 3 cəbhəyanı kəndin yolu yenidən qurulub
4 Bu il övladlığa götürülən uşaqların sayı açıqlandı
5 Dövlət Komitəsi Bakının Baş Planının ilkin layihəsini BNA ilə müzakirə edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info