Qafqaz Universitetində beynəlxalq müsabiqənin 1/4 final mərhələsi keçirildi
Tarix: 05.11.2013 | Saat: 19:49:00 | E-mail | Çapa göndər


ACM International Collegiate Programming Contest (ICPC) IBM şirkəti tərəfindən maliyyələşdirilən, ACM tərəfindən təşkil olunan və mənzil-qərargahı Baylor Universitetində yerləşən proqramlaşdırma üzrə çoxpilləli müsabiqədir. Bu barədə qəzetimizə Qafqaz Universitetindən məlumat verilib. Bu müsabiqə regional müsabiqələrdə ev sahibliyi edən qlobal universitetlər şəbəkəsini əhatə edir. Regional müsabiqələrin nəticələrinə görə müvəffəqiyyət qazanmış komandalar ACM-ICPC Dünya finalında iştirak etmək hüququ əldə edir. Bu müsabiqədə iştirakçıların sayı 6 qitədən 90-dan artıq ölkənin 2300-ə yaxın universitetindən olan kompyuter elmləri sahəsində minlərlə ən yaxşı tələbə və müəllimlərin hesabına sürətlə artmaqdadır.
Müsabiqə əsasən 3 mərhələdə aparılır. Birinci mərhələ - 1/4 final mərhələsi hər ölkə daxilində keçirilir. 2-ci yarımfinal mərhələsi müxtəlif regionlarda keçirilir. Final mərhələsi isə konkret bir ölkədə keçirilir.
Müsabiqə yaradıcılığa, qrup fəaliyyətinə və yeni proqramların hazırlanmasında innovasiyalara səbəb olur, həmçinin tələbələrə təzyiq altında öz qabiliyyətlərini nümayiş etdirmələrinə kömək edir. Başqa sözlə, bu dünyada proqramlaşdırma üzrə ən möhtəşəm, 38 illik tarixçəsi olan bir müsabiqədir.
Azərbaycan komandaları bu müsabiqələrdə 2005-ci ildən başlayaraq mütəmadi olaraq iştirak edir. İndiyə qədər Azərbaycanı Qafqaz Universiteti, Bakı Dövlət Universiteti, Azərbaycan Dövlət Neft Akademiyası və Moskva Dövlət Universitetinin Bakı filialının komandaları təmsil ediblər.
Qafqaz Universiteti, Bakı Dövlət Universiteti, İRƏLİ İctimai Birliyinin təşkilatı dəstəyi ilə “Universitet Tələbələrinin 38-ci ACM Proqramlaşdırma” beynəlxalq müsabiqəsinin növbəti 1/4 final mərhələsi (IX Azərbaycan Çempionluğu) 03 noyabr 2013-cü il tarixində Qafqaz Universitetində keçirilib. Müsabiqədə 11 universitetdən, o cümlədən: Qafqaz Universiteti, Bakı Dövlət Universiteti, Moskva Dövlət Universitetinin Bakı filialı, Azərbaycan Texniki Universiteti, Azərbaycan Dövlət Neft Akademiyası, Azərbaycan Memarlıq və İnşaat Universiteti, Azərbaycan Dövlət Pedaqoji Universiteti, Azərbaycan Milli Aviasiya Akademiyası, Naxçıvan Dövlət Universiteti, Azərbaycan Dövlət Aqrar Universiteti, Xəzər Universiteti, Azərbaycan Universitetindən ümumilikdə 48 komanda (hər komandada 3 tələbə) iştirak etdi.
Komandalara 5 saat ərzində 12 alqoritmik məsələni həll etmək tapşırığı verilib. Qiymətləndirmə e-olimp.com.ua/az saytında avtomatik test sistemi ilə aparılıb.
Qafqaz Universitetinin Baku Qafqaz U 3 komandası I, Baku Qafqaz U 2 komandası II, Moskva Dövlət Universitetinin Bakı filialının BakuMSU1 komandası III yerə layiq görülmüş, Baku Qafqaz U 1, Baku Qafqaz U 7 komandaları II dərəcəli diplomlarla, Baku Qafqaz U 4, BSU6, Baku MSU2, Baku Qafqaz U 11, Baku SU-1, Baku Qafqaz U 6 komandaları isə III dərəcəli diplomlarla təltif ediliblər.
Müsabiqənin nəticələrinə əsasən 10 komanda 30 noyabr - 1 dekabr 2013-cü il tarixlərində Gürcüstan Respublikasının Tbilisi şəhərində keçiriləcək “Universitet Tələbələrinin 38-ci ACM Proqramlaşdırma” beynəlxalq müsabiqəsinin yarımfinal mərhələsində və Cənubi Qafqaz açıq çempionatında iştirak etmək üçün vəsiqə qazanıb.

İlkin




 
Bölməyə aid digər xəbərlər
19.01.2019
20 Yanvar əlilləri və şəhid ailələrinə birdəfəlik maddi yardmlar verilib
17.01.2019
Dövlət Sosial Müdafiə Fondu tərəfindən ötən il 6148 sanator-kurort göndərişi verilib
17.01.2019
Bu il daha 6400-dən çox şəhid hərbi qulluqçunun vərəsələri birdəfəlik ödəmə ilə təmin ediləcək
16.01.2019
“Bizim həyət” layihəsi paytaxtın Sabunçu rayonunda icra olunur
16.01.2019
Yanvar ayı üzrə pensiyaların maliyyələşdirilməsinə başlandı

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info