Tələbələrimiz Almaniyada yay kurslarında iştirak edəcək
Tarix: 04.11.2013 | Saat: 23:12:00 | E-mail | Çapa göndər


Alman Akademik Mübadilə Xidmətinin (DAAD) Bakı Məlumat Mərkəzinin rəhbəri xanım Nikola Ulliş Naxçıvan Dövlət Universitetində olub.
Rəsmi qəbul zamanı universitetin rektoru, professor Saleh Məhərrəmov Naxçıvan Dövlət Universitetində dünya təhsil sisteminə inteqrasiya, ali təhsil sahəsində ümumavropa təcrübəsinin öyrənilməsi və tətbiqi istiqamətində görülən işlərdən danışıb. Qeyd olunub ki, universitet dünyanın tanınmış 80 ali məktəbi ilə beynəlxalq əməkdaşlığa malikdir. Universitet bir çox beynəlxalq layihələrdə, o cümlədən Tempus proqramı çərçivəsində həyata keçirilən 5 layihədə də uğurla təmsil olunmaqdadır. Tələbə mobilliyinin artırılması nəticəsində bir neçə tələbə təhsillərini Acarıstan Muxtar Respublikasının Şota Rustaveli adına Batumi Dövlət Universitetində, Cənubi Koreyanın Kimçonq Universitetində davam etdirirlər. “ERASMUS MUNDUS” layihəsi çərçivəsində 2 nəfər İspaniyanin Santyago de Kompostela Universitetində, 1nəfər isə İtaliyanın Tuskua Universitetində doktorantura təhsili alır. Rektor Almaniya ilə də tələbə mübadiləsinin genişləndirilməsinin əhəmiyyətini vurğulayıb. Xanım Nikola Ulliş təmsil etdiyi qurum haqqında ətraflı məlumat verərək Alman Akademik Mübadilə Xidmətinin alman ali məktəblərinin birgə qurumu və beynəlxalq əməkdaşlıq sahəsində ən böyük maliyyələşdirici qurum olduğunu bildirib.
Sonra tələbə və magistrlər qarşısında geniş təqdimat olub. Təqdimatı giriş sözü ilə universitetin beynəlxalq əlaqələr üzrə prorektoru, riyaziyyat üzrə fəlsəfə doktoru Anar Kazımov açaraq Almaniyada təhsil imkanları haqqında məlumat verib. Xanım Ulliş DAAD Bakı Məlumat Mərkəzinin iki ölkə arasında təhsil sahəsində əməkdaşlıq çərçivəsində yaradıldığını qeyd edərək onun fəaliyyət istiqamətlərindən danışıb. O, mərkəzin əsas missiyasının Almaniyada təhsil və tədqiqat imkanları barədə məlumatların yayılmasından, Almaniya ali məktəblərində mövcud olan ixtisas və fakültələr barəsində məlumatların Azərbaycan ali məktəblərinə çatdırılmasından, Azərbaycan ali məktəbləri və tədqiqat mərkəzləri üçün ayrılmış tədqiqat proqramları barəsində yeniliklərin maraqlı tərəfdaşlara bildirilməsindən və müxtəlif təqaüd proqramları üzrə müsabiqələrin keçirilməsindən ibarət olduğunu diqqətə çatdırıb. Sonra Almaniyada yay dil kurslarına iştirak etmək üçün universitetin II və III kurs tələbələrinin, I kurs magistrantların qatıldığı online imtahan keçirilib. İmtahanın nəticələri 2014-cü ilin mart-aprel aylarında bilinəcək.
Mehriban SULTAN




 
Bölməyə aid digər xəbərlər
23.02.2019
Turistlər polisdən razılıq edirlər
22.02.2019
Kənd təsərrüfatının inkişafında yeni mərhələ: Elektron Kənd Təsərrüfatı İnformasiya Sisteminin tətbiqinə başlanıldı
22.02.2019
Xocalı soyqrımını törədənlər beynəlxalq məhkəmə qarşisinda cavab verməlidirlər
22.02.2019
“Təbiət Mənim Evim” layihəsi baş tutub
22.02.2019
Mingəçevirin innovativ layihələri müəyyənləşib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info